ಬಿಗ್ ಬಾಸ್ ಸೀಸನ್‌ 11 ಆರನೇ ವಾರಕ್ಕೆ ಕಾಲಿಟ್ಟಿದೆ. ಶನಿವಾರ ತುಸು ಗಂಭೀರ ಚರ್ಚೆ, ಸಂವಾದ ನಡೆಸಿದ ಸುದೀಪ್ ಅವರು, ‘ಸೂಪರ್ ಸಂಡೇ ವಿತ್ ಬಾದ್ಷಾ ಸುದೀಪ’ ಎಪಿಸೋಡ್ನಲ್ಲಿ ಮನೆಯ ಕೆಲ ಸದಸ್ಯರ ಟಾಲೆಂಟ್ ಅನ್ನು ಹೊರಗೆ ತೆಗೆಯುವ ಕಾರ್ಯ ಮಾಡಿದ್ದಾರೆ.
ಹೌದು, ಕಲರ್ಸ್ ಕನ್ನಡ ‘ಸೂಪರ್ ಸಂಡೇ ವಿತ್ ಬಾದ್ಷಾ ಸುದೀಪ’ ಎಪಿಸೋಡ್ನ ಪ್ರೋಮೋವನ್ನು ರಿಲೀಸ್ ಮಾಡಿದೆ. ಈ ಪ್ರೋಮೋದಲ್ಲಿ ಧನರಾಜ್ ಆಚಾರ್ಯ ಡಾ. ರಾಜ್ ಕುಮಾರ್ ಅವರ ಡೈಲಾಗ್ ಹೊಡೆದರೇ, ಚೈತ್ರಾ ಕುಂದಾಪುರ ಅವರು ಸುದೀಪ್ ಎದುರು ಅವರದ್ದೇ ಸಿನಿಮಾ ಆಗಿರುವ ‘ಕೆಂಪೇಗೌಡ’ ಡೈಲಾಗ್ ಹೊಡೆದಿದ್ದಾರೆ.
ಆರಂಭದಲ್ಲಿ ರಣರಂಗದಂತಾಗಿದ್ದ ಬಿಗ್ಬಾಸ್ ಮನೆ ಇತ್ತೀಚೆಗೆ ತುಸು ಸಹಜ ಸ್ಥಿತಿಗೆ ಮರಳಿದೆ. ಜಗಳ, ಮುನಿಸು ಈಗಲೂ ಮುಂದುವರೆದಿವೆಯಾದರೂ ಸಹ ಅಲ್ಲಲ್ಲಿ ಹಾಸ್ಯ, ಟಾಸ್ಕ್, ನಗು, ಹಾಡುಗಳು ಸಹ ಕೇಳಿ ಬರುತ್ತಿವೆ.
ಇನ್ನು ಹೊರಗೆ ಮೈಕಿನ ಮುಂದೆ ಅಬ್ಬರಿಸುತ್ತಿದ್ದ ಚೈತ್ರಾ ಕುಂದಾಪುರ ಅವರ ಕೈಯಲ್ಲಿ ಸುದೀಪ್ ಅವರು ಸಿನಿಮಾ ಡೈಲಾಗ್ ಹೇಳಿಸಿದ್ದಾರೆ. ಸುದೀಪ್ ಮುಂದೆ ನಿಂತು ಅವರದ್ದೇ ಸಿನಿಮಾ ‘ಕೆಂಪೇಗೌಡ’ ಡೈಲಾಗ್ ಹೊಡೆದಿದ್ದಾರೆ. ಚೈತ್ರಾ ಅವರ ಟಾಲೆಂಟ್ ಅನ್ನು ಕಂಡು ಮನೆ ಮಂದಿ ಬೆರಗಾಗಿದ್ದಾರೆ.
ಇದನ್ನೂ ಓದಿ : ತಮ್ಮ ಮೇಲೆ ಹಲ್ಲೆ ಆರೋಪಕ್ಕೆ ಸ್ಪಷ್ಟನೆ ಕೊಟ್ಟ ಸಚಿವ ಚಲುವರಾಯಸ್ವಾಮಿ..!
