ಬೆಂಗಳೂರು : ಕಳೆದೆರಡು ದಿನಗಳಿಂದ ಬೆಂಗಳೂರಿನಲ್ಲಿ ಕಾಲರಾ ಭೀತಿ ಉಂಟಾಗಿದ್ದು, ಈ ಹಿನ್ನಲೆ ಬಿಬಿಎಂಪಿ ವ್ಯಾಪ್ತಿಯ ಜನರಲ್ಲಿ ಆತಂಕ ಸೃಷ್ಠಿಯಾಗಿದೆ. ಒಟ್ಟಾರೆಯಾಗಿ ಕಳೆದ ಒಂದು ವರ್ಷದಿಂದ ಕಾಲರಾ ಸೋಂಕಿತರ ಸಂಖ್ಯೆ ಹೆಚ್ಚಳವಾಗಿದ್ದು, ಕಳೆದ ವರ್ಷ 108 ಕಾಲರಾ ಪ್ರಕರಣ ವರದಿಯಾಗಿದೆ.
ಈ ವರ್ಷ ಮೂರೇ ತಿಂಗಳಲ್ಲಿ 6 ಮಂದಿಯಲ್ಲಿ ಕಾಲರಾ ರೋಗ ಪತ್ತೆಯಾಗಿದೆ. 2020ರಲ್ಲಿ 40 ಮಂದಿಗೆ, 2021ರಲ್ಲಿ 20 ಹಾಗೂ 2022ರಲ್ಲಿ 44 ಕೇಸ್ ದಾಖಲಾಗಿದೆ. ಇನ್ನು ಕಾಲರಾ ಇನ್ನೂ ಸಾಂಕ್ರಾಮಿಕ ಸ್ವರೂಪ ಪಡೆದುಕೊಂಡಿಲ್ಲ ಎಂದು ಆರೋಗ್ಯ ಇಲಾಖೆ ಆಯುಕ್ತ ರಂದೀಪ್ ಮಾಹಿತಿ ನೀಡಿದ್ದಾರೆ.
ಈ ಬಗ್ಗೆ ಮಾಹಿತಿ ನೀಡಿದ ಆರೋಗ್ಯ ಇಲಾಖೆ ಆಯುಕ್ತ ರಂದೀಪ್ ಅವರು ಇದೀಗ ಖಾಸಗಿ ಆಸ್ಪತ್ರೆಗೆ ದಾಖಲಾದ ರೋಗಿಗಳ ಮಾಹಿತಿ ಸಂಗ್ರಹ ಮಾಡಲಾಗಿದೆ. ಇದರೊಂದಿಗೆ ಕಾಲರಾ ಲಕ್ಷಣಗಳಿರುವ ರೋಗಿಗಳ ಪತ್ತೆ ಮಾಡಿ ವಿಶೇಷ ನಿಗಾ ಇಡಲಾಗುವುದು ಎಂದು ತಿಳಿಸಿದ್ದಾರೆ.
ಕಾಲರಾ ರೋಗದ ಲಕ್ಷಣಗಳೇನು..?
- ವಿಪರೀತವಾಗಿ ಬಾಯಾರಿಕೆ ಕಾಣಿಸುತ್ತದೆ
- ಬಾಯಿ ಮತ್ತು ಕಣ್ಣುಗಳು ಪದೇ-ಪದೇ ಒಣಗುತ್ತವೆ
- ಹೃದಯ ಬಡಿತ ಪ್ರಮಾಣ ಹೆಚ್ಚಳ-ಕಡಿಮೆ ಆಗುತ್ತೆ
- ಮಾಂಸ ಖಂಡಗಳಲ್ಲಿ ಸೆಳೆತ ಕಾಣಿಸುತ್ತದೆ
- ವಿಪರೀತವಾಗಿ ಸುಸ್ತು ಕಾಣಿಸಿಕೊಳ್ಳುತ್ತದೆ
- ಅತಿಯಾದ ನಿದ್ದೆ, ತಲೆನೋವು ಕಾಣಿಸುತ್ತದೆ
- ಸೋಂಕು ಹೆಚ್ಚಾದರೆ ವಾಂತಿ, ಬೇಧಿಯೂ ಕಾಣಿಸುತ್ತದೆ
- ಕಾಲರಾ ತಡೆಯಲು ಕೈ-ಕಾಲು ಸ್ವಚ್ಛವಾಗಿಟ್ಟುಕೊಳ್ಳಬೇಕು
- ಬಾಟಲಿ ನೀರು, ಕುದಿಸಿ ಆರಿಸಿದ ನೀರು ಕುಡಿಯಬೇಕು
- ಬೇಯಿಸದೇ ಇರುವ ಹಸಿ ಆಹಾರ, ಶೆಲ್ ಫಿಶ್ ತಿನ್ನಬೇಡಿ
- ಹಸಿ ತರಕಾರಿ, ಹಣ್ಣು ಸೇವನೆ ಮಾಡಿ
- ಸುಲಿದು ತಿನ್ನುವ ಹಣ್ಣು, ತರಕಾರಿ ನೀವೇ ಸುಲಿದುಕೊಳ್ಳಿ
ಇದನ್ನೂ ಓದಿ : ಬಿಎಸ್ವೈ ಮನವೊಲಿಕೆ ನಂತರವೂ ಪ್ರಚಾರಕ್ಕೆ ಬಾರದ ಮುಖಂಡರು : ದಾವಣಗೆರೆಯಲ್ಲಿ ಬಂಡಾಯ ಶಮನಕ್ಕೆ ಮತ್ತೊಂದು ಸರ್ಕಸ್ ಶುರು..!
