ಬೆಂಗಳೂರು : ವಿದೇಶಿ ಬಂಡವಾಳ ಹೂಡಿಕೆಯಲ್ಲಿ ಕರ್ನಾಟಕ ಎರಡನೇ ಸ್ಥಾನ ಪಡೆದುಕೊಂಡಿದೆ. ವಿದೇಶಿ ಹೂಡಿಕೆಯಲ್ಲಿ ಮಹಾರಾಷ್ಟ್ರ ದೇಶದಲ್ಲೇ ಮೊದಲ ಸ್ಥಾನ ಪಡೆದಿದ್ದು, ಗುಜರಾತ್ ಮಾಡೆಲ್ ಮತ್ತೆ ಕುಸಿದಿದೆ.
ವಿದೇಶಿ ನೇರ ಬಂಡವಾಳ ಹೂಡಿಕೆಯಲ್ಲಿ ಕರ್ನಾಟಕ ಮಿಂಚಿದ್ದು, ಮಹಾರಾಷ್ಟ್ರ ಬಿಟ್ಟರೆ ಕರ್ನಾಟಕಕ್ಕೇ ಹೆಚ್ಚು FDI ಹರಿದುಬಂದಿದೆ. ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಕರ್ನಾಟಕ ದಾಖಲೆ ಬರೆದಿದೆ. ವಿದೇಶಿ ನೇರ ಬಂಡವಾಳ ಹೂಡಿಕೆಯಲ್ಲಿ 1,34,959 ಕೋಟಿ ರೂ ದೇಶಕ್ಕೆ ಹರಿದು ಬಂದಿದೆ. 19059 ಕೋಟಿ ರೂಪಾಯಿ ಕರ್ನಾಟಕದಲ್ಲಿ ಹೂಡಿಕೆಯಾಗಿದೆ.
ಕೈಗಾರಿಕೆ ಹಾಗೂ ದೇಶೀಯ ವ್ಯಾಪಾರ ಉತ್ತೇಜನಾ ಇಲಾಖೆ ಅಂಕಿ ಅಂಶ ರಿಲೀಸ್ ಆಗಿದ್ದು, ಸಿಎಂ ಸಿದ್ದರಾಮಯ್ಯ, ಕೈಗಾರಿಕಾ ಸಚಿವ ಎಂ.ಬಿ.ಪಾಟೀಲ್ ಪ್ರಯತ್ನದ ಫಲವಾಗಿ ಕರ್ನಾಟಕದಲ್ಲಿ 3 ಪಟ್ಟು ಹೆಚ್ಚು ಹೂಡಿಕೆ ಆಗಿದೆ. ಈ ವರ್ಷದ ಏಪ್ರಿಲ್- ಜೂನ್ ಅವಧಿಯಲ್ಲಿ ಭಾರೀ ಪ್ರಮಾಣದ ಹೂಡಿಕೆಯಾಗಿದ್ದು, ರಾಜ್ಯದಲ್ಲಿ ವಿದೇಶಿ ಬಂಡವಾಳ ಹೂಡಿಕೆಗೆ ಪೂರಕ ವಾತಾವರಣ ಸೃಷ್ಟಿಯಾಗಿದೆ. ಇದೀಗ ಕರ್ನಾಟಕ ವಿದೇಶಿ ಉದ್ಯಮಿ, ಕಂಪನಿಗಳನ್ನು ಆಕರ್ಷಿಸುತ್ತಿದೆ.
ಯಾವ ರಾಜ್ಯಕ್ಕೆ ಎಷ್ಟು..?
- ಮಹಾರಾಷ್ಟ್ರ -70,795 ಕೋಟಿ ರೂ
- ಕರ್ನಾಟಕ -19,059 ಕೋಟಿ ರೂ
- ದೆಹಲಿ -10,788 ಕೋಟಿ ರೂ
- ತೆಲಂಗಾಣ -9,023 ಕೋಟಿ ರೂ
- ಗುಜರಾತ್ -8,508 ಕೋಟಿ ರೂ
- ತಮಿಳುನಾಡು -8,325 ಕೋಟಿ ರೂ
- ಹರಿಯಾಣ -5,818 ಕೋಟಿ ರೂ
- ಉತ್ತರ ಪ್ರದೇಶ -370 ಕೋಟಿ ರೂ
- ರಾಜಸ್ಥಾನ -311 ಕೋಟಿ ರೂ
ಇದನ್ನೂ ಓದಿ : ರಾಜ್ಯದಲ್ಲಿ ಸತೀಶ್ ಜಾರಕಿಹೊಳಿ ಸಿಎಂ ಆಗಲಿ – ಅಭಿಮಾನಿಗಳ ಅಭಿಯಾನ..!