ಬೆಂಗಳೂರು : ರೀಲ್ಸ್ ಶೋಕಿದಾರರಿಂದ ಸ್ಯಾಂಡಲ್ವುಡ್ ಟೆಕ್ನಿಷಿಯನ್ಗೆ ಸಂಕಷ್ಟ ಎದುರಾಗಿದೆ. ಕಳೆದೆರಡು ದಿನಗಳ ಹಿಂದೆಯಷ್ಟೇ ಅರುಣ್ ಕಟಾರೆ ನಕಲಿ ಗನ್ ಬಳಸಿ ರೀಲ್ಸ್ ಮಾಡುತ್ತಿದ್ದ. ಇದನ್ನು ನೋಡಿದ ಸಾರ್ವಜನಿಕರು ಗಾಬರಿ ಬಿದ್ದು ಪೊಲೀಸರಿಗೆ ದೂರು ನೀಡಿದ್ದಾರೆ. ಈ ದೂರಿನ ಅನ್ವಯ ಕೊತ್ತನೂರು ಪೊಲೀಸರು ಅರುಣ್ ಕಟಾರೆನನ್ನು ಅರೆಸ್ಟ್ ಮಾಡಿದ್ದಾರೆ.
ಇದೀಗ ಎಕೆ 47 ಮಾದರಿಯ ನಕಲಿ ಗನ್ ಬಳಸಿ ಬಂಧಿತನಾಗಿರುವ ಅರುಣ್ ಕಟಾರೆನಿಂದಾಗಿ, ಕನ್ನಡದ ಸೂಪರ್ ಹಿಟ್ ಸಿನಿಮಾಗಳಿಗೆ ಡಮ್ಮಿ ಗನ್ ಒದಗಿಸುವ ಟೆಕ್ನಿಷಿಯನ್ ಸಾಹಿಲ್ಗೆ ಪೊಲೀಸ್ ನೊಟೀಸ್ ನೀಡಿದ್ದಾರೆ.
ಹೊಂಬಾಳೆ ಫಿಲ್ಸ್, ಗೀತಾ ಪಿಕ್ಚರ್ಸ್ ನಂತಹ ಬ್ಯಾನರ್ಗಳ ಸಿನಿಮಾಗಳಿಗೆ ಸಾಹಿಲ್ ಟೆಕ್ನಿಷಿಯನ್ ಆಗಿದ್ದು, ಕನ್ನಡದ ಸೂಪರ್ ಹಿಟ್ ಚಿತ್ರಗಳಾದ ಕಬ್ಜ, ಭೈರತಿ ರಣಗಲ್, ಮಪ್ತಿ ಸಿನಿಮಾಗಳಿಗೆ ಡಮ್ಮಿ ಗನ್ ಒದಗಿಸಿದ್ದನು. ಇದೀಗ ಬಂಧಿತನಾಗಿರುವ ರೀಲ್ಸ್ ರಾಜ ಅರುಣ್ ಕಟಾರೆ ಇದೇ ಸಾಹಿಲ್ ಬಳಿ ಶಾರ್ಟ್ ಮೂವಿಗೆ ಎಂದು ಡಮ್ಮಿ ಗನ್ ಬಾಡಿಗೆ ಪಡೆದಿದ್ದ ಎಂದು ತಿಳಿದು ಬಂದಿದೆ. ಈ ಕಾರಣದಿಂದ ಕೊತ್ತನೂರು ಪೊಲೀಸರು ಸಾಹಿಲ್ಗೆ ನೊಟೀಸ್ ನೀಡಿದ್ದಾರೆ.
ಇದನ್ನೂ ಓದಿ : ಅಮೆರಿಕದತ್ತ ಹೊರಡುವ ಮುನ್ನ ಯುವ ಪತ್ನಿ ಶ್ರೀದೇವಿ ಹೇಳಿದ್ದೇನು? ಡಿವೋರ್ಸ್ ಕಥೆ ಏನಾಯ್ತು?
