ಡಾಲಿ ಧನಂಜಯ್ ಅಭಿನಯದ 26 ನೇ ಚಿತ್ರ ಕನ್ನಡ ಮತ್ತು ತೆಲುಗು ಭಾಷೆಯಲ್ಲಿ ತಯಾರಾಗಿದೆ. ಈ ಸಿನಿಮಾದಲ್ಲಿ ಟಾಲಿವುಡ್‌ನ ಸತ್ಯದೇವ ಕೂಡ ನಟಿಸಿದ್ದಾರೆ. ಚಿತ್ರದಲ್ಲಿ ದರ್ಶನ್ ಡೈರೆಕ್ಟರ್ ಜೋಗಿ ಪ್ರೇಮ್ ಉದ್ದೇಶಿಸಿ ಹೇಳಿದ್ದ ರಿಯಲ್ ಡೈಲಾಗ್ ಕೂಡ ಇದೆ.
ಹೌದು.. ಈ ಹಿಂದೆ ಡೈರೆಕ್ಟರ್ ಜೋಗಿ ಪ್ರೇಮ್ ಉದ್ದೇಶಿಸಿ, ಸ್ಯಾಂಡಲ್‌ವುಡ್‌ನ ದಾಸ ದರ್ಶನ್ “ಎಂತಹ ಡೈರೆಕ್ಟರ್ ಇದ್ರೂ ಅಷ್ಟೇನೆ, ನಾನು ಅವರಿಗೆ ಕೊಡೋದು ಕೇವಲ 70 ದಿನದ ಡೇಟ್ಸ್ ಮಾತ್ರ. ಅದಕ್ಕೂ ಹೆಚ್ಚಾಗಿ ಕೊಡೊದೇ ಇಲ್ಲ. ಡೈರೆಕ್ಟರ್ ಜೋಗಿ ಪ್ರೇಮ್ ಏನ್ ದೊಡ್ಡ ಪುಂಡಿಗನಾ” ಅಂತ ಹೇಳಿದ್ದರು. ಆ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಕೂಡ ಆಗಿತ್ತು. ಆದರೆ, ಇದೇ ಒಂದು ಪುಡಿಂಗ ಡೈಲಾಗ್ ಇದೀಗ ಸಿನಿಮಾದಲ್ಲಿ ನಾಯಕಿ ಹೇಳುತ್ತಾರೆ.
ತೆಲುಗು ನಟರ ದಂಡೇ ಇರೋ ಚಿತ್ರದಲ್ಲಿ ಡಾಲಿ ಧನಂಜಯ್ ಕೂಡ ಇದ್ದಾರೆ. ಕನ್ನಡ ಮತ್ತು ತೆಲುಗು ಭಾಷೆಯಲ್ಲಿ ಬರ್ತಿರೋ ಈ ಚಿತ್ರದ ಟೀಸರ್ ಇಂಟ್ರಸ್ಟಿಂಗ್ ಆಗಿದೆ. ಚಿತ್ರದ ಹಲವು ಪಾತ್ರಗಳ ಝಲಕ್ ಕೂಡ ಇದರಲ್ಲಿ ದೊರೆಯುತ್ತದೆ. ನಾಯಕಿಯ ಡೈಲಾಗ್ ಕೂಡ ಇಲ್ಲಿ ರಿವೀಲ್ ಆಗಿದೆ.
ಚಿತ್ರದ ನಾಯಕಿ ಇಲ್ಲಿ ನಾಯಕನನ್ನ ನೋಡಿ “ದೊಡ್ಡ ಪುಡಿಂಗ ನೀನು” ಅಂತಲೇ ಕೇಳುತ್ತಾರೆ. ಈ ಡೈಲಾಗ್ ಕೇಳಿದಾಕ್ಷಣ ದರ್ಶನ್ ನೆನಪಿಗೆ ಬರ್ತಾರೆ. ಕಾರಣ, ದರ್ಶನ್ ಈ ಮಾತನ್ನ ಸಿನಿಮಾದಲ್ಲಿ ಏನೂ ಹೇಳಿಲ್ಲ ನೋಡಿ. ಬದಲಾಗಿ, ಡೈರೆಕ್ಟರ್ ಜೋಗಿ ಪ್ರೇಮ್ ವಿಷಯಕ್ಕೆ ಬಂದಾಗಲೇ, ಅವರೇನ್ ದೊಡ್ಡ ಪುಡಿಂಗನಾ ಅಂತಲೇ ಹೇಳಿದ್ದರು.
ಹಾಸ್ಯ ನಟ ಸುನಿಲ್ ಕೂಡ ಇಲ್ಲಿ ಪ್ರಮುಖ ಪಾತ್ರವನ್ನ ಮಾಡಿದ್ದಾರೆ. ರವಿ ಬಸ್ರೂರು ಸಂಗೀತ ಈ ಸಿನಿಮಾಕ್ಕಿದೆ. ತೆಲುಗು, ಕನ್ನಡ, ತಮಿಳು, ಮಲಯಾಳಂ ಭಾಷೆಗಳಲ್ಲಿ ಸಿನಿಮಾ ತೆರೆಗೆ ಬರಲಿದೆ. ಜೀಬ್ರಾ ಸಿನಿಮಾಗೆ ಈಶ್ವರ್ ಕಾರ್ತಿಕ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ.
ಇದನ್ನೂ ಓದಿ : ಅ.4ಕ್ಕೆ ‘ಗೋಪಿಲೋಲ’ ಚಿತ್ರ ರಿಲೀಸ್ – ಸಿನಿಮಾಗೆ ಶುಭ ಹಾರೈಸಿದ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ವೀರೇಂದ್ರ ಹೆಗಡೆ..!
