ಬೆಂಗಳೂರು : ಬೆಂಗಳೂರು ವಾಟರ್ ಟ್ಯಾಂಕರ್ ಲೂಟಿಗೆ ಜಿಲ್ಲಾಡಳಿತ ಬ್ರೇಕ್ ಹಾಕಿದೆ. ಖಾಸಗಿ ಟ್ಯಾಂಕರ್ಗಳಿಗೆ ರೇಟ್ ಫಿಕ್ಸ್ ಮಾಡಿದ್ದು, BBMP, BWSSBಯಿಂದ ದರ ನಿಗದಿಗೆ ಮನವಿ ಮಾಡಲಾಗಿತ್ತು. ಬೇಸಿಗೆ ಆರಂಭಕ್ಕೂ ಮುನ್ನವೇ ಬೆಂಗಳೂರಲ್ಲಿ ನೀರಿನ ಕೊರತೆಯಿದೆ.
ನೀರಿನ ಕೊರತೆಯನ್ನೇ ಖಾಸಗಿ ಟ್ಯಾಂಕರ್ಸ್ ಬಂಡವಾಳ ಮಾಡಿಕೊಂಡಿದೆ. ಇದೀಗ ವಾಟರ್ ಟ್ಯಾಂಕರ್ ಮಾಫಿಯಾಗೆ ಬೆಂಗಳೂರು ನಗರ ಜಿಲ್ಲಾಡಳಿತ ಕಡಿವಾಣ ಹಾಕಿದೆ. ತಾಂತ್ರಿಕ ಸಲಹಾ ಸಮಿತಿ ಶಿಫಾರಸು ಆಧರಿಸಿ ನಗರದ ಡಿಸಿ ರೇಟ್ ಫಿಕ್ಸ್ ಮಾಡಿದ್ದಾರೆ. ನಾಲ್ಕು ತಿಂಗಳ ಅವಧಿಗೆ 200 ಖಾಸಗಿ ಟ್ಯಾಂಕರ್ಗಳಿಗೆ ದರ ನಿಗದಿಯಾಗಿದೆ.
ಬೆಂಗಳೂರು ನಗರ ಜಿಲ್ಲಾಧಿಕಾರಿ ಕೆ.ಎ.ದಯಾನಂದರಿಂದ ರೇಟ್ ಫಿಕ್ಸ್ ಮಾಡಿದ್ದು, ನೀರು ಸರಬರಾಜು ಮಾಡಲು 200 ಖಾಸಗಿ ಟ್ಯಾಂಕರ್ ಗುತ್ತಿಗೆ ಮೇಲೆ ಬಳಕೆಯಾಗುತ್ತಿದೆ. ಹಾಗಾಗಿ ಜನರು ಖಾಸಗಿ ಟ್ಯಾಂಕರ್ ಮಾಲೀಕರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಟ್ಯಾಂಕರ್ಗಳಿಗೆ ರೇಟ್ ಫಿಕ್ಸ್ :
- 5 ಕಿ.ಮೀ. ವ್ಯಾಪ್ತಿಯಲ್ಲಿ 6000 ಲೀಟರ್ ಟ್ಯಾಂಕರ್ಗೆ 600 ರೂ.
- 8000 ಲೀಟರ್ ವಾಟರ್ ಟ್ಯಾಂಕರ್ಗೆ 700 ರೂ.
- 12000 ಲೀಟರ್ ವಾಟರ್ ಟ್ಯಾಂಕರ್ಗೆ 1000 ರೂ.
- 5 ಕಿಮೀನಿಂದ 10 ಕಿಮೀ ಒಳಗೆ ಬೇರೆ ರೇಟ್ ಫಿಕ್ಸ್
- 6000 ಲೀಟರ್ ವಾಟರ್ ಟ್ಯಾಂಕರ್ಗೆ 750 ರೂ.
- 8000 ಲೀಟರ್ ವಾಟರ್ ಟ್ಯಾಂಕರ್ 850 ರೂ.
- 12000 ಲೀಟರ್ ವಾಟರ್ ಟ್ಯಾಂಕರ್ಗೆ 1200 ರೂ.
- GST ಅನ್ವಯ ಆಗುವಂತೆ ದರ ನಿಗದಿಪಡಿಸಿದ ಡಿಸಿ
ಇದನ್ನೂ ಓದಿ : ಧಾರವಾಡದಲ್ಲಿ ಮದುವೆ ಮನೆಗೆ ನುಗ್ಗಿ ಕಳವು : ವಜ್ರ, ಚಿನ್ನ ಸಹಿತ ಹಣವಿದ್ದ ಬ್ಯಾಗ್ ದೋಚಿದ ಕಳ್ಳರು..!
