ಮೈಸೂರು : ನಟ ದರ್ಶನ್ ಜೈಲಿನಿಂದ ರಿಲೀಸ್ ಆಗುತ್ತಿದ್ದಂತೆ ಮೈಸೂರಿನಲ್ಲಿ ಅವಧೂತ ಅರ್ಜುನ್ ಗುರೂಜಿ ಸುದ್ದಿಗೋಷ್ಠಿ ನಡೆಸಿದ್ದು, ದರ್ಶನ್ ಅವರ ಭವಿಷ್ಯದ ಬಗ್ಗೆ ಸ್ಪೋಟಕ ಮಾಹಿತಿ ಬಿಚ್ಚಿಟ್ಟಿದ್ದಾರೆ.
ಕೆಲ ದಿನಗಳ ಹಿಂದೆ ನಟ ದರ್ಶನ್ಗೆ ಅಕ್ಟೋಬರ್ 20ರ ನಂತರ ಬೇಲ್ ಸಿಗುತ್ತದೆ ಎಂದು ಅವಧೂತ ಅರ್ಜುನ್ ಗುರೂಜಿ ಭವಿಷ್ಯ ನುಡಿದಿದ್ದರು. ಅವರು ಹೇಳಿದಂತೆ ಈಗ ನಟ ದರ್ಶನ್ಗೆ ಜಾಮೀನು ಸಿಕ್ಕಿದೆ. ಈ ಬೆನ್ನಲ್ಲೇ ಅರ್ಜುನ್ ಗುರೂಜಿ ಸುದ್ದಿಗೋಷ್ಠಿ ನಡೆಸಿ ದರ್ಶನ್ ರಾಜಕೀಯ ಎಂಟ್ರಿ ಕೊಡುತ್ತಾರೆ ಎಂದು ಸ್ಫೋಟಕ ಭವಿಷ್ಯ ನುಡಿದಿದ್ದಾರೆ.
2025ರ ನಂತರ ದರ್ಶನ್ಗೆ ಎಲ್ಲಾ ಒಳ್ಳೇದಾಗುತ್ತದೆ, ಸಿನಿಮಾದಲ್ಲೂ ಒಳ್ಳೇದಾಗುತ್ತೆ, ರಾಜಕೀಯ ಲಕ್ ತಿರುಗುತ್ತೆ. ರಾಜಕೀಯದಿಂದಲೇ ಅವಕಾಶಗಳು ಹುಡುಕಿಕೊಂಡು ಬರುತ್ತೆ, ಕಲ್ಲಿಗೆ ಏಟು ಬಿದ್ದರೇನೆ ವಿಗ್ರಹ ಆಗೋದು. ದರ್ಶನ್ಗೆ ಈಗ ಉಳಿ ಏಟು ಬಿದ್ದು ವಿಗ್ರಹವಾಗಿದ್ದಾರೆ, ಮುಂದೆ ಅವರು ಸಾಮಾಜಿಕ ಕೆಲಸಗಳಲ್ಲಿ ತೊಡಗಿಸಿಕೊಳ್ತಾರೆ. ದರ್ಶನ್ ಮುಂದೆ ರಾಜಕೀಯಕ್ಕೆ ಬರ್ತಾರೆ, ಒಳ್ಳೆ ಭವಿಷ್ಯವಿದೆ ಎಂದಿದ್ದಾರೆ.
ಸೂಕ್ತ ಕಾಲದಲ್ಲಿ ರಾಜಕೀಯ ಪ್ರವೇಶವನ್ನು ನಿರ್ಧರಿಸ್ತಾರೆ, 2025ರಲ್ಲಿ ಚಿತ್ರರಂಗಕ್ಕೆ ದರ್ಶನ್ ಕಮ್ ಬ್ಯಾಕ್ ಮಾಡ್ತಾರೆ. ದರ್ಶನ್ಗೆ ಸ್ತ್ರೀ ದೋಷವಿಲ್ಲ, ಸಮಯ ಕೆಟ್ಟಿದ್ದರಿಂದ ಹೀಗಾಗಿದೆ. ದರ್ಶನ್ ಮಾಡಿರೋ ಸಹಾಯಗಳು ಅವರನ್ನು ಕಾಪಾಡುತ್ತವೆ, ಕನ್ನಡ ಚಿತ್ರರಂಗಕ್ಕೂ ಮುಂದಿನ ದಿನಗಳಲ್ಲಿ ಒಳ್ಳೆಯದಾಗುತ್ತೆ. ಎಲ್ಲರೂ ಕನ್ನಡ ಚಿತ್ರರಂಗದತ್ತ ತಿರುಗಿ ನೋಡುವಂತೆ ಆಗುತ್ತೆ ಎಂದು ಅರ್ಜುನ್ ಅವಧೂತರು ದರ್ಶನ್ ಭವಿಷ್ಯವನ್ನು ವಿಶ್ಲೇಷಿಸಿದ್ದಾರೆ.
ಇದನ್ನೂ ಓದಿ : ಬೆಂಗಳೂರಲ್ಲಿ ಅಮಾನವೀಯ ಘಟನೆ.. ಯುವಕ ಸಾವು ಬದುಕಿನ ಮಧ್ಯೆ ಒದ್ದಾಡುತ್ತಿದ್ರು ನೆರವಿಗೆ ಬಾರದ ಪೊಲೀಸರು..!
