ಬೆಂಗಳೂರು : ಬೆಂಗಳೂರಿನ ರಾಮೇಶ್ವರಂ ಕೆಫೆಯಲ್ಲಿ ಬಾಂಬ್ ಸ್ಫೋಟ ಪ್ರಕರಣ ಸಂಬಂಧ ಸಿಸಿಟಿವಿ ದೃಶ್ಯದಲ್ಲಿ ಶಂಕಿತನ ಸುಳಿವು ಪತ್ತೆಯಾಗಿದೆ. ಶಂಕಿತ ವ್ಯಕ್ತಿ ತಲೆ ಮೇಲೆ ವೈಟ್ ಕ್ಯಾಪ್ ಹಾಕಿಕೊಂಡು, ಮುಖಕ್ಕೆ ಮಾಸ್ಕ್, ಕಣ್ಣಿಗೆ ಕೂಲಿಂಗ್ ಗ್ಲಾಸ್, ಬೆನ್ನ ಮೇಲೆ ಬ್ಯಾಗ್ ಹೊತ್ತು ಬಂದಿದ್ದ.
ಕೈಗೆ ಕಟ್ಟಿಕೊಂಡಿರೋ ವಾಚ್ನಲ್ಲಿ ಟೈಂ ನೋಡ್ತಾ ಹೋಗ್ತಿದ್ದ, ಟೈಂ ನೋಡುತ್ತಾ ಶಂಕಿತ ಬೇಗ ಬೇಗ ಹೆಜ್ಜೆ ಹಾಕಿದ್ದಾನೆ. ಒಂದು ಕೈನಲ್ಲಿ ಮೊಬೈಲ್ ಹಿಡಿದಿದ್ದು, ವಾಪಸ್ ಹೋಗುವಾಗ ಶಂಕಿತ ವ್ಯಕ್ತಿ ಗಾಬರಿಯಿಂದ ಹೋಗ್ತಿರುವ ಸಿಸಿಟಿವಿ ದೃಶ್ಯ ಲಭ್ಯವಾಗಿದೆ.
ಶಂಕಿತ ಆರೋಪಿ ಬೆಳಗ್ಗೆ 11.50 ಸುಮಾರಿಗೆ ಎಂಟ್ರಿ ಕೊಟ್ಟಿದ್ದು, ಹ್ಯಾಂಡ್ ವಾಶ್ ಜಾಗದಲ್ಲಿ ಹೋಗಿ ಕೈತೊಳೆದುಕೊಂಡಿದ್ದ. ಆನಂತರ ರವೆ ಇಡ್ಲಿಗೆ ಟೋಕನ್ ಪಡೆದುಕೊಂಡಿದ್ದ ವ್ಯಕ್ತಿ ಮತ್ತೆ ಹ್ಯಾಂಡ್ ವಾಶ್ ಜಾಗಕ್ಕೆ ಹೋಗಿ ವಾಪಸ್ ಆಗಿದ್ದಾನೆ. ಹೀಗಾಗಿ ಇದೇ ವ್ಯಕ್ತಿ ಸ್ಫೋಟಕ ವಸ್ತುಗಳನ್ನು ಇಟ್ಟಿರಬಹುದು ಎಂಬ ಶಂಕೆ ವ್ಯಕ್ತವಾಗಿದೆ. ಇದೀಗ CCTV ಕ್ಯಾಮೆರಾ ದೃಶ್ಯ ಆಧರಿಸಿ ಪೊಲೀಸರು ನಾಲ್ವರನ್ನು ವಶಕ್ಕೆ ಪಡೆದಿದ್ದಾರೆ.
ಇದನ್ನೂ ಓದಿ : ರಾಮೇಶ್ವರಂ ಕೆಫೆಯಲ್ಲಿನ ಸ್ಫೋಟದ ಬಗ್ಗೆ ಸಿಎಂ ಸಿದ್ದರಾಮಯ್ಯ, ಡಿಸಿಎಂ ಡಿ.ಕೆ ಶಿವಕುಮಾರ್ ಹೇಳಿದ್ದಿಷ್ಟು..!