ಬೆಂಗಳೂರು : ರೇಣುಕಾಸ್ವಾಮಿ ಕೊಲೆ ಕೇಸ್ನಲ್ಲಿ ಪರಪ್ಪನ ಅಗ್ರಹಾರ ಸೇರಿರುವ ನಟ ದರ್ಶನ್ ಜೈಲಿನಲ್ಲೂ ಬಿಂದಾಸ್ ಆಗಿರುವ ಫೋಟೋ ವೈರಲ್ ಆಗಿದ್ದು, ಇದು ರಾಜ್ಯದಲ್ಲಿ ಸಂಚಲನ ಮೂಡಿಸಿದೆ. ಕೊಲೆ ಆರೋಪಿ ದರ್ಶನ್ ಜೈಲಿನಲ್ಲಿ ರಾಜಾತಿಥ್ಯ ಪ್ರಕರಣಕ್ಕೆ ಸಂಬಂಧಿಸಿದಂತೆ ದರ್ಶನ್ ವಿರುದ್ಧ ಎರಡು ಎಫ್ಐಆರ್ ದಾಖಲಾಗಿದೆ. ಇದೀಗ ನಟ ದರ್ಶನ್ ಹೆಸರಿಗೂ ಅಲಿಯಾಸ್ ಬಂದಿದ್ದು, FIRನಲ್ಲಿ ದರ್ಶನ್ ತೂಗುದೀಪ ಅಲಿಯಾಸ್ ಡಿ ಬಾಸ್ ಎಂದು ಉಲ್ಲೇಖಿಸಲಾಗಿದೆ.
ಆಗಸ್ಟ್ 22ರ ಮಧ್ಯಾಹ್ನ ದರ್ಶನ್ ಸಹ ಬಂಧಿಗಳ ಜೊತೆ ಸಿಗರೇಟ್ ಸೇದಿದ್ರು, ಹಾಗಾಗಿ ಮೊದಲ FIRನಲ್ಲಿ A-1 ದರ್ಶನ್, A-2 ವಿಲ್ಸನ್ ಗಾರ್ಡನ್ ನಾಗ, A-3 ನಾಗರಾಜ್, A-4 ಶ್ರೀನಿವಾಸ ಅಲಿಯಾಸ್ ಕುಳ್ಳ ಸೀನ ಹೆಸರು ಉಲ್ಲೇಖವಾಗಿದೆ. ಜೈಲು ನಿಯಮ ಉಲ್ಲಂಘನೆ ಹಿನ್ನೆಲೆಯಲ್ಲಿ ಕಲಂ 42ರಡಿ ದೂರು ದಾಖಲಾಗಿದೆ.
ಸೆಲ್ ಒಳಗಿಂದ ವಿಡಿಯೋ ಕಾಲ್ ಮಾಡಿದ್ದಕ್ಕೆ 2ನೇ FIR ದಾಖಲಾಗಿದೆ. ಮಾರ್ಕೆಟ್ ಧರ್ಮ ಮೊಬೈಲ್ನಲ್ಲಿ ಸತ್ಯನಿಗೆ ವಿಡಿಯೋ ಕಾಲ್ ಮಾಡಿದ್ದು, ಈ ಕೇಸ್ನಲ್ಲಿ A-1: ನಟ ದರ್ಶನ್, A-2 ಧರ್ಮ, A-3 ಸತ್ಯ ಹೆಸರಿದೆ. ಮೂರನೇ FIRನಲ್ಲಿ ಜೈಲು ಅಧಿಕಾರಿಗಳನ್ನು ಉಲ್ಲೇಖಿಸಿದ್ದು, A-1: ಸುದರ್ಶನ್, A-2 ಮುಜೀಬ್, A-3 ಪರಮೇಶ್ ನಾಯಕ್, A-4 ರಾಯಮನೆ ಕೆ.ಬಿ. ಎಂಬುವರ ಮೇಲೆ ಎಫ್ಐಆರ್ ದಾಖಲಾಗಿದೆ.
ಸಿಸಿಬಿ ರೇಡ್ ಸಂದರ್ಭದಲ್ಲಿ ನಾಲ್ಕು ಬಾಕ್ಸ್ ಸಾಗಿಸಿದ ಆರೋಪ ವ್ಯಕ್ತವಾಗಿದ್ದು, ಬಂಧಿಗಳ ಕೊಠಡಿಯಿಂದ ಕೆಲವು ಬಾಕ್ಸ್ಗಳನ್ನು ಸಿಬ್ಬಂದಿ ಒಯ್ದಿದ್ದರು. ರಾತ್ರಿ 10 ಗಂಟೆ 58 ನಿಮಿಷದಿಂದ 11 ಗಂಟೆ 30 ನಿಮಿಷದ ಮಧ್ಯೆ ಸಾಗಣೆ ಮಾಡಿದ್ದು, ಬಂಧಿ ಮುಜೀಬ್ ಸಹಾಯದಿಂದ ಜೈಲ್ ವೀಕ್ಷಕ ಸುದರ್ಶನ್ ಬಾಕ್ಸ್ ಸಾಗಿಸಿದ್ದು ಪತ್ತೆಯಾಗಿದೆ. ಈ ವೇಳೆ ಜೈಲರ್ ಪರಮೇಶ್ ನಾಯ್ಕ್ ಲಮಾಣಿ, ಸಹಾಯಕ ಜೈಲರ್ ಕೆ.ಬಿ.ರಾಯಮನೆ ಸಹಕರಿಸಿದ್ದಾರೆ.
ಇದನ್ನೂ ಓದಿ : ಸಿಎಂ ಸಿದ್ದರಾಮಯ್ಯಗೆ ದರ್ಶನ್ ರಾಜಾತಿಥ್ಯ ರಿಪೋರ್ಟ್ ನೀಡಿದ ಸಚಿವ ಪರಮೇಶ್ವರ್..!
