ಬೆಂಗಳೂರು : ರೇಣುಕಾಸ್ವಾಮಿ ಕೊಲೆ ಕೇಸ್‌ನಲ್ಲಿ ಬೆಂಗಳೂರು ಪೊಲೀಸರು ತನಿಖೆ ಮುಕ್ತಾಯಗೊಳಿಸಿ ಜಾರ್ಜ್‌ಶೀಟ್ನ್ನು ಸಲ್ಲಿಕೆ ಮಾಡಿದ್ದಾರೆ. ಇನ್ನು ಜಾರ್ಜ್‌ಶೀಟ್ ಆಧಾರದ ಮೇಲೆ ಕೋರ್ಟ್ನಲ್ಲಿ ವಿಚಾರಣೆ ನಡೆಯಲಿದೆ. ಇದೀಗ ಡಿ ಗ್ಯಾಂಗ್ನ ರಾಕ್ಷಸ ಕೃತ್ಯದ ಫೋಟೋ ರಿಟ್ರೀವ್ ಮಾಡಿದ ಬಳಿಕ ಪೊಲೀಸರ ಕೈ ಸೇರಿದೆ ಎನ್ನಲಾಗುತ್ತಿದೆ. ಸದ್ಯ ಆ ಫೋಟೋಗಳು BTVಗೂ ಲಭ್ಯವಾಗಿದೆ.
ರೇಣುಕಾಸ್ವಾಮಿ ಬೇಡಿಕೊಂಡರೂ ಬಿಡದೇ ಡಿ ಗ್ಯಾಂಗ್ ಹಲ್ಲೆ ಮಾಡಿರುವ ಕ್ರೂರ ಕೃತ್ಯದ ಫೋಟೋ ವೈರಲ್ ಆಗಿದೆ. ಆ ಎರಡು ಫೋಟೋದಲ್ಲಿ ರಾಕ್ಷಸ ದರ್ಶನವಾಗಿದೆ. ಒಂದು ಫೋಟೋದಲ್ಲಿ ರೇಣುಕಾಸ್ವಾಮಿ ಶೆಡ್ನ ಹುಲ್ಲಿನ ನೆಲದ ಮೇಲೆ ಹಲ್ಲೆಯಿಂದಾಗಿ ನಿತ್ರಾಣಗೊಂಡು ಬಿದ್ದಿದ್ದು, ನೀಲಿ ಬಣ್ಣದ ಜೀನ್ಸ್ ಪ್ಯಾಂಟ್, ವೈಟ್ ಬನಿಯನ್ನಲ್ಲಿದ್ದಾರೆ. ಇದರಲ್ಲಿ ರೇಣುಕಾ ಕೈ ಮೇಲೆ ಗಾಯದ ಗುರುತಿದ್ದು, ಪಕ್ಕದಲ್ಲೇ KA-51, AF-0454 ನಂಬರ್ನ ಲಾರಿ ನಿಂತಿದೆ.
ಎರಡನೇ ಫೋಟೋ ನೋಡಿದ್ರೆ ಎಂಥವ್ರ ಕಣ್ಣಲ್ಲೂ ನೀರು ಬರುತ್ತೆ. ಬೇಡ..ದಮ್ಮಯ್ಯಾ ಬಿಟ್ ಬಿಡಿ ಎಂದು ರೇಣುಕಾಸ್ವಾಮಿ ಬೇಡ್ತಿದ್ದಾರೆ. ಆದರೂ ಹಂತಕರು ಬಿಡದೇ ಬಟ್ಟೆ ಕಳಚಿ ಬೆತ್ತಲು ಮಾಡಿ ಬಡಿದಿದ್ದು, ಇದರಲ್ಲಿ ರೇಣುಕಾಸ್ವಾಮಿ ಕಣ್ಣಿನ ಮೇಲೆ ಗಾಯಗಳಾಗಿವೆ. ಎರಡು ಕರುಳು ಹಿಂಡೋ ಫೋಟೋಗಳು BTVಗೆ ಲಭ್ಯವಾಗಿದೆ.
ಇದನ್ನೂ ಓದಿ : ಸಿಟಿ ಸಿವಿಲ್ ಕೋರ್ಟ್ನಲ್ಲಿ ದರ್ಶನ್ ಜಾಮೀನು ಅರ್ಜಿ ಸಲ್ಲಿಸಲು ತಯಾರಿ..!
