ರಾಜ್ಯ ಸರ್ಕಾರ ಈಗಲಾದ್ರೂ ಓಲೈಕೆ ರಾಜಕಾರಣ ನಿಲ್ಲಿಸಲಿ : ಆರ್​. ಅಶೋಕ್..!

ಬೆಂಗಳೂರು : ರಾಜ್ಯ ಸರ್ಕಾರ ಈಗಲಾದ್ರೂ ಓಲೈಕೆ ರಾಜಕಾರಣ ನಿಲ್ಲಿಸಲಿ, ದೇಶದ್ರೋಹಿ ಹೇಳಿಕೆ ಕೊಟ್ಟವರ ಮೇಲೆ ಕಠಿಣ ಕ್ರಮ ಕೈಗೊಳ್ಳಲಿ ಎಂದು ವಿಪಕ್ಷ ನಾಯಕ ಆರ್​​.ಅಶೋಕ್​ ಆಗ್ರಹಿಸಿದ್ದಾರೆ.

ಈ ಬಗ್ಗೆ ಕಲಬುರಗಿಯಲ್ಲಿ ವಿಪಕ್ಷ ನಾಯಕ ಆರ್​​.ಅಶೋಕ್​ ಮಾತನಾಡಿ, ಕರ್ನಾಟಕ ಒಂದು ರೀತಿ ಅಶಾಂತಿ ತೋಟ ಆಗ್ತಿದೆ, ಅಶಾಂತಿ ತೋಟದಲ್ಲಿ ದೇಶ ವಿರೋಧಿ, ರಕ್ತದ ಕಲೆಗಳು ಕಾಣ್ತಿವೆ. ಹಿಂದು ಕಾರ್ಯಕರ್ತರ ಕಗ್ಗೊಲೆಗಳು ನಿರಂತರವಾಗಿ ನಡೆಯುತ್ತಿವೆ, ಕಳೆದ 9 ತಿಂಗಳಲ್ಲಿ 15ಕ್ಕೂ ಹೆಚ್ಚು ಕೊಲೆಗಳು ಆಗಿವೆ ಎಂದಿದ್ದಾರೆ.

ಪಾಕಿಸ್ತಾನ್ ಜೊತೆ ನಂಟು ಇರುವವರು ಬಾಲ ಬಿಚ್ಚುತ್ತಿದ್ದಾರೆ, ಕರ್ನಾಟಕವನ್ನು ಉಗ್ರರ ಸ್ಲೀಪರ್​ ಸೆಲ್​ ಮಾಡುವ ಪ್ರಯತ್ನ ಆಗ್ತಿದೆ. ಘೋಷಣೆ ಕೂಗಿದವರನ್ನು ಅರೆಸ್ಟ್ ಮಾಡಿದ್ರೆ ಸಾಲದು, ರಾಜ್ಯಸಭೆ ಸದಸ್ಯ ನಾಸಿರ್​ ಹುಸೇನ್​​​ ಮೇಲೂ ಕ್ರಮ ಆಗಲಿ ಎಂದು ಆರ್​.ಅಶೋಕ್​ ಕಿಡಿಕಾರಿದ್ದಾರೆ.

ಇದನ್ನೂ ಓದಿ : ಶಂಕಿತ ಉಗ್ರರ ಬಂಧನ ಪ್ರಕರಣ : ಬೆಂಗಳೂರು ಸೇರಿ ಏಳು ರಾಜ್ಯಗಳಲ್ಲಿ NIA ದಾಳಿ​..!