ಬೆಂಗಳೂರು : ಸಿಲಿಕಾನ್ ಸಿಟಿಯಲ್ಲಿ ಕಳೆದೆರಡು ದಿನಗಳಿಂದ ಎಲ್ಲೆಡೆ ಭಾರೀ ಮಳೆಯಾಗುತ್ತಿದೆ. ಇದೀಗ ಮಳೆಗಾಲದ ಆರಂಭದಲ್ಲೇ ಎಚ್ಚೆತ್ತ ಬಿಬಿಎಂಪಿ ಮಳೆ ಬಂದ್ರೆ ಬೀಳೋ ಶಿಥಿಲಾವಸ್ಥೆಯ ಕಟ್ಟಡಗಳ ತೆರವಿಗೆ ನೋಟಿಸ್ ಜಾರಿ ಮಾಡಿದೆ.
ಕಳೆದ ವರ್ಷ ಮಳೆ ಬಂದಾಗ 5ಕ್ಕೂ ಹೆಚ್ಚು ಕಟ್ಟಡ ಕುಸಿದಿದ್ದವು. ಈ ಬಾರಿ ಕಟ್ಟಡ ಕುಸಿತ ದುರಂತ ಸಂಭವಿಸದಂತೆ ಎಚ್ಚರಿಕೆವಹಿಸಿರುವ BBMP ನೀವಾಗಿ ಕಟ್ಟಡ ತೆರವು ಮಾಡಿ. ಇಲ್ಲದಿದ್ರೆ ಪಾಲಿಕೆ ತೆರವು ಮಾಡುತ್ತೆ ಎಂದು ಶಿಥಿಲ ಕಟ್ಟಡಗಳ ಮಾಲೀಕರಿಗೆ ನೋಟಿಸ್ ನೀಡಿದೆ. ಆದರೆ ತೆರವಿನ ಖರ್ಚು BBMP ಮಾಲೀಕರಿಂದ ವಸೂಲಿ ಮಾಡಲಿದೆ.
ಇನ್ನು ಶಿಥಿಲಾವಸ್ಥೆಯ ಕಟ್ಟಡಗಳನ್ನು ಪಟ್ಟಿ ಮಾಡಿರುವ BBMP, ಬೆಂಗಳೂರಿನಲ್ಲಿ ಬರೋಬ್ಬರಿ 629 ಶಿಥಿಲ ಕಟ್ಟಡಗಲಿವೆ ಎಂದು ತಿಳಿಸಿವೆ. ಈಗಾಗಲೇ 67 ಕಟ್ಟಡಗಳನ್ನು ತೆರವು ಮಾಡಲಾಗಿದ್ದು, 423 ಕಟ್ಟಡ ಮಾಲೀಕರಿಗೆ ನೋಟಿಸ್ ನೀಡಲಾಗಿದೆ. ಇನ್ನು ಶಿಥಿಲಾವಸ್ಥೆಯ ಕಟ್ಟಡಗಳ ತೆರವಿಗೆ ನೋಟಿಸ್ ಜಾರಿ ಮಾಡಿದರೂ ಮಾಲೀಕರು ತೆರವು ಗೊಳಿಸದೇ ಕಟ್ಟಡ ಬಿದ್ದು ಅನಾಹುತ ಸಂಭವಿಸಿದ್ರೆ ಮಾಲೀಕರೇ ಹೊಣೆ ಎಂದು ತಿಳಿಸಿದೆ.
ಎಷ್ಟು ಮನೆಗಳು ಡೇಂಜರ್ :
- ಪೂರ್ವ ವಲಯ- 101 ಕಟ್ಟಡ
- ಪಶ್ಚಿಮ ವಲಯ-160 ಕಟ್ಟಡ
- ದಕ್ಷಿಣ ವಲಯ- 216 ಕಟ್ಟಡ
- ಬೊಮ್ಮನಹಳ್ಳಿ- 11 ಕಟ್ಟಡ
- ದಾಸರಹಳ್ಳಿ- 11 ಕಟ್ಟಡ
- ಮಹಾದೇವಪುರ- 37 ಕಟ್ಟಡ
- ರಾಜರಾಜೇಶ್ವರಿ ವಲಯ- 9 ಕಟ್ಟಡ
- ಯಲಹಂಕ- 84 ಕಟ್ಟಡ
ಇದನ್ನೂ ಓದಿ : ಬೆಂಗಳೂರು : ವ್ಯಕ್ತಿಯ ತಲೆ ಮೇಲೆ ಕಲ್ಲು ಎತ್ತಿ ಹಾಕಿ ಬರ್ಬರ ಹ*ತ್ಯೆ..!