ಬೆಂಗಳೂರು : ಸಿಲಿಕಾನ್ ಸಿಟಿಯಲ್ಲಿ ನಿಗದಿಗಿಂತ ಹೆಚ್ಚಿನ ಹಣ ನೀಡುವಂತೆ ಓಲಾ ಕ್ಯಾಬ್ ಡ್ರೈವರ್ ಕ್ಯಾತೆ ತೆಗೆದಿದ್ದು, ಚಾಲಕ ನಡು ರಸ್ತೆಯಲ್ಲೇ ಪ್ರಯಾಣಿಕನಿಗೆ ನಿಂದಿಸಿ ಹಲ್ಲೆಗೆ ಯತ್ನಿಸಿದ್ದಾನೆ.
ಪದ್ಮನಾಭ ನಗರದ RK ಲೇಔಟ್ನಲ್ಲಿ ಕ್ಯಾಬ್ ಡ್ರೈವರ್ ಗೂಂಡಾಗಿರಿ ನಡೆಸಿದ್ದು, ಬಿಲ್ ತೋರಿಸಿ ಎಂದು ಹೇಳಿದ್ರೂ ಡ್ರೈವರ್ ಕಾಂತರಾಜ್ ಅವಾಚ್ಯ ಶಬ್ಧಗಳಿಂದ ನಿಂದಿಸಿ ಹಲ್ಲೆಗೆ ಯತ್ನಿಸಿದ್ದಾನೆ.
ಶುಭಂ ಎಂಬುವವರು RK ಲೇಔಟ್ನಲ್ಲಿ ಓಲಾ ಕ್ಯಾಬ್ ಬುಕ್ ಮಾಡಿದ್ದರು. 3 km ಹೆಚ್ಚು ತೋರಿಸ್ತಿದೆ ಎಂದು ಎಕ್ಸ್ಟ್ರಾ ಹಣ ಕೊಡುವಂತೆ ಡ್ರೈವರ್ ಪಟ್ಟು ಹಿಡಿದು ಹೆಚ್ಚಿನ ಹಣಕ್ಕೆ ಡಿಮ್ಯಾಂಡ್ ಮಾಡಿದ್ದಾನೆ.
ಬಿಲ್ ತೋರಿಸಿ ಹೆಚ್ಚಿನ ಹಣ ನೀಡುತ್ತೇನೆ ಎಂದ್ರೂ ಕಾಂತರಾಜ್ ಬಿಡಲಿಲ್ಲ. ಇದಕ್ಕೆ ನಿರಾಕರಿಸಿದ ಪ್ರಯಾಣಿಕ ಶುಭಂ ಟ್ರಿಪ್ ಕ್ಯಾನ್ಸಲ್ ಮಾಡಲು ಹೇಳಿದ. ಇದೇ ವಿಚಾರಕ್ಕೆ ಕಾಂತರಾಜ್- ಶುಭಂ ಮಧ್ಯೆ ನಡು ರಸ್ತೆಯಲ್ಲೇ ವಾಗ್ವಾದ ನಡೆದಿದೆ. ಈ ಬಗ್ಗೆ X ನಲ್ಲಿ ಪೋಸ್ಟ್ ಹಾಕಿ ಬೆಂಗಳೂರು ಪೊಲೀಸರಿಗೆ ಶುಭಂ ದೂರು ನೀಡಿದ್ದಾರೆ.
ಇದನ್ನೂ ಓದಿ : ಯಶವಂತಪುರ ಫ್ಲೈಓವರ್ ಮೇಲೆ ಮತ್ತೊಂದು ಅಪಘಾತ – ಟಯರ್ ಬ್ಲಾಸ್ಟ್ ಆಗಿ ಬೊಲೆರೋ ವಾಹನ ಪಲ್ಟಿ..!
