ಬೆಂಗಳೂರು : ಲೈಂಗಿಕ ದೌರ್ಜನ್ಯ ಪ್ರಕರಣದಲ್ಲಿ ಆರೋಪಿಯಾಗಿ ವಿದೇಶದಲ್ಲಿ ತಲೆಮರೆಸಿಕೊಂಡಿರುವ ಹಾಸನ ಸಂಸದ ಪ್ರಜ್ವಲ್ ರೇವಣ್ಣ ಅವರ ಪತ್ತೆಗಾಗಿ ಇಂಟರ್ಪೋಲ್ನಿಂದ ಅಧಿಕೃತವಾಗಿ ಬ್ಲೂ ಕಾರ್ನರ್ ನೋಟಿಸ್ ಜಾರಿಗೊಳಿಸಲಾಗಿದೆ.
ಪ್ರಜ್ವಲ್ ರೇವಣ್ಣರ ಪತ್ತೆಗಾಗಿ ಬ್ಲೂ ಕಾರ್ನರ್ ನೋಟಿಸ್ ಜಾರಿಗೊಳಿಸುವಂತೆ ಸಿಬಿಐಗೆ ಪತ್ರ ಬರೆದು SIT ಅಧಿಕಾರಿಗಳು ಮನವಿ ಮಾಡಿದ್ದರು. ಸಿಬಿಐ ಪ್ರಸ್ತಾವನೆಗೆ ಪ್ರತಿಕ್ರಿಯಿಸಿರುವ ಇಂಟರ್ಪೋಲ್ ಬ್ಲೂ ಕಾರ್ನರ್ ನೋಟಿಸ್ ಹೊರಡಿಸಿದ್ದು, ಪ್ರಜ್ವಲ್ ರೇವಣ್ಣ ಅವರು ತಮ್ಮ ವ್ಯಾಪ್ತಿಯ ಯಾವುದೇ ಬಂದರಿನಲ್ಲಿ ಕಾಣಿಸಿಕೊಂಡರೆ ಗುರುತಿಸಲು ಮತ್ತು ಮಾಹಿತಿ ನೀಡಲು 196 ದೇಶಗಳಿಗೆ ಇಂಟರ್ಪೋಲ್ ಸೂಚನೆ ನೀಡಿದೆ. ಈ ನಿಟ್ಟಿನಲ್ಲಿ ರೇವಣ್ಣ ಪುತ್ರನ ಚಲನವಲನದ ಮೇಲೆ ಇಂಟರ್ಪೋಲ್ ನಿಗಾ ಇಟ್ಟಿದೆ.
ಟೆಕ್ನಿಕಲ್ ಕಾರಣದಿಂದ ಮೊದಲ ಬ್ಲೂ ಕಾರ್ನರ್ ನೋಟಿಸ್ಗೆ ಅಡಚಣೆ ಆಗಿತ್ತು. ಇದೀಗ ಮತ್ತೊಮ್ಮೆ ಬ್ಲೂ ಕಾರ್ನರ್ ನೋಟಿಸ್ ಜಾರಿಯಾಗಿದೆ. ಡಿಜಿ-ಐಜಿಪಿ ಅಲೋಕ್ ಮೋಹನ್, ಸಿಐಡಿ ಡಿಜಿ ಎ.ಸಲೀಂ, SIT ಮುಖ್ಯಸ್ಥ ಎಡಿಜಿಪಿ ಬಿಕೆ ಸಿಂಗ್ ಸಭೆ ನಡೆಸಿ ಬ್ಲೂಕಾರ್ನರ್ಗೆ CBIಗೆ ಪತ್ರ ಬರೆದು ಕೋರಿಕೆ ಸಲ್ಲಿಸಿದ್ದರು. ರಾಜತಾಂತ್ರಿಕ ಪಾಸ್ಪೋರ್ಟ್, ಫ್ಲೈಟ್ ಟಿಕೆಟ್, ಕೇಸ್ ವಿವರ, ಸೆಕ್ಷನ್ ವಿವರ ನೀಡಿ ಮನವಿ ಮಾಡಲಾಗಿತ್ತು. ಇನ್ನು ಬ್ಲೂ ಕಾರ್ನರ್ ಆಧರಿಸಿ 196 ದೇಶಗಳಲ್ಲಿ ಪ್ರಜ್ವಲ್ ಮಾಹಿತಿ ಸಂಗ್ರಹಿಸಲಾಗುತ್ತದೆ.
ಇದನ್ನೂ ಓದಿ : ಬೆಂಗಳೂರಿನಲ್ಲಿ ಮಾರಕಾಸ್ತ್ರಗಳಿಂದ ಕೊಚ್ಚಿ ರೌಡಿಶೀಟರ್ ಬರ್ಬರ ಹ*ತ್ಯೆ..!
