ಬೆಂಗಳೂರು : ಬೆಂಗಳೂರಲ್ಲಿ ದಿನೇ ದಿನೇ ರೌಡಿಗಳ ಗ್ಯಾಂಗ್ ವಾರ್ ಹೆಚ್ಚಾಗುತ್ತಿದೆ. ಇದೀಗ ಎರಡು ರೌಡಿಗಳ ಗುಂಪು ನಡುರಸ್ತೆಯಲ್ಲೇ ಬಡಿದಾಡಿಕೊಂಡ ಘಟನೆಯೊಂದು ನಡೆದಿರುವುದು ಬೆಳಕಿಗೆ ಬಂದಿದೆ. ಸೆಪ್ಟೆಂಬರ್ 22 ರಂದು ಸೈಕಲ್ ರವಿ ಟೀಂ ಹಾಗೂ ಕುಳ್ಳ ರಿಜ್ವಾನ್ ಹುಡುಗರ ಮಧ್ಯೆ ನಡೆದಿರುವ ವಾರ್ CCTV ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ಕುಳ್ಳ ರಿಜ್ವಾನ್ ಸಹಚರ ಗುಡ್ಡೆ ಭರತನ ಟೀಂ ಸೈಕಲ್ ರವಿ ಹುಡುಗರ ಮೇಲೆ ದಾಳಿ ಮಾಡಿದ್ದಾರೆ. ಸೈಕಲ್ ರವಿ ಗ್ಯಾಂಗ್ ಗುಡ್ಡೆ ಭರತನಿಗೆ ಹೊಡೆಯಲು ರೌಂಡ್ಸ್ ಹೊಡೆಯುತ್ತಿದ್ದರು. ಈ ವಿಚಾರ ಗೊತ್ತಾದ ಮೇಲೆ ಭರತನ ಹುಡುಗರು ಅಟ್ಯಾಕ್ ಮಾಡಿದ್ದಾರೆ.
6 ತಿಂಗಳ ಹಿಂದೆ ಸೈಕಲ್ ರವಿ ಟೀಂ, ಭರತನಿಗೆ ಹೊಡೆದಿದ್ದರು. ಮತ್ತೆ ಹೊಡೆಯುವುದಕ್ಕೆ ಸ್ಕೆಚ್ ಹಾಕಿದ್ದ ಸೈಕಲ್ ರವಿ ಗ್ಯಾಂಗ್ ರೌಂಡ್ಸ್ ಮಾಡ್ತಿದ್ರು. ಎಚ್ಚೆತ್ತ ಭರತನ ಹುಡುಗರು ಗೂಸ ಕೊಟ್ಟು ಕಳಿಸಿದ್ದಾರೆ. ಇನ್ನು ಸೆಪ್ಟೆಂಬರ್ 22 ರಂದು ಹನುಮಂತನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಬಡಿಕೊಂಡ ದೃಶ್ಯ ಸಿಸಿಟಿವಿಯಲ್ಲಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಇನ್ನು ಸಿಸಿಟಿವಿ ದೃಶ್ಯ ಹರಿದಾಡ್ತಿದ್ರೂ ಪೊಲೀಸರು ಕೇಸ್ ದಾಖಲಿಸಿಕೊಂಡಿಲ್ಲ. ಹೀಗಾಗಿ ಬೆಂಗಳೂರಲ್ಲಿ ರೌಡಿಗಳನ್ನು ಹೇಳೋರು.. ಕೇಳೋರು ಇಲ್ವಾ ಎಂಬ ಪ್ರಶ್ನೆ ಹುಟ್ಟಿಕೊಂಡಿದೆ.
ಇದನ್ನೂ ಓದಿ : ಹಿಜ್ಬುಲ್ಲಾ ಉಗ್ರರ ಮೇಲಿನ ದಾಳಿಗೆ ಪ್ರತಿದಾಳಿ – ಇಸ್ರೇಲ್ ಮೇಲೆ 100 ಕ್ಷಿಪಣಿಗಳಿಂದ ಇರಾನ್ ಭಯಾನಕ ಅಟ್ಯಾಕ್..!
