ಬೆಂಗಳೂರು : ಚಿತ್ರದುರ್ಗದ ರೇಣುಕಾಸ್ವಾಮಿ ಕೊಲೆ ಪ್ರಕರಣದ ಆರೋಪದಲ್ಲಿ ಬಳ್ಳಾರಿ ಜೈಲಿನಲ್ಲಿದ್ದ ನಟ ದರ್ಶನ್ ಮಧ್ಯಂತರ ಜಾಮೀನು ಪಡೆದು ಹೊರಗೆ ಬಂದಿದ್ದಾರೆ. ನಟನ ಜಾಮೀನಿಗಾಗಿ ಬಹಳಷ್ಟು ಪ್ರಯತ್ನ ನಡೆದರೂ ಕೊನೆಗೆ ಮೆಡಿಕಲ್ ಗ್ರೌಂಡ್ಸ್ ಮೇಲೆ ನಟನಿಗೆ ಜಾಮೀನು ಕೊಡಲಾಗಿದೆ. ಈ ವಿಚಾರ ತಿಳಿದ ಅಭಿಮಾನಿಗಳಂತೂ ಫುಲ್ ಖುಷ್ ಆಗಿದ್ದರು. ಆದರೆ ಈ ಜೀವ ಮಾತ್ರ ತುಂಬ ಬೇಸರ ಪಟ್ಟುಕೊಂಡಿದೆ.
ಹೌದು, ಬೆಂಗಳೂರು ಪರಪ್ಪನ ಅಗ್ರಹಾರದಲ್ಲಿ ವಿಶೇಷ ಆತಿಥ್ಯ ಪಡೆಯುತ್ತಿದ್ದ ಆರೋಪದ ಮೇಲೆ ನಟ ದರ್ಶನ್ರನ್ನು ಬಳ್ಳಾರಿ ಸೆಂಟ್ರಲ್ ಜೈಲಿಗೆ ಶಿಫ್ಟ್ ಮಾಡಲಾಗಿತ್ತು. ಬಳ್ಳಾರಿ ಜೈಲಿನಲ್ಲಿ ಒಬ್ಬಂಟಿಯಾಗಿದ್ದ, ದರ್ಶನ್ಗೆ ಕಪ್ಪು ನಾಯಿಯ ದೋಸ್ತಿ ಆಗಿತ್ತಂತೆ. ನಿತ್ಯವೂ ದರ್ಶನ್ ಈ ಕಪ್ಪು ನಾಯಿಯ ಜತೆಗೆ ಟೈಮ್ ಸ್ಪೆಂಡ್ ಮಾಡುತ್ತಿದ್ದರು. ಸೆಲ್ ಬಳಿ ಬರೋ ಈ ಕಪ್ಪು ನಾಯಿಗೆ ಊಟವನ್ನು ದರ್ಶನ್ ಕೊಡ್ತಿದ್ದರಂತೆ. ಈ ಕಾರಣಕ್ಕೇನೆ ದರ್ಶನ್ ಎಲ್ಲಿಯೇ ಹೋದ್ರೂ ಈ ಕಪ್ಪು ನಾಯಿ ದರ್ಶನ್ ಜತೆಗೆ ಬರುತ್ತಿತಂತೆ.
ಇನ್ನು ಜೈಲಿನಲ್ಲಿ ಒಂಟಿಯಾಗಿಯೇ ಇದ್ದ ದರ್ಶನ್ಗೆ ಈ ನಾಯಿ ಸಾಥ್ ಕೊಟ್ಟಿದೆ ಎಂಬ ಸುದ್ದಿಗಳು ವೈರಲ್ ಆಗಿದ್ದವು. ಜೈಲಿನಿಂದ ಹೊರ ಬರುವಾಗಲೂ ಶ್ವಾನ ನಿಂತು ದರ್ಶನ್ ಅವರನ್ನೇ ನೋಡ್ತಾ ಇತ್ತು.
ದರ್ಶನ್ ಅವರು ಜೈಲಿನಿಂದ ಹೊರ ಬರುವಾಗ ಕುಂಟುತ್ತಲೇ ನಡೆದುಕೊಂಡು ಬಂದಿದ್ದಾರೆ. ಆ ವೇಳೆ ಈ ಶ್ವಾನ ನಿಂತುಕೊಂಡು ದರ್ಶನ್ ಅವರನ್ನೇ ನೋಡಿದೆ. ಬಳಿಕ ಅವರ ಹಿಂದಿಂದೆ ಬಂದಿದೆ. ದರ್ಶನ್ ಒಂದು ಕ್ಷಣ ಶ್ವಾನದ ಕಡೆಗೆ ನೋಡಿ ಅಲ್ಲಿಂದ ಹೊರಟು ಬಂದಿದ್ದಾರೆ.
ಇದನ್ನೂ ಓದಿ : ಮಗ ದರ್ಶನ್ನ್ನು ನೋಡಲು ವಿಜಯಲಕ್ಷ್ಮಿ ನಿವಾಸಕ್ಕೆ ಬಂದ ತಾಯಿ ಮೀನಾ ತೂಗುದೀಪ..!
