ಬೆಂಗಳೂರು : ವಕೀಲರ ಆಫೀಸನ್ನೇ ಕೋ-ಆಪರೇಟಿವ್ ಬ್ಯಾಂಕ್ ಅಕ್ರಮವಾಗಿ ಸೀಜ್ ಮಾಡಿರುವ ಆರೋಪ ಕೇಳಿಬಂದಿದೆ. ಕೋ-ಆಪರೇಟಿವ್ ಕಳ್ಳರು ಪ್ಯಾಲೇಸ್ ರಸ್ತೆಯಲ್ಲಿರುವ ಪ್ರೇಮ್ ಪ್ರಸಾದ್ ಶೆಟ್ಟಿ ಎಂಬ ವಕೀಲರ ಕಚೇರಿ ಸೀಜ್ ಮಾಡಿದ್ದು, ಈ ಸಂಬಂಧ ಕೋ-ಆಪರೇಟಿವ್ ಬ್ಯಾಂಕ್ನ ಅಧಿಕಾರಿಗಳ ಮೇಲೆ FIR ದಾಖಲಾಗಿದೆ.
ಭಾರತ್ ಕೋ-ಆಪರೇಟಿವ್ ಬ್ಯಾಂಕ್ನ ಅಧಿಕಾರಿಗಳಾದ ಮುರುಳೀಧರ ಕೋಟ್ಯಾನ್, ಅನುಕುಮಾರ್ ಕೋಟ್ಯಾನ್, ಸಂದೇಶ್, ರವೀಂದ್ರ ಕುಂದರ್, ಇಂಧುಮತಿ ಹಾಗೂ ಕಾಜೋಲ್ ಭಾಟಿಯ ಮೇಲೆ FIR ದಾಖಲಾಗಿದೆ. ವಕೀಲ ಪ್ರೇಮ್ ಕುಮಾರ್ ಶೆಟ್ಟಿಯವರು ಕಚೇರಿಯಿದ್ದ ಸ್ವಂತ ಜಾಗದ ಮೇಲೆ ಮುಂಬೈ ಮೂಲದ ಭಾರತ್ ಕೋ-ಆಪರೇಟಿವ್ ಬ್ಯಾಂಕ್ನಿಂದ ಸಾಲವನ್ನೂ ಪಡೆದಿದ್ದರು.
ಕೊರೋನಾ ಟೈಮಲ್ಲಿ ಲೋನ್ EMI ಕಟ್ಟೋಕೆ ವಕೀಲ ಪ್ರೇಮ್ ಪ್ರಸಾದ್ಗೆ ಕಷ್ಟಆಯ್ತು. ಇತ್ತೀಚೆಗೆ OTS ಒನ್ ಟೈಮ್ ಸೆಟ್ಲ್ ಮೆಂಟ್ಗೆ ಪ್ರೇಮ್ ಪ್ರಸಾದ್ ಬ್ಯಾಂಕ್ ಬಳಿ ಕೇಳಿದ್ದರು. ಈ ವೇಳೆ ಬ್ಯಾಂಕ್ನವ್ರೂ ಕೂಡ ಮೇಲ್ ಮೂಲಕ OTSಗೆ ಪರ್ಮಿಷನ್ ಕೊಟ್ಟಿದ್ದರು. 1.6 ಕೋಟಿ ರೂಪಾಯಿಗೆ ಒನ್ ಟೈಮ್ ಸೆಟ್ಲ್ ಮೆಂಟ್ ಕೂಡ ಗ್ರೀನ್ ಸಿಗ್ನಲ್ ಸಿಕ್ಕಿರುತ್ತೆ. ಆದರೆ OTSಗೆ ಪರ್ಮಿಷನ್ ಕೊಟ್ಟ ನಂತರ ಬ್ಯಾಂಕ್ ಕೋ-ಆಪರೇಟಿವ್ ಬ್ಯಾಂಕ್ ಪರ್ಮಿಷನ್ ಕೊಡಲ್ಲ ಎಂದಿದ್ದು, ಶಾಂತಿನಗರದ ಭಾರತ್ ಕೋ-ಆಪರೇಟಿವ್ ಬ್ಯಾಂಕ್ಗೆ ಡಿಡಿ ನೀಡಲು ಪ್ರೇಮ್ ಪ್ರಸಾದ್ ಅವರು ರೆಡಿ ಮಾಡಿಕೊಂಡಿದ್ದರು. ಆದ್ರೆ, ಭಾರತ್ ಕೋ-ಆಪರೇಟಿವ್ ಕೋರ್ಟ್ ಕಮೀಷನ್ ಸಿಬ್ಬಂದಿ ಕರೆತರದೇ ಕಚೇರಿಯನ್ನು ಸೀಜ್ ಮಾಡಿದೆ.
ನೇರಾನೇರಾ ವಕೀಲರಾದ ಪ್ರೇಮ್ ಪ್ರಸಾದ್ ಪ್ರಾಪರ್ಟಿಯನ್ನು ಬ್ಯಾಂಕ್ ಸೀಜ್ ಮಾಡಿದೆ. ವಕೀಲರ ಕಚೇರಿಯಲ್ಲಿದ್ದ ಬೆಲೆಬಾಳುವ ಎಲೆಕ್ಟ್ರಾನಿಕ್ ವಸ್ತುಗಳು, ಫೈಲ್ಸ್, ದಾಖಲೆಗಳು ಹಾಗೂ ಇನ್ನಿತರ ವಸ್ತುಗಳನ್ನ ಭಾರತ್ ಕೋ-ಆಪರೇಟಿವ್ ಬ್ಯಾಂಕ್ ಸಿಬ್ಬಂದಿ ಕದ್ದೊಯ್ದಿದ್ದರು. ನಂತರ ಅದೇ ಪ್ರಾಪರ್ಟಿಯನ್ನು ಭಾರತ್ ಕೋ-ಆಪರೇಟಿವ್ ಬ್ಯಾಂಕ್ 90 ಲಕ್ಷಕ್ಕೆ ಹರಾಜು ಮಾಡಿದ್ದಾರೆ.
ಭಾರತ್ ಕೋ-ಆಪರೇಟಿವ್ ಬ್ಯಾಂಕ್ನ ಅಧಿಕಾರಿಗಳು ಡಿಫಾಲ್ಟರ್ಗಳನ್ನ ಟಾರ್ಗೆಟ್ ಮಾಡಿ ಪ್ರಾಪರ್ಟಿಗಳನ್ನ ಕಬ್ಜಾ ಮಾಡಿದ್ದಾರೆ. ಭಾರತ್ ಕೋ-ಆಪರೇಟಿವ್ ಬ್ಯಾಂಕ್ ಮುಂಬೈ, ಬೆಂಗಳೂರು ಸೇರಿ 60ಕ್ಕೂ ಹೆಚ್ಚು ಬ್ರ್ಯಾಂಚ್ ಹೊಂದಿದ್ದು, ಡಿಫಾಲ್ಟರ್ಗಳ ಆಸ್ತಿಪಾಸ್ತಿ ಕಿತ್ತು ತಾವೇ ಡೀಲ್ ಮಾಡ್ತಿದೆ. ಹಾಗಾಗಿ RBI ರೂಲ್ಸ್ ಆ್ಯಂಡ್ ರೆಗ್ಯಲೇಷನ್ ಗಾಳಿಗೆ ತೂರೋ ಇಂತಹ ಬ್ಯಾಂಕ್ಗಳನ್ನ ಕೂಡಲೇ ಮುಟ್ಟುಗೋಲು ಹಾಕಿಕೊಳ್ಳಬೇಕು. ಆಡಿಟಿಂಗ್ ರಿಪೋರ್ಟ್ ಜೊತೆ ಠೇವಣಿದಾರರ ದೂರನ್ನು ಪರಿಗಣಿಸಿ ಈ ಕೂಡ್ಲೇ ತನಿಖೆ ನಡೆಸಿ. ಕೆಪಿಐಡಿ ಆ್ಯಕ್ಟ್ ಅಡಿಯಲ್ಲೂ ಪ್ರಕರಣ ದಾಖಲಿಸಿ ಇಂತಹ ಬ್ಯಾಂಕ್ ಗಳಿಗೆ ಬೀಗ ಜಡಿಬೇಕು ಎಂದು ಭಾರತ್ ಕೋ-ಆಪರೇಟಿವ್ ಬ್ಯಾಂಕ್ ಸಿಬ್ಬಂದಿ ನಡೆ ವಿರುದ್ಧ ಸಾರ್ವಜನಿಕರು ಆಕ್ರೋಶ ಹೊರಹಾಕಿದ್ದಾರೆ.
ಇದನ್ನೂ ಓದಿ : ವಕ್ಫ್ ತಿದ್ದುಪಡಿ ಕಾಯ್ದೆಯ ಕೆಲ ನಿಬಂಧನೆಗಳಿಗೆ ಸುಪ್ರೀಂ ಕೋರ್ಟ್ ತಡೆ!
