ಬೆಂಗಳೂರು : ರೇವ್ ಪಾರ್ಟಿಯ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಿಸಿಬಿ ಪೊಲೀಸರ ತನಿಖೆ ಮೂಲಕ ಸ್ಫೋಟಕ ಮಾಹಿತಿ ಹೊರಬಿದ್ದಿದೆ. ವಾಸು ಸ್ನೇಹಿತರಿಂದಲೇ ಡ್ರಗ್ಸ್ ಪೂರೈಕೆಯಾಗಿದೆ ಎಂದು ತನಿಖೆಯಿಂದ ಗೊತ್ತಾಗಿದೆ. ಆಂಧ್ರದ ವಿಜಯವಾಡದ ನಾಗಬಾಬು, ರಣಧೀರ ಬಾಬು ಡ್ರಗ್ಸ್ ಪೂರೈಸಿದ ಆರೋಪಿಗಳು.
ಉದ್ಯಮಿ ಗೋಪಾಲರೆಡ್ಡಿಗೆ ಸೇರಿದ್ದ ಫಾರ್ಮ್ಹೌಸ್ನಲ್ಲಿ ಗೋಪಾಲರೆಡ್ಡಿ ಸ್ನೇಹಿತ ಆಂಧ್ರ ಪ್ರದೇಶದ ವಾಸು ತನ್ನ ಬರ್ತಡೇಗೆಂದು ಫಾರ್ಮ್ಹೌಸ್ ಬಾಡಿಗೆ ಪಡೆದಿದ್ದ. ಕೋರಮಂಗಲದ ಅರುಣ್ ಎಂಬಾಂತ ಪಾರ್ಟಿ ಆಯೋಜನೆ ಮಾಡಿದ್ದ.
ಆದರೆ ಖಚಿತ ಮಾಹಿತಿ ಮೇರೆಗೆ ಸಿಸಿಬಿ ಅಧಿಕಾರಿಗಳು ದಾಳಿ ಮಾಡಿದ ವೇಳೆ ಅರುಣ್, ರಣವೀರ್, ಮೊಹ್ಮದ್ ಅಬೂಬುಕರ್ ಬಳಿ ಡ್ರಗ್ಸ್ ಪತ್ತೆಯಾಗಿದೆ. ಪಾರ್ಟಿಯಲ್ಲಿ 14.40 ಗ್ರಾಂ MDMA ಪಿಲ್ಸ್, 1.16 MDMA ಕ್ರಿಸ್ಟಲ್ಸ್, 6 ಗ್ರಾಂ ಹೈಡ್ರೋ ಗಾಂಜಾ, 5 ಗ್ರಾಂ ಕೊಕೇನ್ ಹಾಗೂ ಕೊಕೇನ್ ಲೇಪನ ಇರುವ 500 ರೂ.ಮುಖಬೆಲೆಯ ನೋಟು ಮತ್ತು 5 ಮೊಬೈಲ್, 1.5 ಕೋಟಿ ಮೌಲ್ಯದ ಡಿಜೆ ಉಪಕರಣ ಜಪ್ತಿ ಮಾಡಿದ್ದಾರೆ. ಇದರೊಂದಿಗೆ ಫಾರ್ಮ್ ಹೌಸ್ ಮಾಲೀಕ ಸೇರಿ 103 ಮಂದಿ ಮೇಲೂ FIR ದಾಖಲಾಗಿತ್ತು.
ಇದನ್ನೂ ಓದಿ : ವಕೀಲೆ ಚೈತ್ರಾ ಗೌಡ ನಿಗೂಢ ಸಾ*ವು ಪ್ರಕರಣ – ಪೊಲೀಸರ ತನಿಖೆಯಲ್ಲಿ ಸಾವಿನ ರಹಸ್ಯ ಬಯಲು..!