ಬೆಂಗಳೂರು : ಲೋಕಸಭಾ ಚುನಾವಣೆಗೆ ಬಿಜೆಪಿ ಭರ್ಜರಿ ತಯಾರಿ ಮಾಡಿಕೊಳ್ಳುತ್ತಿದೆ. ಬಿಜೆಪಿ ಅಭ್ಯರ್ಥಿಗಳ ಲಿಸ್ಟ್ ಇಂದು ಫೈನಲ್ ಆಗಿ ನಾಳೆಯೇ ಲಿಸ್ಟ್ ಘೋಷಣೆಯಾಗುವ ಸಾಧ್ಯತೆಯಿದೆ. ನಿನ್ನೆ ಒಂದೊಂದು ಕ್ಷೇತ್ರಕ್ಕೆ ಎರಡು ಹೆಸರು ಫೈನಲ್ ಆಗಿದ್ದು, ಇಂದು ನಾಯಕರು ಒಂದು ಹೆಸರು ಫೈನಲ್ ಮಾಡಲಿದ್ದಾರೆ.
ನಂತರ ಪ್ರಧಾನಿ ಮೋದಿಯವರ ಗಮನಕ್ಕೆ ತಂದು ನಾಳೆ ಪಟ್ಟಿ ಅನೌನ್ಸ್ ಮಾಡುವ ಸಾಧ್ಯತೆಯಿದೆ. ನಿನ್ನೆ ಸಂಜೆಯಿಂದ ಬಿಜೆಪಿ ನಾಯಕರು ಮ್ಯಾರಥಾನ್ ಮೀಟಿಂಗ್ ನಡೆಸಿದ್ದಾರೆ. ಈ ಸಭೆ ಅಮಿತ್ ಶಾ, ಜೆ.ಪಿ.ನಡ್ಡಾ, ಬಿ.ಎಲ್.ಸಂತೋಷ್ ಸಮ್ಮುಖದಲ್ಲಿ ನಡೆದಿದೆ.
ಸಭೆಗೆ ಮಾಜಿ ಸಿಎಂ ಬಿ.ಎಸ್.ವೈ, ರಾಜ್ಯಾಧ್ಯಕ್ಷ ಬಿ.ವೈ.ವಿಜಯೇಂದ್ರ, ಮಾಜಿ ಸಿಎಂ ಬಸವರಾಜಬೊಮ್ಮಾಯಿ, ಆರ್.ಅಶೋಕ್, ಕೋಟಾ ಶ್ರೀನಿವಾಸ ಪೂಜಾರಿ, ಪ್ರಹ್ಲಾದ್ ಜೋಶಿ ಮತ್ತಿತರರು ಸಾಥ್ ನೀಡಿದ್ದಾರೆ. ನಿನ್ನೆ ಕೋರ್ ಕಮಿಟಿ ಸಭೆ ನಡೆಸಿರುವ ಬಿಜೆಪಿ ನಾಯಕರು ನಾಳೆ ಮೋದಿ ನೇತೃತ್ವದಲ್ಲಿ ಕೇಂದ್ರ ಬಿಜೆಪಿ ಚುನಾವಣಾ ಸಮಿತಿ ಸಭೆ ನಡೆಸಲಿದ್ದಾರೆ.
ಸರ್ವೆ, ಸ್ಥಳೀಯ ನಾಯಕರ ಅಭಿಪ್ರಾಯ ಎರಡನ್ನೂ ಸಂಗ್ರಹಿಸಿ ಬಿಜೆಪಿ ಅಭ್ಯರ್ಥಿಗಳನ್ನು ಆಯ್ಕೆ ಮಾಡಲಿದ್ದಾರೆ. ಮೊದಲ ಹಂತದಲ್ಲಿ ಈ ಕೆಳಗಿನ 13 ಕ್ಷೇತ್ರಗಳಿಗೆ ಅಭ್ಯರ್ಥಿಗಳ ಘೋಷಣೆ ಸಾಧ್ಯತೆಯಿದೆ.
ಟಿಕೆಟ್ ಪಡೆಯೋ ಹಾಲಿ ಸಂಸದರು? :
- ನಳೀನ್ ಕುಮಾರ್ ಕಟೀಲ್- ಮಂಗಳೂರು- 3 ಬಾರಿ ಸಂಸದ
- ತೇಜಸ್ವಿ ಸೂರ್ಯ- ಬೆಂಗಳೂರು ದಕ್ಷಿಣ- ಮೊದಲ ಬಾರಿ ಸಂಸದ
- ಪಿ.ಸಿ.ಮೋಹನ್- ಬೆಂಗಳೂರು ಸೆಂಟ್ರಲ್- 3 ಬಾರಿ ಸಂಸದ
- ನಾರಾಯಣಸ್ವಾಮಿ- ಚಿತ್ರದುರ್ಗ- ಮೊದಲ ಬಾರಿ ಸಂಸದ
- ಶೋಭಾ ಕರಂದ್ಲಾಜೆ- ಉಡುಪಿ-ಚಿಕ್ಕಮಗಳೂರು, ಎರಡು ಬಾರಿ ಸಂಸದೆ
- ಪ್ರತಾಪ್ ಸಿಂಹ- ಮೈಸೂರು- ಎರಡು ಬಾರಿ ಸಂಸದ
- ಬಿ.ವೈ.ರಾಘವೇಂದ್ರ- ಶಿವಮೊಗ್ಗ- ಮೂರು ಬಾರಿ ಸಂಸದ
- ಮುನಿಸ್ವಾಮಿ- ಕೋಲಾರ, ಮೊದಲ ಬಾರಿ ಸಂಸದ
- ಜಿ.ಎಂ.ಸಿದ್ದೇಶ್ವರ್- ದಾವಣಗೆರೆ, ನಾಲ್ಕು ಬಾರಿ ಸಂಸದ
- ಪ್ರಹ್ಲಾದ್ ಜೋಶಿ-ಹುಬ್ಬಳ್ಳಿ-ಧಾರವಾಡ, ಮೂರು ಬಾರಿ ಸಂಸದಹೊಸದಾಗಿ ಯಾರಿಗೆ ಟಿಕೆಟ್..?
- ಜಗದೀಶ್ ಶೆಟ್ಟರ್-ಬೆಳಗಾವಿ
- ಬಸವರಾಜ ಬೊಮ್ಮಾಯಿ-ಹಾವೇರಿ
- ಹರಿಪ್ರಕಾಶ್ ಕೋಣೆಮನೆ- ಉತ್ತರ ಕನ್ನಡ
ಇದನ್ನೂ ಓದಿ : ಸಮಯ ಪ್ರಜ್ಞೆ ಮೆರೆದ ಟ್ರಾಫಿಕ್ ಪೊಲೀಸ್ : ಸಂಪ್ಗೆ ಬಿದ್ದ 2 ವರ್ಷದ ಮಗುವಿನ ಪಾಲಿಗೆ ರಕ್ಷಕರಾದ PSI..!
