ಒಲಿಂಪಿಕ್ಸ್ನಲ್ಲಿ ಭಾರತಕ್ಕೆ ದೊಡ್ಡ ಆಘಾತ ಎದುರಾಗಿದೆ. ಮಹಿಳೆಯರ 50 ಕೆ.ಜಿ ಕುಸ್ತಿ ವಿಭಾಗದಲ್ಲಿ ಫೈನಲ್ ಪ್ರವೇಶಿಸಿದ ವಿನೇಶ್ ಫೋಗಾಟ್ರನ್ನು ಪ್ಯಾರಿಸ್ ಒಲಿಂಪಿಕ್ಸ್ ಅನರ್ಹಗೊಳಿಸಿದೆ. ಇಂದು ಫೈನಲ್ ಪಂದ್ಯ ನಡೆಯೂವುದಕ್ಕೂ ಮುನ್ನವೇ ಭಾರತೀಯರಿಗೆ ಈ ವಿಚಾರ ಶಾಕ್ ಆಗಿದೆ. ಪ್ರೀಕ್ವಾರ್ಟರ್‌ ಫೈನಲ್ ಹಣಾಹಣಿಯಲ್ಲಿ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಚಿನ್ನ ಗೆದ್ದಿದ್ದ ಯೂಯ್‌ ಸುಸಾಕಿಗೆ ನಿನ್ನೆ ವಿನೇಶ್ ಫೋಗಾಟ್ ಮಣ್ಣು ಮುಕ್ಕಿಸಿದ್ದರು. ನಾಲ್ಕು ಬಾರಿ ವಿಶ್ವ ಚಾಂಪಿಯನ್‌ ಆಗಿದ್ದ ಯೂಯ್‌ ಸುಸಾಕಿಯನ್ನು ಸೋಲಿಸಿದ್ದರು.
ಕ್ವಾರ್ಟರ್ ಫೈನಲ್ನಲ್ಲಿ ಉಕ್ರೇನ್ ಒಕ್ಸಾನಾ ಲಿವಾಚ್ ಎದುರಿಸಿದ ವಿನೇಶ್ ಫೋಗಾಟ್ ಪರಾಕ್ರಮ ಮೆರೆದಿದ್ದರು. ಬಳಿಕ ಕ್ಯೂಬಾದ ಯುಸ್ನೆಲಿಸ್ ಗುಜ್ಮನ್‌ ವಿರುದ್ಧ ಪ್ರದರ್ಶನ ತೋರಿ 5-0 ಅಂತರದಲ್ಲಿ ಗೆದ್ದು ಫೈನಲ್‌ಗೆ ಲಗ್ಗೆ ಹಾಕಿದರು.
ಆದರಿಂದು ಪ್ರೀಸ್ಟೈಲ್ ಫೈನಲ್ನಲ್ಲಿ ಅಮೆರಿಕಾದ ಸಾರಾ ಹಿಲ್ಡೆಬ್ರಾಂಡ್ರನ್ನ ಎದುರಿಸಬೇಕಿತ್ತು. ಆದರೆ ಅದಕ್ಕೂ ಮುನ್ನ ವಿನೇಶ್ ಪೋಗಾಟ್ರನ್ನು ಪ್ಯಾರಿಸ್ ಒಲಿಂಪಿಕ್ಸ್ನಿಂದ ಅನರ್ಹಗೊಳಿಸಲಾಗಿದೆ. ನಿನ್ನೆಗಿಂತಾ ಇಂದು 100 ಗ್ರಾಂ ತೂಕ ಹೆಚ್ಚಿದ್ದ ಕಾರಣ ನೀಡಿ ಇಂದು ಸಂಜೆ ನಡೆಯಬೇಕಾಗಿದ್ದ ಫೈನಲ್ ಪಂದ್ಯದಿಂದ ಅನರ್ಹಗೊಳಿಸಲಾಗಿದೆ. ಸದ್ಯ ಈ ವಿಚಾರದಿಂದ ಭಾರತೀಯರಿಗೆ ಭಾರೀ ಬೇಸರ ತಂದಿದೆ.
ಇದನ್ನೂ ಓದಿ : ಬೆಳಗಾವಿಯ ಇನ್ಸುಲೆನ್ ಟೇಪ್ ಕಾರ್ಖಾನೆಯ ಅಗ್ನಿ ದುರಂತಕ್ಕೆ ಒಂದು ಬಲಿ..!
