ಬೆಂಗಳೂರು : ನಿನ್ನೆ ರಾತ್ರಿ ಕೋರಮಂಗಲದಲ್ಲಿ ಮೂವರು ಪುಂಡರು ಯುವತಿ ಜೊತೆ ಕಿರಿಕ್ ಮಾಡಿದ್ದಾರೆ. ಮೂವರು ಯುವಕರು ಕಾರಿನಲ್ಲಿದ್ದ ಮಹಿಳೆ ಜೊತೆ ಜಗಳವಾಡಿದ್ದು, ಕಿರಾತಕರು ಕಾರಿನ ಡೋರ್ ತೆರೆಯಲು ಮುಂದಾಗಿದ್ದಾರೆ. ಒಂದೇ ಬೈಕ್ನಲ್ಲಿ ತೆರಳುತ್ತಿದ್ದ ಮೂವರು ಯುವಕರು ಈ ಕೃತ್ಯವೆಸಗಿದ್ದು, ಇದ್ರಿಂದ ಭಯಗೊಂಡ ಮಹಿಳೆ ಕಣ್ಣೀರು ಹಾಕುತ್ತಲೆ ಪೊಲೀಸರಿಗೆ ಕರೆ ಮಾಡಿದ್ದಾಳೆ.
ಜಗಳದ ವೇಳೆ ಮಹಿಳೆ ಭಯದಲ್ಲೇ ಮೊಬೈಲ್ನಲ್ಲಿ ವಿಡಿಯೋ ರೆಕಾರ್ಡ್ ಮಾಡಿದ್ದಾಳೆ. ಈ ಘಟನೆ ಸಂಬಂಧ ಕೋರಮಂಗಲ ಪೊಲೀಸರು ಕೇಸ್ ದಾಖಲಿಸಿ, ಮೂವರನ್ನು ಅರೆಸ್ಟ್ ಮಾಡಿದ್ದಾರೆ. ತೇಜಸ್, ಜಗನ್ನಾಥ್ ಸೇರಿ ಮೂವರನ್ನು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ.
ಬಾಣಸವಾಡಿಯಲ್ಲಿ ಎರಡು ಕಾರುಗಳನ್ನು ಜಖಂಗೊಳಿಸಿ ಎಸ್ಕೇಪ್ ಆದ ಪುಂಡರು..! ಕೈಗೆ ಬೈಕ್ ಸಿಗ್ತು ಅಂತಾ ಪುಂಡರು ಯದ್ವಾತದ್ವಾ ಓಡಿಸಿರುವ ಘಟನೆ ಬಾಣಸವಾಡಿ ಟ್ರಾಫಿಕ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ. ಪೊಲೀಸರು ಎಷ್ಟೇ ವಾರ್ನಿಂಗ್ ಕೊಟ್ಟರೂ ಪುಂಡಾಟ ತಪ್ಪಲಿಲ್ಲ. ಥ್ರಿಲ್ಲರ್ ಮೋಜಿಗಾಗಿ ರಸ್ತೆಯಲ್ಲಿ ಬೇಕಾಬಿಟ್ಟಿ ಸಂಚಾರ ನಡೆಸಿ ಪುಂಡರು ಎರಡು ಕಾರ್ಗಳನ್ನು ಜಖಂಗೊಳಿಸಿದ್ದಾರೆ. ಬೆಂಗಳೂರಿನ ಕಮ್ಮನಹಳ್ಳಿ ರಸ್ತೆಯಲ್ಲಿ ಅಪ್ರಾಪ್ತರು ಮಾಡಿರುವ ಪುಂಡಾಟ ಕಾರ್ನ ಡ್ಯಾಷ್ ಕ್ಯಾಮ್ನಲ್ಲಿ ಬಯಲಾಗಿದೆ. ಎರಡು ಕಾರುಗಳನ್ನು ಜಖಂಗೊಳಿಸಿ ಪುಂಡರು ಎಸ್ಕೇಪ್ ಆಗಿದ್ದಾರೆ.
ಇದನ್ನೂ ಓದಿ : “ಮ್ಯಾಟ್ನಿ” ಸಿನಿಮಾ ನೋಡಲು ಸತೀಶ್ ನೀನಾಸಂ ಗೆ ಜೊತೆಯಾದ ಸ್ನೇಹಿತರು..!
