ಬೆಂಗಳೂರು : ವಾಹನವನ್ನು ಓವರ್ ಟೇಕ್ ಮಾಡುವ ವಿಚಾರಕ್ಕೆ ಜಗಳ ನಡೆದು KSRTC ಬಸ್ ಡ್ರೈವರ್ಗೆ ಮಿನಿ ಟ್ರಕ್ ಡ್ರೈವರ್ ಚಾಕುವಿನಿಂದ ಇರಿದಿರುವ ಘಟನೆ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ದಾಬಸ್ಪೇಟೆಯಲ್ಲಿ ನಡೆದಿದೆ.
ದಾಬಸ್ಪೇಟೆಯ ಫ್ಲೈಓವರ್ ಮೇಲೆ ಸೈಡ್ ಹೊಡೆಯುವ ವಿಚಾರಕ್ಕೆ KSRTC ಬಸ್ ಅನ್ನು ಮನಿ ಟ್ರಕ್ ಡ್ರೈವರ್ ಭಾಸ್ಕರ್ ರೆಡ್ಡಿ ತಡೆದಿದ್ದಾನೆ. ವಾಹನ ನಿಲ್ಲಿಸಿ ಇಬ್ಬರೂ ಜಗಳವಾಡಿಕೊಂಡಿದ್ದಾರೆ. ಈ ವೇಳೆ ಮಾತಿಗೆ ಮಾತು ಬೆಳೆದು ಬಸ್ ಚಾಲಕ ಶಿವಪ್ಪ ಮಡಿವಾಳಗೆ ಟ್ರಕ್ ಡ್ರೈವರ್ ಭಾಸ್ಕರ್ ರೆಡ್ಡಿ ಚಾಕುವಿನಿಂದ ಇರಿದಿದ್ದಾನೆ.
ಬೆಳಗಿನ ಜಾವ 4ಗಂಟೆ ಸುಮಾರಿನಲ್ಲಿ ಈ ಕೃತ್ಯ ನಡೆದಿದೆ. ಹೆಚ್ಚಿನ ಚಿಕಿತ್ಸೆಗಾಗಿ ತುಮಕೂರು ಜಿಲ್ಲಾ ಆಸ್ಪತ್ರೆಗೆ ಬಸ್ ಡ್ರೈವರ್ ಶಿವಪ್ಪ ದಾಖಲಾಗಿದ್ದಾರೆ. ದಾಬಸ್ ಪೇಟೆ ಪೊಲೀಸ್ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ.
ಇದನ್ನೂ ಓದಿ : ನಿರ್ಮಾಪಕ ಸೌಂದರ್ಯ ಜಗದೀಶ್ ಸೂಸೈಡ್ ಪ್ರಕರಣ – ಸ್ಫೋಟಕ ಮಾಹಿತಿ ಬಾಯ್ಟಿಟ್ಟ ಪತ್ನಿ ಶಶಿರೇಖಾ..!
