ಅಯೋಧ್ಯೆ : ರಾಮಮಂದಿರದಲ್ಲಿ ರಾಮಲಲ್ಲಾ ಪ್ರಾಣಪ್ರತಿಷ್ಠಾಪನಾ ಮಹೋತ್ಸವಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಇದೀಗ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಬಾಹ್ಯಾಕಾಶದಿಂದ ಭವ್ಯವಾದ ರಾಮಮಂದಿರದ ಒಂದು ಪಿಕ್ಚರ್ನ್ನು ರಿಲೀಸ್ ಮಾಡಿದೆ.
ಭಾರತವು ಪ್ರಸ್ತುತ 50 ಕ್ಕೂ ಹೆಚ್ಚು ಉಪಗ್ರಹಗಳನ್ನು ಬಾಹ್ಯಾಕಾಶದಲ್ಲಿ ಹೊಂದಿದೆ ಮತ್ತು ಅವುಗಳಲ್ಲಿ ಕೆಲವು ಒಂದು ಮೀಟರ್‌ಗಿಂತ ಕಡಿಮೆ ರೆಸಲ್ಯೂಶನ್ ಹೊಂದಿವೆ. ಈ ಫೋಟೋಗಳನ್ನು ಭಾರತೀಯ ಬಾಹ್ಯಾಕಾಶ ಸಂಸ್ಥೆ, ಹೈದರಾಬಾದ್‌ನ ನ್ಯಾಷನಲ್ ರಿಮೋಟ್ ಸೆನ್ಸಿಂಗ್ ಸೆಂಟರ್ ಪ್ರಕ್ರಿಯೆಗೊಳಿಸಿದೆ.
ಇಂಡಿಯನ್ ರಿಮೋಟ್ ಸೆನ್ಸಿಂಗ್ ಸಿರೀಸ್ ಉಪಗ್ರಹದ ಮೂಲಕ ತೆಗೆದ ಈ ಚಿತ್ರಗಳಲ್ಲಿ 2.7 ಎಕರೆಯಲ್ಲಿ ಹರಡಿರುವ ರಾಮಜನ್ಮಭೂಮಿ ತಾಣವನ್ನು ಕಾಣಬಹುದು. ಈ ಉಪಗ್ರಹ ಫೋಟೋಗಳಲ್ಲಿ ದಶರಥ್ ಮಹಲ್ ಮತ್ತು ಸರಯು ನದಿಯನ್ನು ಸ್ಪಷ್ಟವಾಗಿ ಕಾಣಬಹುದು. ಇದಲ್ಲದೆ ಅಯೋಧ್ಯೆಯ ರೈಲು ನಿಲ್ದಾಣವೂ ಗೋಚರಿಸುತ್ತದೆ.
ಭಗವಾನ್ ರಾಮನ ವಿಗ್ರಹವನ್ನು ಸ್ಥಾಪಿಸಲು ನಿಖರವಾದ ಸ್ಥಳವನ್ನು ಗುರುತಿಸುವುದು ಈ ಯೋಜನೆಯಲ್ಲಿ ಪ್ರಮುಖ ಸವಾಲಾಗಿತ್ತು. ದೇವಾಲಯದ ನಿರ್ಮಾಣದ ಜವಾಬ್ದಾರಿಯನ್ನು ವಹಿಸಿಕೊಂಡ ಟ್ರಸ್ಟ್, ಶ್ರೀರಾಮನು ಜನಿಸಿದನೆಂದು ನಂಬಲಾದ ಗರ್ಭಗುಡಿಯೊಳಗೆ 3X6 ಅಡಿ ಜಾಗದಲ್ಲಿ ವಿಗ್ರಹವನ್ನು ಇರಿಸಲು ಬಯಸಿತು.
ಇದನ್ನೂ ಓದಿ : ರಾಮಲಲ್ಲಾ ಪ್ರಾಣಪ್ರತಿಷ್ಠಾಪನೆಗೆ ಕ್ಷಣಗಣನೆ : ಅಯೋಧ್ಯೆಯಲ್ಲಿ ಬಿಗಿ ಭದ್ರತೆ..!
