ಬೆಂಗಳೂರು : ಅಸ್ಸಾಂ NIA ಅಧಿಕಾರಿಗಳು ಬೆಂಗಳೂರಿನಲ್ಲಿ ಮತ್ತೋರ್ವ ಶಂಕಿತ ಉಗ್ರನನ್ನು ಅರೆಸ್ಟ್ ಮಾಡಿದ್ದಾರೆ. ಗಿರಿಶ್ ಬೋರಾ @ ಗೌತಮ್ ಶಂಕಿತ ಉಗ್ರನನ್ನು ನಿನ್ನೆ NIA ಅಧಿಕಾರಿಗಳು ಬಂಧಿಸಿದ್ದಾರೆ.
ಬಂಧಿತ ಶಂಕಿತ ಉಗ್ರ ಗೌತಮ್, ಗುವಾಹತಿಯಲ್ಲಿ IED ಬಾಂಬ್ ಇಟ್ಟು ಬೆಂಗಳೂರಿಗೆ ಬಂದಿದ್ದನು. ಆಗಸ್ಟ್ನಲ್ಲಿ ಗುವಾಹತಿಯಲ್ಲಿ 5 LED ಬಾಂಬ್ ಇಟ್ಟಿದ್ದ ಶಂಕಿತ, ಫ್ಯಾಮಿಲಿ ಸಮೇತ ಬೆಂಗಳೂರಿಗೆ ಬಂದು ವಾಸವಾಗಿದ್ದನು.
ಇನ್ನು ಬೆಂಗಳೂರಿಗೆ ಬಂದಿದ್ದ ಬಂಧಿತ ಶಂಕಿತ ಉಗ್ರ, ಗೌತಮ್ ಎನ್ನುವ ಹೆಸರಲ್ಲಿ ಖಾಸಗಿ ಕಂಪನಿಯಲ್ಲಿ ಸೆಕ್ಯೂರಿಟಿಯಾಗಿ ಕೆಲಸಕ್ಕೆ ಸೇರಿದ್ದನು. ಈ ಬಗ್ಗೆ ಪಕ್ಕಾ ಮಾಹಿತಿ ಆಧರಿಸಿ ಅಸ್ಸಾಂ NIA ಅಧಿಕಾರಿಗಳು ಶಂಕಿತ ಉಗ್ರ ಗೌತಮ್ನನ್ನು ಬೆಂಗಳೂರು ಗ್ರಾಮಾಂತರದ ಜಿಗಣಿಯಲ್ಲಿ ಅರೆಸ್ಟ್ ಮಾಡಿದ್ದಾರೆ.
ಸದ್ಯ ಶಂಕಿತನನ್ನ ಬಂಧಿಸಿರೋ ಅಸ್ಸಾಂ ಎನ್ಐಎ ಟೀಂ, ಬಂಧಿತನಿಂದ ಮೊಬೈಲ್ ಮತ್ತು ಒಂದಷ್ಟು ದಾಖಲೆಗಳು ವಶಕ್ಕೆ ಪಡೆದುಕೊಂಡಿವೆ. NIA ಬಂಧಿತ ಶಂಕಿತ ಉಗ್ರನನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿ ಅಸ್ಸಾಂಗೆ ಕರೆದೊಯ್ದಿದೆ.
ಇದನ್ನೂ ಓದಿ : ಲೆಬನಾನ್ : ಸಿರಿಯಾ ಕಾರ್ಮಿಕರಿದ್ದ ಕಟ್ಟಡದ ಮೇಲೆ ಇಸ್ರೇಲ್ ದಾಳಿ – 23 ಮಂದಿ ಸಾವು..!
