ಲೋಕ ಕದನದ ಸಮಯದಲ್ಲಿ ಎಲ್ಲಾ ವರ್ಗದ ವಿದ್ಯುತ್ ಬಳಕೆದಾರರಿಗೆ ಕರ್ನಾಟಕ ರಾಜ್ಯ ವಿದ್ಯುತ್ಚ್ಛಕ್ತಿ ನಿಯಂತ್ರಣ ಆಯೋಗವು (KERC) ಗುಡ್ ನ್ಯೂಸ್ ನೀಡಿದೆ. ಇಂದಿನಿಂದ KSRC ನೂತನ ವಿದ್ಯುತ್ ದರ ಜಾರಿಯಾಗಲಿದೆ. ರಾಜ್ಯದಲ್ಲಿ ಸುಮಾರು 15 ವರ್ಷಗಳ ಬಳಿಕ ವಿದ್ಯುತ್ ದರದಲ್ಲಿ ಇಳಿಕೆಯಾಗಿದ್ದು, 100 ಯೂನಿಟ್ಗಿಂತ ಹೆಚ್ಚು ಬಳಕೆ ಮಾಡುವ ಗ್ರಾಹಕರಿಗೆ ಯೂನಿಟ್ಗೆ 1 ರೂಪಾಯಿ 10 ಪೈಸೆ ಕಡಿತಗೊಳಿಸಲಾಗಿದೆ.
2024-25ನೇ ಸಾಲಿಗೆ ಈ ವಿದ್ಯುತ್ ದರ ಅನ್ವಯವಾಗಲಿದೆ ಎಂದು KSRC ಆದೇಶ ಹೊರಡಿಸಿದೆ. ಮುಂದಿನ ತಿಂಗಳಿನ ಬಿಲ್ನಲ್ಲಿ ಈ ಹೊಸ ದರ ಪರಿಷ್ಕರಣೆಯಾಗಲಿದೆ. ಈ ಹಿಂದೆ ಪ್ರತಿ ಯೂನಿಟ್ಗೆ 0ಯಿಂದ 100ರವರೆಗೆ 4.75 ಪೈಸೆ ಇತ್ತು. 100 ಮೇಲಿನ ಬಳಕೆಯ ಪ್ರತಿ ಯೂನಿಟ್ಗೆ 7 ರೂಪಾಯಿ ಇತ್ತು.
ಆದ್ರೆ, ಇಂದಿನಿಂದ 100 ಯೂನಿಟ್ ಮೇಲಿನ ಬಳಕೆದಾರರು ಪ್ರತಿ ಯೂನಿಟ್ಗೆ 5.90ರೂಪಾಯಿ ಮಾತ್ರ ಪಾವತಿ ಮಾಡ್ಬೇಕು. ಈಗಾಗ್ಲೇ 100 ಯೂನಿಟ್ಗಿಂತ ಕಡಿಮೆ ಬಳಕೆ ಮಾಡುವ ಗ್ರಾಹಕರಿಗೆ ಗೃಹಜ್ಯೋತಿ ಯೋಜನೆ ಅಡಿ ಉಚಿತ ವಿದ್ಯುತ್ ನೀಡಲಾಗ್ತಿದೆ.
ಗೃಹ ಬಳಕೆ ವಿದ್ಯುತ್ ದರ
ಹಿಂದಿನ ದರ
0-100 ಯುನಿಟ್ – 4.75 ರೂ
100ಕ್ಕಿಂತ ಹೆಚ್ಚು – 7.00 ರೂ
ಪರಿಷ್ಕೃತ ದರ
ಎಲ್ಲಾ ಯುನಿಟ್ – 5.90 ರೂ
ಇದನ್ನೂ ಓದಿ : ಸಂಧಾನ ಯಶಸ್ವಿ- ಸುಮಲತಾ ಅಂಬರೀಶ್ ಬೆಂಬಲ ಬೆನ್ನಲ್ಲೇ ಹೆಚ್ಡಿಕೆ ಫುಲ್ ಆ್ಯಕ್ಟೀವ್..!