ಬೆಂಗಳೂರು : ಲೈಂಗಿಕ ದೌರ್ಜನ್ಯ ಪ್ರಕರಣ ಸಂಬಂಧ ಸಿಐಡಿ ಕಸ್ಟಡಿಯಲ್ಲಿದ್ದ ಪ್ರಜ್ವಲ್ ರೇವಣ್ಣ ಮತ್ತೆ ನ್ಯಾಯಾಂಗ ಬಂಧನದಲ್ಲಿದ್ದಾರೆ. ಇದೀಗ ಪ್ರಜ್ವಲ್ ರೇವಣ್ಣ ವಿರುದ್ಧ ಮತ್ತೊಂದು FIR ದಾಖಲಾಗಿದೆ. ಮಾಜಿ ಸಂಸದ ಪ್ರಜ್ವಲ್ಗೆ ಇದು 4ನೇ FIR ಸಂಕಷ್ಟವಾಗಿದ್ದು, ಇದೇ ಕೇಸ್ನಲ್ಲಿ ಮಾಜಿ MLA ಪ್ರೀತಂಗೌಡಗೆ ಅರೆಸ್ಟ್ ಭೀತಿ ಎದುರಾಗಿದೆ.
ಪ್ರಜ್ವಲ್,ಕಿರಣ್, ಶರತ್, ಪ್ರೀತಮ್ಗೌಡ ಆರೋಪಿಗಳು. IPC-354(a), 354(d), 354(b), 506, 66(e) ಐಟಿ ಆ್ಯಕ್ಟ್ ಅಡಿ CID ಕೇಸ್ ದಾಖಲಾಗಿದೆ. ಲೈಂಗಿಕ ದೌರ್ಜನ್ಯ ಆರೋಪದಡಿ ಕೇಸ್, ಲೈಂಗಿಕ ದೌರ್ಜನ್ಯ ಎಸಗಿ ವಿಡಿಯೋ ಮಾಡಿ ಶೇರ್ ಮಾಡಿರುವ ಆರೋಪ ಕೂಡ ಇದೆ. ಈ ಬಗ್ಗೆ ಕಳೆದ ವಾರ ಸಿಐಡಿಯಲ್ಲಿ ಕೇಸ್ ದಾಖಲಾಗಿತ್ತು, ನಂತರ ವಿಡಿಯೋ ಕಾನ್ಫರೆನ್ಸ್ ವಿಚಾರಣೆ ವೇಳೆ ಜಡ್ಜ್ 4ನೇ FIR ಬಗ್ಗೆ ಮಾಹಿತಿ ನೀಡಿದ್ದಾರೆ.
ನಿಮ್ಮ ಮೇಲೆ ಮತ್ತೊಂದು FIR ಆಗಿದೆ ಎಂದು ಜಡ್ಜ್ ಮಾಹಿತಿ ನೀಡಿದ್ದು, ಮತ್ತೊಂದು FIR ಬಗ್ಗೆ ಸುದ್ದಿ ತಿಳಿದು ಪ್ರಜ್ವಲ್ ಆತಂಕಕ್ಕೊಳಗಾಗಿದ್ದಾರೆ. SIT ಅಧಿಕಾರಿಗಳು 42 ಎಸಿಎಂಎಂ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದು, ಈ ಪ್ರಕರಣದಲ್ಲಿ ಪೊಲೀಸರು ಮತ್ತೆ ಬಾಡಿ ವಾರೆಂಟ್ ಸಲ್ಲಿಸಿದ್ದಾರೆ. ಬಾಡಿ ವಾರೆಂಟ್ ಮೇಲೆ ಪೊಲೀಸರು ಪ್ರಜ್ವಲ್ನ್ನು ವಶಕ್ಕೆ ಕೇಳಿದ್ದಾರೆ.
ಇದನ್ನೂ ಓದಿ : ದರ್ಶನ್ ಕೈದಿ ನಂಬರ್ 6106 : ಇದೇ ಲಕ್ಕಿ ನಂಬರ್ ಎಂದು ಗಾಡಿ ಮೇಲೆ ಬರೆಸಿಕೊಂಡ ಅಭಿಮಾನಿ..!