ಬೆಂಗಳೂರು : ಪ್ರಾಸಿಕ್ಯೂಷನ್ಗೆ ಕೊಟ್ಟಿರೋದ್ರ ಹಿಂದೆ ರಾಜಕೀಯ ಇದೆ, ಇದಕ್ಕೆ ನಾವು ರಾಜಕೀಯವಾಗಿಯೇ ಉತ್ತರ ಕೊಡ್ಬೇಕು. ನಮ್ಮ ಪಕ್ಷದ ವತಿಯಿಂದ ಪ್ರತಿಭಟನೆ ನಡೆಸಲು ಸೂಚಿಸಿದ್ದೇವೆ, ಶಾಂತಿಯುತವಾಗಿ ಹೋರಾಟ ಮಾಡಲು ಮನವಿ ಮಾಡಿದ್ದೇವೆ ಎಂದು ಸಚಿವ ಡಾ.ಜಿ.ಪರಮೇಶ್ವರ್ ಹೇಳಿದ್ದಾರೆ.
ಈ ಬಗ್ಗೆ ಬೆಂಗಳೂರಿನಲ್ಲಿ ಗೃಹ ಸಚಿವ ಡಾ.ಜಿ.ಪರಮೇಶ್ವರ್ ಮಾತನಾಡಿ, ಬಿಜೆಪಿ, ಜೆಡಿಎಸ್ನ ಕೈವಾಡ ಇದರ ಹಿಂದೆ ಇದೆ, ಕಾನೂನು ಮತ್ತು ರಾಜಕೀಯವಾಗಿ ಎಲ್ಲವನ್ನೂ ಎದುರಿಸಬೇಕು. ರಾಜ್ಯದಲ್ಲಿ ಪ್ರತಿಭಟನೆ ಮಾಡುವ ಮೂಲಕ ಮನವರಿಕೆ ಮಾಡ್ಬೇಕು, ಈ ಪ್ರಕರಣದಲ್ಲಿ ಮುಖ್ಯಮಂತ್ರಿಗಳ ತಪ್ಪು ಇಲ್ಲವೇ ಇಲ್ಲ. ಆದರೂ ತನಿಖೆಗೆ ಅನುಮತಿ ನೀಡಿರೋದು ಸರಿಯಲ್ಲ ಎಂದಿದ್ದಾರೆ.
ಕಾನೂನು ಹೋರಾಟದಲ್ಲಿ ನಮಗೆ ಗೆಲುವು ಸಿಗುತ್ತೆ, ಸಿಎಂ ವಿರುದ್ಧ ತನಿಖೆ ಮಾಡಲು ಆಧಾರಗಳೇ ಇಲ್ಲ. ರಾಜ್ಯಪಾಲರು ನಿಯಮ ಮೀರಿ ತೀರ್ಮಾನ ಮಾಡಿದ್ದಾರೆ, ಕೋರ್ಟ್ನಲ್ಲೂ ಇದು ನಿಲ್ಲೋದಿಲ್ಲ ಅನ್ನೋ ವಿಶ್ವಾಸ ಇದೆ. ದೂರುದಾರರು ಲೋಕಾಯುಕ್ತ ತನಿಖೆಗೆ ಕೋರಿದ್ದಾರೆ, ಲೋಕಾಯುಕ್ತ ತನಿಖೆಗೆ ಕೊಟ್ಟರೆ ಕೊಡಬಹುದು. ಪ್ರಾಸಿಕ್ಯೂಷನ್ ಗೈಡ್ಲೈನ್ಗಳನ್ನೇ ಇಲ್ಲಿ ಮೀರಲಾಗಿದೆ, ಸಂಪುಟದ ನಿರ್ಣಯವನ್ನೇ ರಾಜ್ಯಪಾಲರು ಬದಿಗೊತ್ತಿದ್ದಾರೆ. ನಮ್ಮ ನಿರ್ಣಯದಲ್ಲಿ ಸ್ಪಷ್ಟವಾಗಿ ಹಳೆಯ ಪ್ರಕರಣ ಉಲ್ಲೇಖಿಸಿದ್ದೇವೆ, ಉದ್ದೇಶಪೂರ್ವಕವಾಗಿ ಪ್ರಾಸಿಕ್ಯೂಷನ್ಗೆ ಅನುಮತಿ ಕೊಟ್ಟಿದ್ದಾರೆ. ದ್ವೇಷದ ರಾಜಕಾರಣ ಬೇಡ ಅಂತಾ ಮನವಿ ಮಾಡಿದ್ದೆವು, ವಿಪಕ್ಷಕ್ಕೊಂದು, ನಮಗೊಂದು ನ್ಯಾಯ ಎನ್ನುವಂತಾಗಿದೆ ಎಂದು ಡಾ.ಜಿ.ಪರಮೇಶ್ವರ್ ಹೇಳಿದ್ದಾರೆ.
ಹಾಗೆಯೇ ಸಿಎಂ ರಾಜೀನಾಮೆ ಕೊಡುವ ಪ್ರಶ್ನೆ ಇಲ್ಲವೇ ಇಲ್ಲ, ಕಾನೂನು ರೀತಿಯಲ್ಲೇ ಹೋರಾಟ ಮಾಡುತ್ತೇವೆ. ಕೇರಳ, ತಮಿಳುನಾಡಿನಲ್ಲಿ ಇದೇ ರೀತಿ ಮಾಡಿದ್ದಾರೆ, ಕರ್ನಾಟಕ ಸಿಎಂ ಮೇಲೆ ಈಗ ದ್ವೇಷ ತೀರಿಸಿಕೊಳ್ತಿದ್ದಾರೆ. ರಾಜ್ಯಪಾಲರ ಕಚೇರಿ ದುರುಪಯೋಗ ಆಗಿದೆ, ಹೈಕಮಾಂಡ್ ಸೂಕ್ತವಾದ ತೀರ್ಮಾನ ಮಾಡುತ್ತಾರೆ, ಅಭಿಷೇಕ್ ಮನು ಸಿಂಘ್ವಿ ಅವರೇ ವಾದ ಮಾಡಬಹುದು ಎಂದಿದ್ದಾರೆ.
ಬೆಂಗಳೂರು : ಬೆಂಗಳೂರಿನಲ್ಲಿ ಮತ್ತೊಂದು ಕೀಚಕ ಕೃತ್ಯ – ಆಟೋದಲ್ಲೇ ನಡೀತಾ ಯುವತಿಯ ಗ್ಯಾಂಗ್ ರೇಪ್?
