ಬೆಂಗಳೂರು : ಯೂಟ್ಯೂಬ್ ನೋಡಿ ಕಳ್ಳತನ ಮಾಡ್ತಿದ್ದ ಕಿಲಾಡಿ ಕಳ್ಳನೊಬ್ಬ ಪೊಲೀಸ್ ಠಾಣೆ ಮುಂದೆಯೇ ಮನೆ ಮಾಡಿಕೊಂಡಿದ್ದ. ಈ ಐನಾತಿ ಕಳ್ಳ ಪೊಲೀಸ್ ಸಿಬ್ಬಂದಿ ಜತೆ ಸಲುಗೆ ಬೆಳೆಸಿ ತಾನೇ ಕದ್ದ ಜಾಗಕ್ಕೆ ಭೇಟಿ ಕೊಡ್ತಿದ್ದ. ಈ ವೇಳೆ ಕಳ್ಳ, ಕದ್ದ ಬಳಿಕ ಸಾಕ್ಷಿ ನಾಶದ ಬಗ್ಗೆ ತಿಳಿದುಕೊಳ್ತಿದ್ದ.
ನಟೋರಿಯಸ್ ಕಳ್ಳ ಸುನೀಲ್ನ್ನು ಇದೀಗ ಮೈಕೋ ಲೇಔಟ್ ಠಾಣೆ ಪೊಲೀಸರು ಬಂಧಿಸಿ ವಿಚಾರಣೆ ಮಾಡುತ್ತಿದ್ದಾರೆ. ಸುನೀಲ್ ಮನೆ ಕಳವು ಮಾಡಿಯೇ ಬೈಕ್ ಖರೀದಿ ಮಾಡಿದ್ದ. ಕಿಲಾಡಿ ಕಳ್ಳ ಯೂಟ್ಯೂಬ್ ನೋಡಿಕೊಂಡು ಅದೇ ರೀತಿ ಕಳ್ಳತನ ಮಾಡ್ತಿದ್ದ. ಕೈಗೆ ಗ್ಲೌಸ್ ಬಳಸಿ ಕೃತ್ಯ ಎಸಗಿ ಪೊಲೀಸರ ಚಲನವಲನ ವೀಕ್ಷಿಸುತ್ತಿದ್ದ.
ಒಮ್ಮೊಮ್ಮೆ ಫ್ರೆಂಡ್ಲಿಯಾಗಿ ಪೊಲೀಸರ ಜೊತೆ ಕದ್ದ ಮನೆಗೇ ಹೋಗ್ತಿದ್ದ. ಈ ಚಾಲಾಕಿ ಕಳ್ಳ 3 ವರ್ಷದಲ್ಲಿ ನಾಲ್ಕು ಮನೆ ಕಳವು ಮಾಡಿದ್ದ ಬಗ್ಗೆ ಮಾಹಿತಿ ಲಭ್ಯವಾಗಿದೆ. ಈತನನ್ನು ಪೊಲೀಸರು ರೆಡ್ ಹ್ಯಾಂಡ್ ಆಗಿ ಹಿಡಿದು ಚಿನ್ನಾಭರಣ ವಶಕ್ಕೆ ಪಡೆದಿದ್ದಾರೆ.
ಇದನ್ನೂ ಓದಿ : ಬೆಂಗಳೂರು : ಮದುವೆಯಾಗಿ ಎರಡೇ ವರ್ಷದಲ್ಲಿ ಆ*ತ್ಮಹ*ತ್ಯೆಗೆ ಶರಣಾದ ಗೃಹಿಣಿ..!
