ಬೆಂಗಳೂರು : ಕೋಲ್ಕತ್ತಾದ ಆರ್‌ಜಿ ಕರ್ ವೈದ್ಯಕೀಯ ಆಸ್ಪತ್ರೆಯಲ್ಲಿ ಟ್ರೈನಿ ವೈದ್ಯೆಯ ಮೇಲೆ ನಡೆದ ಅತ್ಯಾಚಾರ ಹಾಗೂ ಕೊಲೆ ಪ್ರಕರಣ ಖಂಡಿಸಿ ದೇಶಾದ್ಯಂತ ವೈದ್ಯರು ಪ್ರತಿಭಟನೆ ನಡೆಸುತ್ತಿದ್ದಾರೆ. 24 ಗಂಟೆಗಳ ಕಾಲ ದೇಶದ ಆಸ್ಪತ್ರೆಗಳು ಬಂದ್ ಆಗಲಿದೆ.
ಇಂದು ಬೆಳಗ್ಗೆ 6 ಗಂಟೆಯಿಂದ ನಾಳೆ ಬೆಳಗ್ಗೆವರೆಗೆ ಪ್ರೊಟೆಸ್ಟ್ ನಡೆಯಲಿದ್ದು, ತುರ್ತುಸೇವೆ(ಎಮರ್ಜೆನ್ಸಿ) ಬಿಟ್ಟು ಉಳಿದ ಸೇವೆಗಳನ್ನು ಬಂದ್ ಮಾಡಿ ಪ್ರತಿಭಟನೆ ನಡೆಸುತ್ತಿದ್ದಾರೆ. OPD, ಆಪರೇಷನ್ ಥಿಯೇಟರ್ಗಳನ್ನೂ ಬಂದ್ ಮಾಡಿದ್ದಾರೆ. ದೇಶಾದ್ಯಂತ ಮೆಡಿಕಲ್ ಸೇವೆಗಳನ್ನು ಬಂದ್ ಮಾಡಲು ಭಾರತೀಯ ವೈದ್ಯರ ಸಂಘ ಕರೆ ನೀಡಿದ್ದು, ವೈದ್ಯರು ಇಡೀ ದಿನ ಹೊರ ರೋಗಿಗಳ ವಿಭಾಗ ಕೆಲಸ ಮಾಡಲ್ಲ.
ಆಪರೇಷನ್ ಥಿಯೇಟರ್ಗಳಲ್ಲಿ ಆಪರೇಷನ್ಗಳು ನಡೆಯಲ್ಲ, ಆಧುನಿಕ ಸೇವೆ ನೀಡುವ ಎಲ್ಲಾ ಸರ್ಕಾರಿ, ಖಾಸಗಿ ಆಸ್ಪತ್ರೆಗಳಿಗೂ ಅನ್ವಯವಾಗಿದೆ. ಮಹಿಳಾ ಡಾಕ್ಟರ್ಗಳಿಗೆ ಸೂಕ್ತ ಭದ್ರತೆ ಇಲ್ಲ ಎಂದು ಆರೋಪಿಸಿ ಪ್ರೊಟೆಸ್ಟ್ ನಡೆಸುತ್ತಿದ್ದಾರೆ. ಹೀಗಾಗಿ ಇಂದು ಆಸ್ಪತ್ರೆಗಳಲ್ಲಿ ತುರ್ತು ಸೇವೆ ಮಾತ್ರ ಲಭ್ಯವಾಗಿದೆ. ಖಾಸಗಿ ಆಸ್ಪತ್ರೆ, ಕ್ಲಿನಿಕ್ಗಳಿಂದಲೂ ಪ್ರತಿಭಟನೆಗೆ ಸಾಥ್ ನೀಡಿದ್ದು, IMA, PHANA ಅಡಿಯಲ್ಲಿ ಬರುವ ಖಾಸಗಿ ಆಸ್ಪತ್ರೆಗಳೆಲ್ಲ ಬಂದ್ ಆಗಿದೆ. ರಾಜ್ಯಾದ್ಯಂತ ಸಾವಿರಾರು ವೈದ್ಯರಿಂದ ಮುಷ್ಕರಕ್ಕೆ ಬಂಬಲ ನೀಡಿದ್ದಾರೆ.
ಏನಿರಲ್ಲ..?
- OPD ಸೇವೆಗಳು ಇರಲ್ಲ
- ಡಯಾಲಿಸಿಸ್ ಇರಲ್ಲ
- ಜ್ವರ, ಶೀತ ನೆಗಡಿಗೆ ಚಿಕಿತ್ಸೆ ಸಿಗಲ್ಲ
- ಕ್ಲಿನಿಕ್ ಸೇವೆ, ಮಕ್ಕಳ ಸೇವೆ ಬಂದ್
- ಡೆಂಟಲ್ ಸರ್ವಿಸ್, ಡೆಂಟಲ್ OPD ಇರಲ್ಲ
- ಮೆಡಿಕಲ್ ಲ್ಯಾಬ್ಗಳು ಇರೋದು ಡೌಟ್ಏನೆಲ್ಲಾ ಇರುತ್ತೆ..
- ಮೆಡಿಕಲ್ ಶಾಪ್ಗಳು
- ಒಳ ರೋಗಿಗಳ ಸೇವೆಗಳು
- ಹೆರಿಗೆ ಸೇವೆಗಳು
- ಎಮರ್ಜೆನ್ಸಿ ಸರ್ಜರಿ
- ತುರ್ತು ಚಿಕಿತ್ಸಾ ವಿಭಾಗ
- ಆ್ಯಂಬುಲೆನ್ಸ್ ಇರಲಿವೆ
ಇದನ್ನೂ ಓದಿ : ಬೆಂಗಳೂರಿನಲ್ಲಿ ಆಟೋ ಮೇಲೆ ಬಿದ್ದ ಬೃಹತ್ ಮರ – ಚಾಲಕ ಸಾ*ವು..!
