ಚಿತ್ರರಂಗದಲ್ಲಿ 16ನೇ ವಸಂತಕ್ಕೆ ಹೆಜ್ಜೆಯಿಟ್ಟಿರೋ ರಾಗನಿಧಿ ಅನೂಪ್ ಸೀಳಿನ್, ಇದೇ ಮೊದಲ ಬಾರಿಗೆ ಚೊಚ್ಚಲ ಮ್ಯೂಸಿಕ್ ವಿಡಿಯೋ ಹಾಡೊಂದನ್ನ ಮಾಡಿದ್ದಾರೆ. ಈ ಹಾಡನ್ನ ಅನೂಪ್ ಸೀಳಿನ್ ಮಡದಿ ಕೃತಿ ಶೆಟ್ಟಿಯವ್ರು ಲಾಂಚ್ ಮಾಡಿದ್ದಾರೆ. ಪ್ರೀತಿ ಅನ್ನೊ ದ್ಯಾವ್ರು ಅನ್ನೋ ಶೀರ್ಷಿಕೆಯ ಈ ಹಾಡಿಗೆ ರಾಗ ಸಂಯೋಜಿಸಿ, ಹಾಡೋದ್ರ ಜೊತೆ ಖುದ್ದು ತಾವೇ ಅಭಿನಯಿಸಿದ್ದಾರೆ.
ನಾಲ್ಕಾರು ಆಯಾಮಗಳಲ್ಲಿ ಕಾಣೋ ಕೇಳೋ ಪ್ರೀತಿ ಅನ್ನೊ ದ್ಯಾವ್ರು ಹಾಡಿಗೆ ಪ್ರಮೋದ್ ಮರವಂತೆ ಸಾಹಿತ್ಯ ಬರೆದಿದ್ದಾರೆ. ಅನೂಪ್ ಸೀಳಿನ್ ಶ್ರೀಮತಿ ಕೃತಿ ಬಿ ಶೆಟ್ಟಿ ಈ ವಿಡಿಯೋ ಆಲ್ಬಂ ಹಾಡನ್ನ ನಿರ್ಮಿಸಿದ್ದಾರೆ. ಸುಜ್ಞಾನ್ ಮೂರ್ತಿ ಛಾಯಾಗ್ರಹಣ ಕಾರ್ತಿಕ್ ಬಿ ಶೆಟ್ಟಿ ನೃತ್ಯ ಸಂಯೋಜನೆ ಮಾಡಿದ್ದು, ಮನು ಎಸ್ ಗೌಡ ಸಂಕಲನ ಮಾಡಿದ್ದಾರೆ.
ಜೆಪಿ ಮ್ಯೂಸಿಕ್ ಗೆ ದಶಕದ ಸಂಭ್ರಮ : ತಮ್ಮ ಮ್ಯೂಸಿಕ್ ಲೇಬಲ್ ಜೆಪಿ ಮ್ಯೂಸಿಕ್ ಹತ್ತನೇ ವರ್ಷಕ್ಕೆ ಕಾಲಿಟ್ಟ ಈ ಘಳಿಗೆಯಲ್ಲಿ ಅನೂಪ್ ವೃತ್ತಿ ಬದುಕಿನಲ್ಲೇ ಮೊಟ್ಟ ಮೊದಲ ಬಾರಿಗೆ ಇಂಥ ಪ್ರಯತ್ನಕ್ಕೆ ಕೈ ಹಾಕಿದ್ದಾರೆ. ಈ ಪ್ರಯೋಗವನ್ನ ಜೆಪಿ ಮ್ಯೂಸಿಕ್ ಯೂಟ್ಯೂಬ್ ಚಾನೆಲ್ ನಲ್ಲಿ ರಿಲೀಸ್ ಮಾಡಿದ್ದಾರೆ. ಯುಟ್ಯೂಬ್ ಜೊತೆಗೆ ಎಲ್ಲಾ ಮ್ಯೂಸಿಕ್ ಪ್ಲಾಟ್ ಫಾರಾಂಗಳಲ್ಲೂ ಈ ಹಾಡಿನ ಆಡಿಯೋ ಲಭ್ಯವಿದೆ.
ಈಥರದ ಮ್ಯೂಸಿಕ್ ಆಲ್ಬಂ ಆಸೆ ಮೊದಲಿಂದ ಇತ್ತು. ಇಲ್ಲಿಂದ ಇದು ಆರಂಭ ಆಗಿದೆ. ಗುರುಗಳಾದ ಹಂಸಲೇಖರನ್ನ ಸ್ಮರಿಸುತ್ತಾ, ಪ್ರೀತಿ ಅನ್ನೋ ದ್ಯಾವ್ರು ಮನುಷ್ಯ ಮತ್ತು ಪ್ರಕೃತಿ ನಡುವಿನ ಥೀಮ್ ಇರೋ ಕಾನ್ಸೆಪ್ಟ್ ಹುಟ್ಟಿಂದ ಸಾವಿನ ವರೆಗೆ ಒಂದಷ್ಟು ವಿಚಾರಗಳನ್ನ ಈ ಹಾಡಿನ ಮೂಲಕ ಹೇಳಲಾಗಿದೆ ಎಂದು ಅನೂಪ್ ಸೀಳಿನ್ ತಿಳಿಸಿದ್ದಾರೆ.
ಇದನ್ನೂ ಓದಿ : ಅಭಿಮಾನಿ ದೇವರಿಂದ ‘ಪೆಪೆ’ ಸಿನಿಮಾದ ರಿಲೀಸ್ ಡೇಟ್ ಅನೌನ್ಸ್..!
