ನವದೆಹಲಿ : 2024ರ ಸಂಸತ್ ಮಹಾ ಸಮರಕ್ಕೆ ಇಂದು ಕೊನೆಯ ದಿನ. ದೇಶದ ಇತಿಹಾಸದಲ್ಲೇ ಸುದಿರ್ಘ ಕಾಲ ನಡೆದ ಎಲೆಕ್ಷನ್ನ ಕೊನೆಯ ಹಂತಕ್ಕೆ ಇಂದು ವೋಟಿಂಗ್ ನಡೀತಿದೆ. ಪ್ರಧಾನಿ ನರೇಂದ್ರ ಮೋದಿ ಅವರ ಸ್ವಕ್ಷೇತ್ರ ವಾರಾಣಸಿ ಸೇರಿದಂತೆ 8 ರಾಜ್ಯಗಳ 57 ಕ್ಷೇತ್ರಗಳಲ್ಲಿ ಮತದಾನ ನಡೆಯುತ್ತಿದೆ. ಒಟ್ಟು 904 ಅಭ್ಯರ್ಥಿಗಳು ಸ್ಪರ್ಧಿಸುತ್ತಿದ್ದಾರೆ.
ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್, ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ.ನಡ್ಡಾ ಸೇರಿದಂತೆ ಹಲವು ಗಣ್ಯಾತಿಗಣ್ಯರು ಕೊನೆಯ ಹಂತದಲ್ಲಿ ಈಗಾಗಲೇ ಮತದಾನ ಮಾಡಿದ್ದಾರೆ. ಜೂನ್ 4ರಂದು ಲೋಕಸಭೆಯ ಫಲಿತಾಂಶ ಹೊರಬಿಳಲಿದೆ.
ಉತ್ತರಪ್ರದೇಶ, ಬಿಹಾರ, ಪಶ್ಚಿಮ ಬಂಗಾಳ ಸೇರಿ ಉತ್ತರದ ರಾಜ್ಯಗಳಲ್ಲಿ ನಡೆಯುತ್ತಿರುವ ಕೊನೆಯ ಹಂತದ ಮತದಾನದಲ್ಲಿ ಬಿಜೆಪಿ ಹೆಚ್ಚು ಸ್ಥಾನಗಳ ನಿರೀಕ್ಷೆಯಲ್ಲಿದೆ. ಕಾಂಗ್ರೆಸ್ ನೇತೃತ್ವದ I.N.D.I.A ಒಕ್ಕೂಟವೂ ಅಧಿಕಾರದ ಚುಕ್ಕಾಣಿ ಹಿಡಿಯುವ ನಿರೀಕ್ಷೆಯಲ್ಲಿದೆ.
ಇದನ್ನೂ ಓದಿ : ವೀಕೆಂಡ್ನಲ್ಲೇ ಎಣ್ಣೆ ಪ್ರಿಯರಿಗೆ ಬಿಗ್ ಶಾಕ್ – ಇಂದಿನಿಂದ ಜೂನ್ 6 ರವರೆಗೆ ಬಾರ್ಗಳು ಸಂಪೂರ್ಣ ಬಂದ್..!