ಬೆಂಗಳೂರು : ರಾಜ್ಯ ಪೊಲೀಸ್ ಅಧಿಕಾರಿಗಳ ಜೊತೆ ಸಿಎಂ ಸಿದ್ದರಾಮಯ್ಯ ಮೆಗಾ ಮೀಟಿಂಗ್ ನಡೆಸುತ್ತಿದ್ದಾರೆ. ಬೆಂಗಳೂರಿನ ನೃಪತುಂಗ ರಸ್ತೆಯ DG-IGP ಅಲೋಕ್ಮೋಹನ್ ಕಚೇರಿಯಲ್ಲಿ ನಡೆಯುತ್ತಿರುವ ಪೊಲೀಸ್ ವಾರ್ಷಿಕ ಸಭೆಗೆ ಈಗಾಗಲೇ ಸಿಎಂ ಸಿದ್ದರಾಮಯ್ಯ ಆಗಮಿಸಿದ್ದಾರೆ.
ಗಾರ್ಡ್ ಆಫ್ ಆನರ್ ಸ್ವೀಕರಿಸಿ ಸಭೆಯಲ್ಲಿ ಭಾಗಿಯಾದ ಸಿಎಂ ಸಿದ್ದು ಅವರು, ವಾರ್ಷಿಕ ಸಭೆ ಆರಂಭದಲ್ಲೇ ಪೊಲೀಸರ ಬೆನ್ನುತಟ್ಟಿ ದರ್ಶನ್ ಕೇಸ್ ಸೇರಿ ಸೂಕ್ಷ್ಮ ಪ್ರಕರಣ ಭೇದಿಸಿ, ಇಡೀ ದೇಶವೇ ಹೆಮ್ಮೆ ಪಡುವಂತ ಕೆಲಸ ಮಾಡಿದ್ದೀರಿ. ಕರ್ನಾಟಕ ಪೊಲೀಸ್ ಘನತೆಯನ್ನು ಹೆಚ್ಚಿಸಿದ್ದೀರಿ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಈ ಸಭೆಯಲ್ಲಿ ಕಳೆದ ಒಂದು ವರ್ಷದ ಪೊಲೀಸ್ ಕಾರ್ಯವೈಖರಿ ಬಗ್ಗೆ ಸಮಾಲೋಚನೆ ನಡೆಯಲಿದ್ದು, ಕಾನೂನು ಸುವ್ಯವಸ್ತೆ, ಪೊಲೀಸರು ಭೇದಿಸಿದ ಸೂಕ್ಷ್ಮ ಪ್ರಕರಣಗಳು ಹಾಗೂ ಒಂದು ವರ್ಷದಲ್ಲಿ ನಡದ ಅಪರಾಧ ಕೃತ್ಯಗಳ ಬಗ್ಗೆ ಸಿಎಂ ಸಿದ್ದರಾಮಯ್ಯ ರಿವ್ಯೂ ಮಾಡಲಿದ್ದಾರೆ.
ಇನ್ನು ಈ ಸಭೆಯಲ್ಲಿ, ಗೃಹ ಸಚಿವ ಡಾ.ಜಿ.ಪರಮೇಶ್ವರ್, ಗೃಹ ಇಲಾಖೆ ಕಾರ್ಯದರ್ಶಿ, DG-IGP ಅಲೋಕ್ ಮೋಹನ್, ಕಮಿಷನರ್ ಬಿ.ದಯಾನಂದ್, ಹಿರಿಯ ಅಧಿಕಾರಿಗಳಾದ ಹೇಮಂತ್ ನಿಂಬಾಳ್ಕರ್, ರಮಣ್ ಗುಪ್ತ, ಧರ್ಮೇಂದ್ರ ಕುಮಾರ್ ಮೀನಾ, ಪ್ರಶಾಂತ್ಕುಮಾರ್ ಠಾಕೂರ್, ಡಾ.ಎಂ.ಎ.ಸಲೀಮ್, ಡಾ.ಕೆ.ರಾಮಚಂದ್ರರಾವ್ ರಾವ್, ಅಲೋಕ್ಕುಮಾರ್, ಅರುಣ್ ಚಕ್ರವರ್ತಿ, ಸೀಮಂತ್ ಕುಮಾರ್ ಸಿಂಗ್, ಆರ್.ಹಿತೇಂದ್ರ, ಶರತ್ಕುಮಾರ್ ಕೆ.ವಿ.-ಡಾ.ಶರಣಪ್ಪ, ವಂಶಿಕೃಷ್ಣ ಸಿ, ದಿವ್ಯಾ ಗೋಪಿನಾಥ್, ಕಾರ್ತಿಕ್ ರೆಡ್ಡಿ-ಡಿಸಿಪಿ ಡಿ.ದೇವರಾಜ್, ಸಿರಿಗೌರಿ, ಸಿ.ಕೆ.ಬಾಬಾ, ಎಸ್ಗಿರೀಶ್ ಸೇರಿ ಹಲವರು ಭಾಗಿಯಾಗಿದ್ದು, 90ಕ್ಕೂ ಹೆಚ್ಚು IPS ಅಧಿಕಾರಿಗಳ ಜೊತೆ ಸಿಎಂ ಸಿದ್ದರಾಮಯ್ಯ ಸಭೆ ಮಾಡುತ್ತಿದ್ದಾರೆ.
ಇದನ್ನೂ ಓದಿ : ಹಾವೇರಿಯಲ್ಲೂ ಡೆಂಘೀ ಜ್ವರದ ಕಾಟ – ಶಂಕಿತ ಡೆಂಘೀಗೆ 9 ವರ್ಷದ ಮಗು ಬಲಿ..!
