ನಟ ನಾಗ ಚೈತನ್ಯ ಮತ್ತು ಸಮಂತಾ ಡಿವೋರ್ಸ್ ಪಡೆದು 3 ವರ್ಷ ಕಳೆದ್ರು ಇನ್ನೂ ಜನ ಈ ಜೋಡಿ ದೂರವಾಗಲೂ ಕಾರಣವೇನು ಅಂತ ಜನ ಹುಡುಕುತ್ತಿದ್ದಾರೆ. ಈ ಹೊತ್ತಲ್ಲೇ ಇದೀಗ ಇಬ್ಬರು ಸ್ಟಾರ್ಗಳ ವಿಚ್ಛೇದನಕ್ಕೆ ಅಸಲಿ ಕಾರಣ ಏನೆಂಬುದು ಬಯಲಾಗಿದೆ.
ನಟ ನಾಗ ಚೈತನ್ಯ ಮತ್ತು ನಟಿ ಸಮಂತಾ ಇಬ್ಬರು ಪ್ರೀತಿಸಿ, ಮನೆಯವರನ್ನು ಒಪ್ಪಿಸಿ 2017ರಲ್ಲಿ ಮದುವೆಯಾಗಿದ್ದರು. ಮದುವೆಯ ನಂತರ ಇಬ್ಬರೂ ‘ಮಜಿಲಿ’ ಚಿತ್ರದಲ್ಲಿ ಒಟ್ಟಿಗೆ ಕೆಲಸ ಕೂಡ ಮಾಡಿದ್ದರು. ಮಜಿಲಿ ಸಿನಿಮಾದ ಟೈಮ್ನಲ್ಲೇ ನಟಿ ಶೋಭಿತಾ ಧೂಳಿಪಾಲ ಕೂಡ ನಾಗ ಚೈತನ್ಯ ಅವರನ್ನ ಭೇಟಿಯಾಗಿದ್ದರಂತೆ. ಹಾಗಾಗಿ ನಾಗ ಚೈತನ್ಯ ಮತ್ತು ಸಮಂತಾ ವಿಚ್ಛೇದನಕ್ಕೆ ಶೋಭಿತಾ ಜೊತೆಗಿನ ಸ್ನೇಹವೇ ಕಾರಣ ಎನ್ನುವ ಸುದ್ದಿ ಇದೀಗ ಎಲ್ಲೆಡೆ ಹಬ್ಬಿದೆ. ಈ ಬಗ್ಗೆ ವರದಿಗಳು ಕೂಡ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಹೌದು.. ನಾಗ ಚೈತನ್ಯ ಇಂಡಸ್ಟ್ರಿಗೆ ಕಾಲಿಟ್ಟು ಸ್ಟಾರ್ ಆಗಿ ಹೆಸರು ಮಾಡ್ತಿದ್ದ ವೇಳೆಯೇ ಸಮಂತಾ ಜೊತೆ ಪ್ರೀತಿಯಲ್ಲಿ ಬಿದ್ದಿದ್ದರು. ಕೆಲ ವರ್ಷಗಳ ಡೇಟಿಂಗ್ ಬಳಿ ಮದುವೆಯಾಗಿದ್ದರು. ಈ ಕಪಲ್ ಗೆ ಅಪಾರ ಅಭಿಮಾನಿಗಳು ಕೂಡ ಇದ್ದರು. ಆದ್ರೆ 2021ರಲ್ಲಿ ಸಮಂತಾ ಡಿವೋರ್ಸ್ ಅನೌನ್ಸ್ ಮಾಡಿ ಅಭಿಮಾನಿಗಳಿಗೆ ಬಿಗ್ ಶಾಕ್ ಕೊಟ್ಟಿದ್ದರು.
ವಿಚ್ಛೇದನದ ಕೆಲವೇ ದಿನಗಳಲ್ಲಿ ನಾಗ ಚೈತನ್ಯ ಮತ್ತು ಶೋಭಿತಾ ಧೂಳಿಪಾಲ ನಡುವಿನ ಸಂಬಂಧದ ಬಗ್ಗೆ ರೂಮರ್ಸ್ ಹರಿದಾಡಲು ಶುರುವಾಯ್ತು. ಈ ವದಂತಿಗಳು ನಿಜವೇ ಆಯ್ತು. ಆಗಸ್ಟ್ 8 ರಂದು ಇಬ್ಬರೂ ಗುಟ್ಟಾಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಇದಾದ ನಂತರ ಡಿಸೆಂಬರ್ನಲ್ಲಿ ಕೆಲವು ಕುಟುಂಬಸ್ಥರು ಮತ್ತು ಚಿತ್ರರಂಗದ ಗಣ್ಯರ ಸಮ್ಮುಖದಲ್ಲಿ ಇಬ್ಬರೂ ಅದ್ಧೂರಿಯಾಗಿ ವಿವಾಹವಾಗಿದ್ದರು.
ನಾಗ ಚೈತನ್ಯ ಮತ್ತು ಸಮಂತಾ ‘ಮಜಿಲಿ’ ಚಿತ್ರದಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಾರೆ. ಈ ಚಿತ್ರದಲ್ಲಿ ನಾಗ ಚೈತನ್ಯ ಮೊದಲು ಪ್ರೀತಿಸಿದ್ದ ದಿವ್ಯಾಂಶ್ ಕೌಶಿಕ್ ಕೂಡ ಕಾಣಿಸಿಕೊಂಡಿದ್ದರು. ಮತ್ತೊಂದೆಡೆ, ಸಮಂತಾ, ನಾಗ ಚೈತನ್ಯನನ್ನು ಪ್ರೀತಿಸುತ್ತಾರೆ. ಆದರೆ ದಿವ್ಯಾಂಶ್ ಅವರಿಗೂ ಮೊದಲು ಈ ಪಾತ್ರಕ್ಕೆ ಶೋಭಿತಾ ಧೂಳಿಪಾಲ ಅವರನ್ನು ನಿರ್ದೇಶಕ ಶಿವ ನಿರ್ವಾಣ ಆಯ್ಕೆ ಮಾಡಿದ್ದರಂತೆ. ಅಷ್ಟೇ ಅಲ್ಲದೇ ಕೆಲವು ದೃಶ್ಯಗಳನ್ನು ಸಹ ಚಿತ್ರೀಕರಿಸಿದ್ರಂತೆ. ಆದರೆ ಕೆಲವು ಕಾರಣಗಳಿಂದ ಶೋಭಿತಾ ಅವರನ್ನು ಈ ಪಾತ್ರದಿಂದ ತೆಗೆದು ಹಾಕಲಾಯಿತು ಎನ್ನಲಾಗ್ತಿದೆ.
ಈ ಸುದ್ದಿ ಇದೀಗ ಭಾರೀ ಚರ್ಚೆಗೆ ಕಾರಣವಾಗಿದೆ. ಶೂಟಿಂಗ್ ಸಮಯದಲ್ಲಿ ಶೋಭಿತಾ ಮತ್ತು ನಾಗ ಚೈತನ್ಯ ಸ್ನೇಹಿತರಾದ್ರು ಎಂಬ ವಿಚಾರ ತಿಳಿಯುತ್ತಿದ್ದಂತೆ, ಇಬ್ಬರ ನಡುವೆ ಮೊದಲೇ ಆತ್ಮೀಯತೆ ಇತ್ತು. ಶೋಭಿತಾ-ನಾಗ ಚೈತನ್ಯ ಸಂಬಂಧವೇ ವಿಚ್ಛೇದನಕ್ಕೆ ಕಾರಣವಾಯಿತು ಎಂದು ನೆಟ್ಟಿಗರು ಹೇಳ್ತಿದ್ದಾರೆ.
ಸಮಂತಾ ಜೊತೆ ಸಿನಿಮಾ ಶೂಟಿಂಗ್ ಮಾಡ್ತಿದ್ದ ನಾಗ ಚೈತನ್ಯ ಅದೇ ಟೈಮ್ನಲ್ಲಿ ನಟಿ ಶೋಭಿತಾ ಜೊತೆ ಡೇಟಿಂಗ್ ಕೂಡ ಮಾಡ್ತಿದ್ರು ಎಂದು ಜನ ನಾನಾ ರೀತಿಯಲ್ಲಿ ಕಮೆಂಟ್ ಮಾಡ್ತಿದ್ದಾರೆ. ಹರಿದಾಡ್ತಿರು ಈ ಸುದ್ದಿಯಲ್ಲಿ ಎಷ್ಟು ಸತ್ಯವಿದೆ ಅನ್ನೋದು ತಿಳಿದಿಲ್ಲ. ಇದಕ್ಕೆಲ್ಲಾ ಸಮಂತಾ, ನಾಗ ಚೈತನ್ಯ ಇಬ್ಬರೇ ಉತ್ತರ ಕೊಡಬೇಕಿದೆ.
ಇದನ್ನೂ ಓದಿ : ರಾಜ್ಯ ಕಾಂಗ್ರೆಸ್ನಲ್ಲಿ ಮತ್ತೆ ಭಾರೀ ಬಿರುಗಾಳಿ – ಫಾರಿನ್ನಲ್ಲಿ ಡಿಸಿಎಂ..ಆಪ್ತರ ಜೊತೆ ಸಿಎಂ..!
