ಬೆಂಗಳೂರು : ಇಲ್ಲೀಗಲ್ ಆಗಿ IAS ಅಧಿಕಾರಿ ಕಾಲ್ ಡೀಟೇಲ್ಸ್ ತೆಗೆದ ಕೇಸ್ ಸಂಬಂಧ ನಿವೃತ್ತ IPS ಅಧಿಕಾರಿ ಸುರೇಶ್ ಅವರ ವಿರುದ್ದ FIR ದಾಖಲಾಗಿದೆ. IAS ಅಧಿಕಾರಿ ಆಕಾಶ್ ಅವರು ನೀಡಿದ ದೂರಿನ ಮೇರೆಗೆ ಪೊಲೀಸ್ ಇನ್ಸ್ಪೆಕ್ಟರ್ ಐಯ್ಯಣ್ಣ ರೆಡ್ಡಿ ವಿರುದ್ಧವೂ FIR ದಾಖಲಾಗಿದೆ. IAS ಅಧಿಕಾರಿ ಆಕಾಶ್ ಅವರು ನಿವೃತ್ತ IPS ಸುರೇಶ್ ಅಳಿಯ ಆಗಿದ್ದು, ಸುರೇಶ್ ಅವರ ಮಗಳನ್ನ IAS ಅಧಿಕಾರಿ ಆಕಾಶ್ ಅವರು ಮದ್ವೆಯಾಗಿದ್ದಾನೆ.
ಐಯ್ಯಣ್ಣ ರೆಡ್ಡಿ ಅವರು ಆಕಾಶ್ ಅವರ ಮೊಬೈಲ್ ಕಾಲ್ ಡೀಟೇಲ್ಸ್ ತೆಗೆದಿದ್ದರು. 2 ವರ್ಷದ ಹಿಂದೆ IAS ಅಧಿಕಾರಿ ಆಕಾಶ್ ವಿರುದ್ದ ವರದಕ್ಷಿಣೆ ಕೇಸ್ ದಾಖಲಾಗಿತ್ತು, ಕೌಟುಂಬಿಕ ಜಗಳದ ಹಿನ್ನೆಲೆ ವರದಕ್ಷಿಣೆ ಕಿರುಕುಳ ಕೇಸ್ ದಾಖಲಾಗಿತ್ತು. ತಮ್ಮ ಅಳಿಯನ ಮಾಹಿತಿ ಪಡೆಯಲು ಇನ್ಸ್ಪೆಕ್ಟರ್ ಐಯ್ಯಣ್ಣಗೆ ಹೇಳಿ ಸುರೇಶ್ ಕಾನೂನು ಬಾಹಿರವಾಗಿ ಕಾಲ್ ಡೀಟೇಲ್ಸ್ ತೆಗೆಸಿದ್ದರು. ಬಳಿಕ ಆಕಾಶ್ ಅವರು ಸುರೇಶ್ ಕುಟುಂಬ, ಐಯಣ್ಣ ರೆಡ್ಡಿ ವಿರುದ್ಧ ದೂರು ನೀಡಿದ್ದರು.
ಈ ದೂರಿನ ಆಧಾರದ ಮೇಲೆ ಸೆನ್ ಪೊಲೀಸ್ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ. ಐಯ್ಯಣ್ಣ ರೆಡ್ಡಿ ಪೀಣ್ಯ ಇನ್ಸ್ ಪೆಕ್ಟರ್ ಆಗಿದ್ದ ವೇಳೆ ಕಾಲ್ ಡೀಟೇಲ್ಸ್ ತೆಗೆಸಿದ್ದರು. ಇದೀಗ FIR ಹಿನ್ನಲೆಯಲ್ಲಿ ಐಯಣ್ಣ ರೆಡ್ಡಿ, ಸುರೇಶ್ ಅವರಿಗೆ ಸಂಕಷ್ಟ ಶುರುವಾಗಿದೆ. ಇಲ್ಲೀಗಲ್ ಆಗಿ ಸಿಡಿಆರ್ ತೆಗೆದ ಹಿನ್ನೆಲೆ ಐಯಣ್ಣ ರೆಡ್ಡಿ ಅವರನ್ನು ಸಸ್ಪೆಂಡ್ ಮಾಡುವ ಸಾಧ್ಯತೆಯಿದೆ.
ಇದನ್ನೂ ಓದಿ : ಬೆಳಗಾವಿ : ಪ್ರೀತಿ ನಿರಾಕರಿಸಿದ್ದಕ್ಕೆ ಯುವತಿಯ ಮನೆ ಮೇಲೆ ಕಲ್ಲು ತೂರಾಡಿದ ಪಾಗಲ್ ಪ್ರೇಮಿ..!
