ಬೆಂಗಳೂರು : DCP ಕಚೇರಿಯಿಂದಲೇ ಕುಖ್ಯಾತ ರೌಡಿ ಶೀಟರ್ ಎಸ್ಕೇಪ್ ಆಗಿರುವ ಘಟನೆ ಉತ್ತರ ವಿಭಾಗ ಕಚೇರಿಯಲ್ಲಿ ನಡೆದಿದೆ. ಸುಬ್ರಹ್ಮಣ್ಯ ನಗರ ಠಾಣೆ ರೌಡಿಶೀಟರ್ ಒಂಟೆ ರೋಹಿತ್ ತಪ್ಪಿಸಿಕೊಂಡಿರುವ ರೌಡಿ ಶೀಟರ್.
ಸೈಲೆಂಟ್ ಸುನೀಲನ ಸಹಚರನಾಗಿರುವ ಒಂಟಿ ರೋಹಿತ್ನ್ನು CRPC 110 ಹಾಕಲು ಒಂದು ವಾರದ ಹಿಂದೆ ಪೊಲೀಸರು ಠಾಣೆಗೆ ಕರೆಸಿಕೊಂಡಿದ್ದರು. ಠಾಣೆಯಿಂದ ಡಿಸಿಪಿ ಕಚೇರಿಗೆ ರೌಡಿ ಶೀಟರ್ ಒಂಟೆ ರೋಹಿತ್ನನ್ನ ಕರೆದೊಯ್ಯುತ್ತಿದ್ದರು. ಇದೇ ವೇಳೆ ಡಿಸಿಪಿ ಕಚೇರಿ ಬಳಿ ಇದ್ದ CCB ಪೊಲೀಸರು ಇದ್ದದ್ದನ್ನು ಕಂಡು ಒಂಟೆ ರೋಹಿತ್ ಬೆಚ್ಚಿಬಿದ್ದಿದ್ದಾನೆ.
ಯಾಕಂದ್ರೆ ಒಂಟೆ ರೋಹಿತ್ ಕೊಲೆ, ಕೊಲೆಯತ್ನ ಸೇರಿ ಹಲವು ಕೇಸ್ಗಳಲ್ಲಿ ಫಿಟ್ ಆಗಿದ್ದ. ಸಿಸಿಬಿ ಪೊಲೀಸರ ಕೈಗೆ ಸಿಗದೇ ಕಳ್ಳಾಟ ಆಡುತ್ತಿದ್ದ. ಈ ಹಳೆ ಕೇಸ್ನಲ್ಲಿ ಒಂಟೆ ರೋಹಿತ್ನನ್ನು ಸಿಸಿಬಿ ಪೊಲೀಸರು ಹುಡುಕಾಟ ನಡೆಸುತ್ತಿದ್ದರು. ಈಗಾಗಿ ಡಿಸಿಪಿ ಕಚೇರಿಯಲ್ಲಿ ಸಿಸಿಬಿ ಪೊಲೀಸರ ದರ್ಶನವಾಗುತ್ತಿದ್ದಂತೆ ರೌಡಿ ಶೀಟರ್ ಅಲ್ಲಿಂದ ಕಾಲ್ಕಿತ್ತಿದ್ದಾನೆ.
ಇದನ್ನೂ ಓದಿ : ಪ್ರಜ್ವಲ್ ರೇವಣ್ಣ ಪ್ರಕರಣದಲ್ಲಿ ಕಠಿಣ ಶಿಕ್ಷೆ ಆಗ್ಬೇಕು – ಸಿಎಂ ಸಿದ್ದರಾಮಯ್ಯಗೆ ಪತ್ರ ಬರೆದ ರಾಹುಲ್ ಗಾಂಧಿ..!
