ಬೆಂಗಳೂರು : ಕೆಎಎಸ್ ಸೇರಿದಂತೆ ವಿವಿಧ ಪರೀಕ್ಷೆಗಳಲ್ಲಿ ಪಾಸ್ ಮಾಡಿಸೋದಾಗಿ ಸ್ಪರ್ಧಾಕಾಂಕ್ಷಿಗಳಿಂದ ಹಣ ಪಡೆದು ವಂಚಿಸ್ತಿದ್ದ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಟಿಕೆಟ್ ಇನ್ಸ್‌ಪೆಕ್ಟರ್‌ ಗೋವಿಂದರಾಜು ಬಂಧಿತ ಆರೋಪಿ.
ಆರೋಪಿ ಗೋವಿಂದರಾಜು ಮೆಜೆಸ್ಟಿಕ್ ರೈಲ್ವೆ ನಿಲ್ದಾಣದಲ್ಲಿ ಟಿಕೆಟ್ ಇನ್ಸ್‌ಪೆಕ್ಟರ್‌ ಉದ್ಯೋಗಿಯಾಗಿದ್ದ. ಈತ ಕೆಎಎಸ್, ಪಿಡಿಒ, ಪಿಎಸ್ಐ, ಎಫ್ಡಿಎ ಸೇರಿದಂತೆ ವಿವಿಧ ಎಕ್ಸಾಮ್ಗಳಲ್ಲಿ ಪಾಸ್ ಮಾಡಿಸೋದಾಗಿ ನಂಬಿಸಿ ವಿದ್ಯಾರ್ಥಿಗಳಿಂದ PDO ಹುದ್ದೆಗೆ 25 ಲಕ್ಷ, ಕೆಎಎಸ್ ಪ್ರೀಲಿಮ್ಸ್ಗೆ 50 ಲಕ್ಷದಂತೆ ಹಣ ವಸೂಲಿ ಮಾಡಿದ್ದ.
ಆರೋಪಿ ಮೊಬೈಲ್ನಲ್ಲಿ 40ಕ್ಕೂ ಹೆಚ್ಚು ಸ್ಪರ್ಧಾಕಾಂಕ್ಷಿಗಳ ಮೊಬೈಲ್ ನಂಬರ್, ಚೆಕ್ಗಳು ಪತ್ತೆಯಾಗಿದ್ದು, ಉತ್ತರ ಗೊತ್ತಿರೋದನ್ನು ಬರೆದು ಉಳಿಕೆ ಖಾಲಿ ಬಿಟ್ಟು ಬರುವಂತೆ ಸ್ಪರ್ಧಾಕಾಂಕ್ಷಿಗಳಿಂದ ಸೂಚಿಸ್ತಿದ್ದ. ಸ್ಪರ್ಧಾಕಾಂಕ್ಷಿಗಳು ಆರೋಪಿ ಗೋವಿಂದರಾಜು ಮಾತು ನಂಬಿ ಲಕ್ಷಾಂತರ ರೂ. ಹಣ ನೀಡಿದ್ದರು. ಸದ್ಯ ಈ ಸಂಬಂಧ ವಿಜಯನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ : ಶಿವಮೊಗ್ಗದ ಜ್ಯುವೆಲ್ಲರಿ ಶಾಪ್ ಮಾಲೀಕನಿಗೆ ವಂಚನೆ – ವರ್ತೂರು ಆಪ್ತೆ ಶ್ವೇತಾಗೌಡ ವಿರುದ್ಧ ಮತ್ತೊಂದು FIR..!
