ಬೆಂಗಳೂರು : ಬೆಂಗಳೂರಿನ ಮಾಗಡಿ ರಸ್ತೆಯಲ್ಲಿರುವ ಜಿಟಿ ಮಾಲ್ನಲ್ಲಿ ಪಂಚೆ ಧರಿಸಿದ್ದಾರೆ ಎಂಬ ಒಂದೇ ಒಂದು ಕಾರಣಕ್ಕೆೆ ಫಕೀರಪ್ಪ ಎನ್ನುವವರಿಗೆ ಮಾಲ್ ಒಳಗಡೆ ಚಲನಚಿತ್ರ ವೀಕ್ಷಣೆಗೆ ಮಾಲ್ ಸಿಬ್ಬಂದಿ ಪ್ರವೇಶ ನಿರಾಕರಿಸಿದ್ದರು. ಈ ಘಟನೆಗೆ ಭಾರಿ ವಿರೋಧ ವ್ಯಕ್ತವಾದ ಹಿನ್ನಲೆಯಲ್ಲಿ ಬಂದ್ ಮಾಡಲಾಗಿದ್ದ, ಜಿಟಿ ಮಾಲ್ ಮತ್ತೆ ಓಪನ್ ಆಗಿದೆ. ಆದರೆ ಇದೀಗ CCTV ಕ್ಯಾಮೆರಾದಲ್ಲಿ ಪಂಚೆ ರಹಸ್ಯ ಸೆರೆಯಾಗಿದ್ದು, ಜಿಟಿ ಮಾಲ್ ವಿರುದ್ಧ ನಡೆದ ಪಿತೂರಿಯನ್ನು BTV ಬಯಲು ಮಾಡಿದೆ.
ಐದು ದಿನಗಳ ಹಿಂದೆ ಫಕೀರಪ್ಪ PVRನಲ್ಲಿ ಸಿನಿಮಾ ನೋಡಲು ಬಂದಿದ್ರು. ಫಕೀರಪ್ಪ ಬಂದಾಗ ಪರಿಶೀಲನೆಗೆ ಅಂತಾ ಸಿಬ್ಬಂದಿ ತಡೆದು ನಿಲ್ಲಿಸಿದ್ದರು. ಈ ವೇಳೆ ಕೋಪಗೊಂಡ ಫಕೀರಪ್ಪ ಅವರ ಪುತ್ರ ಪ್ರಶ್ನೆ ಮಾಡಿದ್ದನು. ಆನಂತರ ಮಾಲ್ ಒಳಗೆ ಬಿಟ್ಟಿಲ್ಲ ಅಂತಾ ಎಲ್ಲೆಡೆ ವಿಡಿಯೋ ವೈರಲ್ ಆಯ್ತು. ಈ ಮೂಲಕ GT ಮಾಲ್ ರೈತ ವಿರೋಧಿ ಎಂದು ಬಿಂಬಿಸಲು ಪ್ರಯತ್ನಿಸಿದರು.
ಆದರೆ ಫಕೀರಪ್ಪರನ್ನು ಮಾಲ್ನವರು ಪರಿಶೀಲನೆ ಮಾಡಿದ್ದೇಕೆ ಎಂಬುದು ಇದೀಗ ಬಯಲಾಗಿದೆ. ಕೆಲ ದಿನಗಳ ಹಿಂದೆ ಪಂಚೆ ಧರಿಸಿದ್ದ ವ್ಯಕ್ತಿ ಮಾಲ್ಗೆ ಬಂದಿದ್ರು. ಗ್ರೌಂಡ್ಫ್ಲೋರ್ನಲ್ಲಿ ಈವೆಂಟ್ ನಡೀತಿದ್ರೆ ಆ ವ್ಯಕ್ತಿ ಫಸ್ಟ್ ಫ್ಲೋರ್ಗೆ ಹೋಗಿದ್ರು. ಒಳ ಉಡುಪು ಹಾಕ್ದೆ ವ್ಯಕ್ತಿ ನಿಂತಿದ್ದು ನೋಡಿ ಮಹಿಳೆಯೊಬ್ರು ಈ ಸಂಬಂಧ ದೂರು ನೀಡಿದ್ದರು. ಕೂಡ್ಲೇ ಮಾಲ್ ಮ್ಯಾನೇಜರ್ ಆ ವ್ಯಕ್ತಿಯನ್ನು ಹೊರಗೆ ಕಳಿಸಿದ್ದರು.
ಅವತ್ತಿನಿಂದ ಪಂಚೆ ಧರಿಸಿ ಯಾರೇ ಬಂದ್ರೂ ಸಿಬ್ಬಂದಿ ವಿಚಾರಿಸುತ್ತಿದ್ದರು. ಆದರೆ ಮಹಿಳೆಯರ ದೂರಿನ ಹಿನ್ನೆಲೆಯಲ್ಲಿ GT ಮಾಲ್ ಮುನ್ನೆಚ್ಚರಿಕೆ ವಹಿಸಿದ್ದೇ ತಪ್ಪಾ. GT ಮಾಲ್ ಹೆಸರಿಗೆ ಮಸಿ ಬಳಿಯೋ ಪ್ರಯತ್ನ ನಡೀತಾ ಎಂಬ ಪ್ರಶ್ನೆಹುಟ್ಟಿಕೊಂಡಿದೆ.
ಇದನ್ನೂ ಓದಿ : ಡಿಸಿಎಂ ಡಿ.ಕೆ ಶಿವಕುಮಾರ್ನ್ನು ಭೇಟಿಯಾದ ದರ್ಶನ್ ಪತ್ನಿ ವಿಜಯಲಕ್ಷ್ಮಿ..!
