ಬೆಂಗಳೂರು : 8 ವಾಹನಗಳ ಗ್ಲಾಸ್ ಒಡೆದು ಪುಂಡರು ಅಟ್ಟಹಾಸ ಮೆರೆದಿರುವ ಘಟನೆ ಐಟಿಸಿಟಿಯಲ್ಲಿ ನಡೆದಿದೆ. ನಿಂತಿದ್ದ ಕಾರನ್ನು ತಳ್ಳಿ, ಕಲ್ಲಿನಿಂದ ಗ್ಲಾಸ್ ಒಡೆದು ಪುಂಡತನ ಮಾಡಿದ್ದಾರೆ. ಬೆಳಗಿನ ಜಾವ 3 ಗಂಟೆ ಸುಮಾರಿಗೆ ಬ್ಯಾಟರಾಯನಪುರ ಮುಖ್ಯರಸ್ತೆಯಲ್ಲಿ ಅಟ್ಯಾಕ್ ಮಾಡಿದ್ದಾರೆ.
ಸ್ವಿಫ್ಟ್, ಇನ್ನೋವಾ, ಟಾಟಾ ನೆಕ್ಸಾನ್ ಕಾರು ಸೇರಿ ಹಲವು ವಾಹನ ಜಖಂ ಆಗಿದ್ದು, ರಸ್ತೆ ಬದಿ ಬಿದ್ದಿದ್ದ ಕಲ್ಲನ್ನು ಪುಂಡರು ಕಾರ್ಗಳ ಮೇಲೆ ಎತ್ತಿಹಾಕಿದ್ದಾರೆ. ಕಾರಿನ ಡ್ಯಾಶ್ ಬೋರ್ಡ್, ಸಿಸ್ಟಂ ಎಲ್ಲಾ ಒಡೆದು ಹಾಕಿ ವಿಕೃತಿ ಮೆರೆದಿದ್ದು, ಪುಂಡರು ಹ್ಯಾಂಡ್ ಬ್ರೇಕ್ ತೆಗೆದು ಸ್ವಿಫ್ಟ್ ಗಾಡಿಯನ್ನು ಕಳ್ಳತನ ಮಾಡಲು ಯತ್ನಿಸಿದ್ದಾರೆ. ಹಿಂದೆ ಚಲಿಸಿದ ವಾಹನ ಬೀದಿ ದೀಪದ ಕಂಬಕ್ಕೆ ಡಿಕ್ಕಿ ಹೊಡೆದು ಹಾನಿಯಾಗಿದೆ.
ಬ್ಯಾಟರಾಯನಪುರ ಪೊಲೀಸ್ ಠಾಣೆ ಮುಂದೆ ಪುಂಡರು ಬೈಕ್ ಕಳ್ಳತನ ಮಾಡಲು ಯತ್ನಿಸಿದ್ದು, ಪುಂಡನೊಬ್ಬನನ್ನು ಹಿಡಿದು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.
ಇದನ್ನೂ ಓದಿ : ಕರ್ನಾಟಕದ ನೆಲದಲ್ಲಿ ಕನ್ನಡಿಗರಿಗೆ ಉದ್ಯೋಗ – ಮತ್ತೊಂದು ಹೋರಾಟಕ್ಕೆ ಸಜ್ಜಾದ ಕರವೇ..!
