ಬೆಂಗಳೂರು : ಲೋಕಾಯುಕ್ತ ತನಿಖೆಯಿಂದ PSI ನೇಮಕಾತಿ ಹಗರಣದಂತೆಯೇ ರಾಜ್ಯದಲ್ಲಿ ಮತ್ತೊಂದು ಬೃಹತ್ ನೇಮಕಾತಿ ಹಗರಣ ಬಯಲಾಗಿದೆ. ಬ್ರೇಕ್ ಇನ್ಸ್ಪೆಕ್ಟರ್ಗಳಾದ ಕೃಷ್ಣೇಗೌಡ, ನವೀನ್, ಎಂಡಿ ಪಾಟೀಲ್ 2023ರ ಬ್ರೇಕ್ ಇನ್ಸ್ಪೆಕ್ಟರ್ಗಳ ನೇಮಕಾತಿಯಲ್ಲಿ ಕೋಟಿ ಕೋಟಿ ಲಂಚ ವಸೂಲಿ ಮಾಡಿದ ಆರೋಪ ಕೇಳಿ ಬಂದಿದೆ.
ಇದೀಗ ಸಾರಿಗೆ ಇಲಾಖೆಯಲ್ಲಿ ಕೋಟಿ-ಕೋಟಿ ಅವ್ಯವಹಾರದ ಆರೋಪ ಕೇಳಿಬಂದಿದ್ದು, 2023ರ ಬ್ರೇಕ್ ಇನ್ಸ್ಪೆಕ್ಟರ್ಗಳ ನೇಮಕಾತಿಯಲ್ಲಿ 33 ಮಂದಿಯಿಂದ ಒಬ್ಬ ರಾಜಕಾರಣಿ ಮತ್ತು ಅಧಿಕಾರಿಗಳು 4 ಕೋಟಿ ರೂಪಾಯಿ ವಸೂಲಿ ಮಾಡಿದ್ದಾರೆ ಎಂದು ಲೋಕಾಯುಕ್ತ ತನಿಖೆಯಿಂದ ಹಗರಣ ಬಯಲಾಗಿದೆ.
ಲೋಕಾಯುಕ್ತ ತನಿಖೆಯಿಂದ ಹಗರಣ ಬಯಲಾದ ಕಾರಣ ಕೋಟಿ-ಕೋಟಿ ಲಂಚ ಪಡೆದ ಮೂವರು ಬ್ರೇಕ್ ಇನ್ಸ್ಪೆಕ್ಟರ್ಗಳು ಜೈಲು ಪಾಲಗುವ ಸಾಧ್ಯತೆಗಳಿದ್ದು, ಈಗಾಗಲೇ ಬ್ರೇಕ್ ಇನ್ಸ್ಪೆಕ್ಟರ್ಗಳಾದ ಕೃಷ್ಣೇಗೌಡ, ನವೀನ್, ಎಂಡಿ ಪಾಟೀಲ್ಗೆ ಲೋಕಾಯುಕ್ತ ಅಧಿಕಾರಿಗಳು ನೋಟಿಸ್ ನೀಡಿದ್ದಾರೆ.
ದೂರಿನ ಪ್ರಕಾರ ನೇಮಕಾತಿ ಪತ್ರ ನೀಡಲು ಹಣ ಪಡೆದಿರುವ ಬ್ರೇಕ್ ಇನ್ಸ್ಪೆಕ್ಟರ್ ನವೀನ್, DySP ಬಸವರಾಜ್ ಮುಂದೆ ಹಾಜರಾಗಿದ್ದಾರೆ. DySP ಮುಂದೆ ಹಾಜರಾದ ನವೀನ್ ಇನ್ನೂ ಉತ್ತರ ಕೊಡದೇ ಸಮಯಾವಕಾಶ ಕೇಳಿದ್ದಾರೆ. ಇನ್ನು ಲೋಕಾಯುಕ್ತ DySP ಮುಂದೆ ಸಾಕ್ಷಿ ಕೊಟ್ಟಿರುವ ದೂರುದಾರ ಡಿ.ಎನ್.ಬೆಟ್ಟೇಗೌಡ ಅವರು, 33 ನೇಮಕಾತಿ ಪತ್ರ ಪಡೆಯಲು ರಾಜಕಾರಣಿಗಳು 3 ಕೋಟಿ ಮತ್ತು ಅಧಿಕಾರಿಗಳು 1 ಕೋಟಿ ರೂಪಾಯಿ ಪಡೆದಿರುವ ಆಡಿಯೋವನ್ನು ಸಾಕ್ಷಿಯನ್ನು ಸಮೇತ ನೀಡಿದ್ದಾರೆ. ಡಿ.ಎನ್.ಬೆಟ್ಟೇಗೌಡ ಅವರು 2023 ಏಪ್ರಿಲ್ನಲ್ಲಿ ನಡೆದಿರುವ ಬ್ರೇಕ್ ಇನ್ಸ್ಪೆಕ್ಟರ್ ನೇಮಕಾತಿ ಹಗರಣದ ಬಗ್ಗೆ ನೀಡಿರುವ ದೂರಿನ ಮೇರೆಗೆ ತನಿಖೆ ಕೈಗೆತ್ತಿಕೊಂಡಿರು ಲೋಕಾಯುಕ್ತ ಅಧಿಕಾರಿಗಳು ತನಿಖೆಯನ್ನು ತೀವ್ರಗೊಳಿಸಿದ್ದಾರೆ.
ಇದನ್ನೂ ಓದಿ : ರಾಮೇಶ್ವರಂ ಕೆಫೆ ಸ್ಪೋಟ ಪ್ರಕರಣ : ಬಾಂಬಾರ್ ಜೊತೆ ಸಂಪರ್ಕ ಹೊಂದಿದ್ದ ಇಬ್ಬರನ್ನು ವಶಕ್ಕೆ ಪಡೆದ NIA..!
