ಬೆಂಗಳೂರು : ವಾಲ್ಮೀಕಿ ನಿಗಮ ಮಾದರಿಯಲ್ಲೇ ಕರ್ನಾಟಕ ವಕ್ಫ್ ಮಂಡಳಿಯಲ್ಲಿ ಕೋಟಿಕೋಟಿ ಗೋಲ್ಮಾಲ್ ನಡೆದಿರುವುದು ಬೆಳಕಿಗೆ ಬಂದಿದೆ. ವಕ್ಫ್ ಬೋರ್ಡ್ಗೆ 8 ಕೋಟಿ ಹಣ ನಷ್ಟ ಉಂಟು ಮಾಡಿದ ಆರೋಪ ಹಿನ್ನೆಲೆ, ಬೋರ್ಡ್ನ ಮಾಜಿ CEO ಝುಲ್ಫಿಕರ್ ಉಲ್ಲಾ ವಿರುದ್ಧ ಹೈಗ್ರೌಂಡ್ಸ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
CEO ಆಗಿದ್ದ ಝುಲ್ಫಿಕರ್ ಉಲ್ಲಾ, ಬೆನ್ಸೆನ್ ಟೌನ್ ಇಂಡಿಯನ್ ಬ್ಯಾಂಕ್ನಲ್ಲಿದ್ದ 4 ಕೋಟಿ ಹಣವನ್ನು ವಕ್ಫ್ ಬೋರ್ಡ್ ಗಮನಕ್ಕೆ ತರದಂತೆ ಚಿಂತಾಮಣಿಯ ವಿಜಯ ಬ್ಯಾಂಕ್ ಶಾಖೆಯ ಅಕೌಂಟ್ಗೆ ವರ್ಗಾವಣೆ ಮಾಡಿದ್ದಾರೆ ಎನ್ನಲಾಗಿದೆ. ಸುಮಾರು 8,03,56,713 ಕೋಟಿ ರೂ.ಗಳಷ್ಟು ನಷ್ಟ ಉಂಟು ಮಾಡಿರುವ ಆರೋಪದ ಹಿನ್ನಲೆ ವಕ್ಫ್ಬೋರ್ಡ್ 2022ರ ಮಾರ್ಚ್ 31ರಂದು ನೋಟಿಸ್ ನೀಡಿತ್ತು.
ಆದರೆ ಝುಲ್ಫಿಕರ್ ಉಲ್ಲಾ ನೋಟಿಸ್ಗೆ ಸಮರ್ಪಕ ಉತ್ತರ ನೀಡದ ಹಿನ್ನೆಲೆಯಲ್ಲಿ ಚೀಫ್ ಅಕೌಂಟೆಂಟ್ ಮೀರ್ ಅಹ್ಮದ್ ಅಬ್ಬಾಸ್ ಹೈಗ್ರೌಂಡ್ಸ್ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ದೂರಿನ ಮೇರೆಗೆ ಪೊಲೀಸರು, ಬೋರ್ಡ್ನ ಮಾಜಿ CEO ಝುಲ್ಫಿಕರ್ ಉಲ್ಲಾ ವಿರುದ್ಧ IPC-1860(U/s-409) ಅಡಿಯಲ್ಲಿ FIR ದಾಖಲಿಸಿಕೊಂಡಿದ್ದಾರೆ.
ಇದನ್ನೂ ಓದಿ : ED ಅರೆಸ್ಟ್ ಭೀತಿಯಿಂದ ರಾಯಚೂರು ಶಾಸಕ ದದ್ದಲ್ಎಸ್ಕೇಪ್..?
