ಬೆಂಗಳೂರು : ಬಾರ್ಕ್ ಸಂಸ್ಥೆ ನೀಡುವ ಈ ವಾರದ ನ್ಯೂಸ್ ಚಾನೆಲ್ TRP ಬಿಡುಗಡೆ ಆಗಿದೆ. WEEK 40-ನಲ್ಲಿ ಕರ್ನಾಟಕದ ಗ್ರಾಮಾಂತರ ಪ್ರದೇಶಗಳಲ್ಲಿ ( RURAL SECTOR) NEWS-18 ಕನ್ನಡ ಸುದ್ದಿ ವಾಹಿನಿ ನಂಬರ್-1 ಸ್ಥಾನದಲ್ಲಿದ್ದು 77 ರೇಟಿಂಗ್ ಪಾಯಿಂಟ್ ಪಡೆದುಕೊಂಡು ಮೊದಲ ಸ್ಥಾನದಲ್ಲಿದೆ.
ಕರ್ನಾಟಕ ರಾಜ್ಯದ ನ್ಯೂಸ್ ಚಾನೆಲ್ಗಳ 40ನೇ ವಾರದ TRP ರಿಲೀಸ್ ಆಗಿದೆ. ಗ್ರಾಮೀಣ ಭಾಗಗಳಲ್ಲಿ NEWS-18 ಮೊದಲ ಸ್ಥಾನದಲ್ಲಿದ್ರೆ, TV-9 ಕನ್ನಡ ಸುದ್ದಿ ವಾಹಿನಿ 71 ರೇಟಿಂಗ್ ಪಾಯಿಂಟ್ ಪಡೆದು 2ನೇ ಸ್ಥಾನದಲ್ಲಿದೆ. ಪಬ್ಲಿಕ್ ಟಿವಿ ಚಾನೆಲ್ 56 ರೇಟಿಂಗ್ನೊಂದಿಗೆ 3ನೇ ಸ್ಥಾನ ಪಡೆದಿದ್ದು, ಸುವರ್ಣ ನ್ಯೂಸ್ 31 ರೇಟಿಂಗ್ನೊಂದಿಗೆ 4ನೇ ಸ್ಥಾನ ಪಡೆದಿದೆ. ಇನ್ನು NEWS-1ST ಚಾನೆಲ್ 27 ರೇಟಿಂಗ್ ಪಾಯಿಂಟ್ ಪಡೆದು 5ನೇ ಸ್ಥಾನದಲ್ಲಿದೆ.
ನಗರ ಪ್ರದೇಶಗಳಲ್ಲಿ TV-9 ಕನ್ನಡ ಸುದ್ದಿ ವಾಹಿನಿ 87 ರೇಟಿಂಗ್ ಪಾಯಿಂಟ್ ಪಡೆದುಕೊಂಡು ಮೊದಲ ಸ್ಥಾನದಲ್ಲಿದೆ. NEWS-18 ಚಾನೆಲ್ 73 ರೇಟಿಂಗ್ ಪಡೆದು 2ನೇ ಸ್ಥಾನ ಪಡೆದುಕೊಂಡಿದೆ. 57 ಪಾಯಿಂಟ್ ಪಡೆದ ಪಬ್ಲಿಕ್ ಟಿವಿಗೆ 3ನೇ ಸ್ಥಾನ, 34 ರೇಟಿಂಗ್ ಪಡೆದ ಸುವರ್ಣ ನ್ಯೂಸ್ ಚಾನೆಲ್ಗೆ 4ನೇ ಸ್ಥಾನ, 26 ರೇಟಿಂಗ್ ಪಡೆದ NEWS-1ST ಚಾನೆಲ್ಗೆ 5ನೇ ಸ್ಥಾನ ಲಭಿಸಿದೆ.
ಇನ್ನು ರಾಜಧಾನಿ ಬೆಂಗಳೂರಲ್ಲಿ TV-9 ಕನ್ನಡ ಸುದ್ದಿ ವಾಹಿನಿ 118 ರೇಟಿಂಗ್ ಪಾಯಿಂಟ್ ಪಡೆದು ಮೊದಲ ಸ್ಥಾನದಲ್ಲಿದೆ. 78 ಪಾಯಿಂಟ್ ಪಡೆದ ಪಬ್ಲಿಕ್ ಟಿವಿಗೆ 2ನೇ ಸ್ಥಾನ, NEWS-18 ಚಾನೆಲ್ 62 ರೇಟಿಂಗ್ ಪಡೆದು 3ನೇ ಸ್ಥಾನ ಪಡೆದುಕೊಂಡಿದೆ. 38 ರೇಟಿಂಗ್ ಪಡೆದ ಸುವರ್ಣ ನ್ಯೂಸ್ಗೆ 4ನೇ ಸ್ಥಾನ, 28 ರೇಟಿಂಗ್ ಪಡೆದ NEWS-1ST ಚಾನೆಲ್ಗೆ 5ನೇ ಸ್ಥಾನ ಲಭಿಸಿದೆ.
ಸುದ್ದಿ ವಾಹಿನಿಗಳು ಜನರಿಗೆ ಅಗತ್ಯವಾದ ಸುದ್ದಿ, ಮಾಹಿತಿ, ಘಟನೆಗಳನ್ನು ತಿಳಿಸುವುದರ ಮೂಲಕ ಸಾಮಾಜಿಕ ಜವಾಬ್ದಾರಿಯನ್ನು ನಿರ್ವಹಿಸುತ್ತವೆ. ಸುದ್ದಿಯನ್ನು ಆದಷ್ಟು ಬೇಗನೇ ಕೊಡುವುದರ ಮೂಲಕ ಉಳಿದ ನ್ಯೂಸ್ ಚಾನೆಲ್ಗಳಿಗಿಂತ ನಮ್ಮ ಚಾನೆಲ್ ನಂಬರ್-1 ಎನ್ನುವ ಹಪಾಹಪಿಗೆ ಬಿದ್ದು ಸುದ್ದಿಯನ್ನು ಬಿತ್ತರಿಸುತ್ತವೆ.
ನಮ್ಮಲ್ಲೇ ಮೊದಲು.. ಬಿಗ್ ಎಕ್ಸ್ಕ್ಲೂಸಿವ್.. ಬೆಚ್ಚಿ ಬೀಳುವ ಬ್ಲಾಸ್ಟ್ ಸ್ಟೋರಿ.. ಒಂದು ಪಕ್ಷದ ಪರ ಸುದ್ದಿ ಪ್ರಸಾರ, ನಿರ್ದಿಷ್ಟ ಸಮುದಾಯದ ವಿರುದ್ಧ ಎಂತೆಲ್ಲಾ ಸುದ್ದಿ ಪ್ರಸಾರ ಮಾಡ್ತಾರೆ ಆದ್ರೆ ಜನರು ಮಾತ್ರ ನಾವು ಯಾವ ನ್ಯೂಸ್ ಚಾನೆಲ್ ನೋಡಬೇಕು ಅಥವಾ ಬೇಡ ಎಂಬುದನ್ನು ನಿರ್ಧರಿಸುತ್ತಾರೆ. ಹಾಗಾಗಿ ಈ ವಾರದ ನ್ಯೂಸ್ ಚಾನೆಲ್ TRPಯಲ್ಲಿ ಕರ್ನಾಟಕದ ಗ್ರಾಮಾಂತರ ಭಾಗದಲ್ಲಿ NEWS-18 ಕನ್ನಡ ಸುದ್ದಿ ವಾಹಿನಿ ನಂಬರ್-1 ಆಗಿದ್ದು ಉಳಿದ ಚಾನೆಲ್ಗಳು ಜನರ ಮನಸ್ಸು ಗೆಲ್ಲಲು ಪೈಪೋಟಿಗೆ ಬಿದ್ದಿರೋದಂತು ಸತ್ಯ.
ಇದನ್ನೂ ಓದಿ : CJI ಬಿ.ಆರ್. ಗವಾಯಿ ಮೇಲೆ ಶೂ ಎಸೆದ ಪ್ರಕರಣ – ವಕೀಲ ರಾಕೇಶ್ ಕಿಶೋರ್ ವಿರುದ್ಧ ನ್ಯಾಯಾಂಗ ನಿಂದನೆ ಕ್ರಮಕ್ಕೆ ಎಜಿ ಒಪ್ಪಿಗೆ!
