ತುಮಕೂರು : 2005ರಲ್ಲಿ ನಡೆದಿದ್ದ ಪಾವಗಡ ವೆಂಕಟಮ್ಮನಹಳ್ಳಿ ಬ್ಲಾಸ್ಟ್ ಕೇಸ್ಗೆ ಸಂಬಂಧ ನಾಲ್ವರು ಮಾಜಿ ನಕ್ಸಲೈಟ್ಗಳನ್ನ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ಕೊರ್ಟ್ ವಿಚಾರಣೆಗೆ ನಿರಂತರವಾಗಿ ಗೈರಾಗಿದ್ದ ಹಿನ್ನಲೆ ವಶಕ್ಕೆ ಪಡೆದಿದ್ದು, ಆಂಧ್ರಪ್ರದೇಶದ ವಿವಿಧ ಭಾಗಗಳಲ್ಲಿ ತಲೆಮರೆಸಿಕೊಂಡಿದ್ದ ಆರೋಪಿಗಳನ್ನ ಪಾವಗಢ ಪೊಲೀಸರು ಪತ್ತೆ ಹಚ್ಚಿ ವಶಕ್ಕೆ ಪಡೆದಿದ್ದಾರೆ. ಪಾವಗಡ ವೆಂಕಟಮನಹಳ್ಳಿಯಲ್ಲಿ ನಡೆದಿದ್ದ ಬಾಂಬ್ ಬ್ಲಾಸ್ಟ್ನಲ್ಲಿ 16 ಜನರ ವಿರುದ್ಧ ಪ್ರಕರಣ ದಾಖಲಾಗಿತ್ತು. ಈ ಘಟನೆಯಲ್ಲಿ ಐವರು ಪೊಲೀಸರು ಸಾವನ್ನಪ್ಪಿದ್ದರು.
ಏನಿದು ಬಾಂಬ್ ಬ್ಲಾಸ್ಟ್ ಪ್ರಕರಣ ? 2005ರಲ್ಲಿ ಆಂಧ್ರಪ್ರದೇಶ ಮತ್ತು ಕರ್ನಾಟಕ ಗಡಿಯಾದ ಪಾವಗಡ ತಾಲೂಕಿನ ವೆಂಕಟಮ್ಮನಹಳ್ಳಿ ಮತ್ತು ತಿರುಮಣಿಯಲ್ಲಿ ನಕ್ಸಲ್ರ ಹಾವಳಿ ಹೆಚ್ಚಾದ ಹಿನ್ನೆಲ್ಲೆಯಲ್ಲಿ ವೆಂಕಟಮ್ಮನಹಳ್ಳಿಯಲ್ಲಿ 30 ಜನರ ಕೆಎಸ್ಆರ್ಪಿ ತುಕುಡಿಯನ್ನು ನಿಯೋಜಿಸಲಾಗಿತ್ತು.
2005ರ ಸೆಪ್ಟೆಂಬರ್ 10ರ ರಾತ್ರಿ 10:30ರ ಸುಮಾರಿಗೆ 300 ಜನ ನಕ್ಸಲ್ರು ಕೆಎಸ್ಆರ್ಪಿ ತುಕುಡಿ ಮೇಲೆ ದಾಳಿ ಮಾಡಿದ್ದರು.ಕಪ್ಪು ಮತ್ತು ಪಾಚಿ ಹಸಿರು ಸಮವಸ್ತ್ರದಲ್ಲಿ ಮೂರು ಟ್ರಕ್‌ಗಳಲ್ಲಿ ಮಹಿಳೆಯರೂ ಸೇರಿದಂತೆ 300 ಜನ ನಕ್ಸಲ್ರು ಆಂದ್ರ ಪ್ರದೇಶದಿಂದ ಬಂದಿದ್ದರು.
ಇವರಲ್ಲಿ 200 ಜನ ನಕ್ಸಲ್ರು ಕೆಎಸ್ಆರ್ಪಿ ತುಕುಡಿ ತಂಗಿದ್ದ ಶಾಲೆಯೊಳೆಗೆ ನುಗ್ಗಿದರು. ಶರಣಾಗುವಂತೆ ಒತ್ತಾಯಿಸಿದರು. ಇನ್ನೂ 100 ಜನ ನಕ್ಸಲ್ರು ಕಟ್ಟಡವನ್ನು ಸುತ್ತುವರೆದರು.
ಬಳಿಕ ಪೊಲೀಸರು ಶರಣಾಗಿ ಹೊರ ಬರುತ್ತಿದ್ದಂತೆ ರಾಜೀವ್ ಎಂಬ ಪೊಲೀಸ್ ಅಧಿಕಾರಿಯ ಎದೆಗೆ ನಕ್ಸಲ್ರು ಗುಂಡು ಹಾರಿಸಿದರು. ಬಳಿಕ ಸ್ವಾಮಿ ಎಂಬ ಅಧಿಕಾರಿ ಮೇಲೆ ಗುಂಡು ಹಾರಿಸಿದರು.
ಬಳಿಕ ಪೊಲೀಸರು ತಂಗಿದ್ದ ಶಾಲೆಯ ಮೇಲೆ ಗ್ರೆನೆಡ್ ಬಾಂಬ್ ದಾಳಿ ಮಾಡಿದರು. ಈ ವೇಳೆ ಕೂಡ ಹಲವು ಅಧಿಕಾರಿಗಳು ಪ್ರಾಣ ಬಿಟ್ಟರು. ಆರ್‌ಎಸ್‌ಐ ಕಾಲವಾಡ, ಹೆಡ್‌ಕಾನ್ಸ್‌ಟೇಬಲ್‌ಗಳಾದ ಸಿದ್ದರಾಮಣ್ಣ, ಜಯರಾಮ್, ರಾಜೀವ್ ಮತ್ತು ಚಿಕ್ಕನರಸಯ್ಯ ಮತ್ತು ಕಾನ್‌ಸ್ಟೆಬಲ್ ವೆಂಕಟೇಶ್ ಮೃತ ಪೊಲೀಸರು.
ಈ ಘಟನೆ ನಡೆಯುವ ಮುನ್ನ ಪೊಲೀಸ್ ಎನ್‌ಕೌಂಟರ್‌ನಲ್ಲಿ ಇಬ್ಬರು ನಕ್ಸಲ್ ಸಹಚರು ಮೃತಪಟ್ಟಿದ್ದರು. ಇದರ ಪ್ರತೀಕಾರ ತೀರಿಸಿಕೊಳ್ಳಲು ಈ ಹತ್ಯೆಗಳನ್ನು ಮಾಡಿದರು ಎನ್ನಲಾಗಿತ್ತು. ಘಟನೆ ಸಂಬಂಧ 16 ಜನರ ವಿರುದ್ಧ ಪ್ರಕರಣ ದಾಖಲಾಗಿತ್ತು.
ಇದನ್ನೂ ಓದಿ : ಜೆಟ್ ಲ್ಯಾಗ್ ಪಬ್ ಕೇಸ್ ; ನಟ ದರ್ಶನ್ ಸೇರಿ ಸೆಲೆಬ್ರಿಟಿಗಳಿಗೆ ನೋಟಿಸ್..
