ಬೆಂಗಳೂರು : ಮಾಲ್, ಸೂಪರ್ ಮಾರ್ಕೆಟ್ಗಳಲ್ಲಿ ಚಾಕೊಲೇಟ್ ಖರೀದಿಸುವ ಮುನ್ನ ಹುಷಾರ್ ಆಗಿರಿ. CCB ಮೆಗಾ ರೇಡ್ನಲ್ಲಿ ನಕಲಿ ಫಾರಿನ್ ಚಾಕೊಲೇಟ್ ಕರ್ಮಕಾಂಡವೊಂದು ಬಯಲಾಗಿದೆ. CCB ಪೊಲೀಸರು ಬರೋಬ್ಬರಿ 3 ಕೋಟಿ ಮೌಲ್ಯದ ಫಾರಿನ್ ಚಾಕೊಲೇಟ್ ವಶಕ್ಕೆ ಪಡೆದಿದ್ದಾರೆ.
CCB ಪೊಲೀಸರು ನಕಲಿ ಫಾರಿನ್ ಚಾಕೊಲೇಟ್ ಮಾರುತ್ತಿದ್ದ ಜಾಲವನ್ನು ಪತ್ತೆ ಮಾಡಿದ್ದು, ಸಿಸಿಬಿ ACP ನಾಗರಾಜ್ ನೇತೃತ್ವದಲ್ಲಿ ಅತೀ ದೊಡ್ಡ ಕಾರ್ಯಾಚರಣೆ ನಡೆದಿದೆ. ಇಷ್ಟು ದೊಡ್ಡ ಮೊತ್ತದ ನಕಲಿ ಚಾಕೊಲೇಟ್ ಪತ್ತೆ ಮಾಡಿದ್ದು ಇದೇ ಮೊದಲಾಗಿದ್ದು, ನಕಲಿ ಫಾರಿನ್ ಚಾಕೊಲೇಟ್ ದಂಧೆ ರೂವಾರಿ ನರೇಂದರ್ ಸಿಂಗ್ನ್ನು ಅರೆಸ್ಟ್ ಮಾಡಲಾಗಿದೆ. ಪರ್ಮಿಷನ್ ಇಲ್ಲದೆಯೇ ನರೇಂದರ್ ಫಾರಿನ್ನಿಂದ ಚಾಕೊಲೇಟ್ ತರ್ತಿದ್ದ. ಸುಧಾಮನಗರದಲ್ಲಿ ಗೋಡೌನ್ ಮಾಡ್ಕೊಂಡು ನಕಲಿ ಬ್ರಾಂಡ್ ಚಾಕೊಲೇಟ್ ಸೇಲ್ ಮಾಡ್ತಿದ್ದ.
ಫಾರಿನ್ ಚಾಕೊಲೇಟ್ ಲೇಬಲ್ ಅಂಟಿಸಿ ಮಾಲ್, ಸೂಪರ್ ಮಾರ್ಕೆಟ್ಗೆ ಸಪ್ಲೈ ಮಾಡ್ತಿದ್ದ, ರೇಡ್ ವೇಳೆ ಸುಮಾರು 3 ಕೋಟಿ ಮೌಲ್ಯದ ನಕಲಿ ಚಾಕೊಲೇಟ್ಗಳು ಪತ್ತೆಯಾಗಿದೆ. ನರೇಂದರ್ ಫುಡ್ ಸೇಫ್ಟಿ ಅಂಡ್ ಸ್ಟಾಂಡರ್ಡ್ ಅಥಾರಿಟಿಯ ಲೇಬಲ್ನ್ನು ನಕಲಿ ಮಾಡ್ತಿದ್ದ.
ಇದನ್ನೂ ಓದಿ : ಮಾಜಿ ಸಚಿವ ನಾಗೇಂದ್ರ ಆಪ್ತ ಹರೀಶ್ ಅರೆಸ್ಟ್..!