ಬೆಂಗಳೂರು : ರಾಮೇಶ್ವರಂ ಕೆಫೆ ಸ್ಪೋಟ ಪ್ರಕರಣದ ಶಂಕಿತ ಬಾಂಬರ್ಗಳನ್ನು NIA ಅಧಿಕಾರಿಗಳು ಅರೆಸ್ಟ್ ಮಾಡಿದ್ದು, ಇದೀಗ ಕೆಫೆ ಬಾಂಬರ್ಗಳ ಮೊದಲ ದೃಶ್ಯ ಲಭ್ಯವಾಗಿದೆ. ಮೆಡಿಕಲ್ ತಪಾಸಣೆ ಬಳಿಕ ಶಂಕಿತ ಕೋರ್ಟ್ಗೆ ಹಾಜರು ಪಡಿಸಲಿದ್ದಾರೆ.
NIA ಅಧಿಕಾರಿಗಳು ಪಶ್ಚಿಮ ಬಂಗಾಳದಲ್ಲಿ ಶಂಕಿತ ಬಾಂಬರ್ಗಳನ್ನು ಅರೆಸ್ಟ್ ಮಾಡಿದ್ದಾರೆ. NIA ಅಧಿಕಾರಿಗಳು ಮುಸ್ಸಾವೀರ್ ಮತ್ತು ಅಬ್ದುಲ್ ಮತೀನ್ನ್ನು ಕೊಲ್ಕತ್ತಾದಲ್ಲಿ ಬಂಧಿಸಿದ್ದು, ಸಂಜೆ ಬೆಂಗಳೂರಿಗೆ ಕರೆತರಲಿದ್ದಾರೆ.
ಬಂಧಿತರ ಸುಳಿವು ಕೊಟ್ಟಿದ್ದೇ ಮಹಾರಾಷ್ಟ್ರದ ಆ ಒಂದು ರೇಡ್..?
ಮೂರು ದಿನಗಳ ಹಿಂದೆ ಮಹಾರಾಷ್ಟ್ರದಲ್ಲಿ ಎನ್ಐಎ ದಾಳಿ ನಡೆಸಿತ್ತು. ಎನ್ಐಎ ಜೊತೆಗೆ ದೆಹಲಿ ಪೊಲೀಸರು ಮೂವರನ್ನು ಹೆಡೆಮುರಿ ಕಟ್ಟಿದ್ರು. ಮೂವರು ಯುವಕರ ಬಳಿ ಇದ್ದ ಲ್ಯಾಪ್ಟಾಪ್, ಮೊಬೈಲ್ಗಳು ವಶಕ್ಕೆ ಪಡೆದಿದ್ದರು. ಈ ವೇಳೆ ರಾಮೇಶ್ವರಂ ಕೆಫೆ ಬಾಂಬರ್ ಕುರಿತು ಮಹತ್ವದ ಸುಳಿವು ಸಿಕ್ಕಿದೆ. ಬಾಂಬರ್ ಜೊತೆ ಕ್ರಿಪ್ಟೋ ಕರೆನ್ಸಿ ಮೂಲಕ ಯುವಕರಿಗೆ ಲಿಂಕ್ ಇರೋದು ತಿಳಿದುಬಂದಿದೆ.
ಕಳೆದ ಎರಡು ವರ್ಷಗಳಿಂದ ಬಾಂಬರ್ ಜೊತೆ ಯುವಕರಿಗೆ ಲಿಂಕ್ ಇದ್ದು, ಕೆಲಸವಿಲ್ಲದಿದ್ದರೂ ಯುವಕರು ಐಷಾರಾಮಿ ಜೀವನ ನಡೆಸುತ್ತಿದ್ದರು. ಐಷಾರಾಮಿ ಜೀವನ ನಡೆಸುತ್ತಿದ್ದ ಕುರಿತು ಎನ್ಐಎಗೆ ಮಾಹಿತಿ ಲಭ್ಯವಾಗಿತ್ತು. ಈ ಆಧಾರದ ಮೇಲೆ ಎನ್ಐಎ ತಂಡ ಮೂವರನ್ನು ವಿಚಾರಣೆ ನಡೆಸಿತ್ತು. ಎನ್ಐಎ ಜೊತೆಗೆ ದೆಹಲಿ ಪೊಲೀಸರಿಂದ ಸುಮಾರು 8 ಗಂಟೆ ತನಿಖೆ ನಡೆಸಿದ್ದು,
ಇದಾದ ಬಳಿಕ ಕೆಫೆ ಬಾಂಬರ್ ಜಾಗದ ಕುರಿತು ಸುಳಿವು ಸಿಕ್ಕಿತ್ತು. ಈ ರೇಡ್ ಆಧಾರದ ಮೇಲೆ ಕೋಲ್ಕತ್ತಾದಲ್ಲಿ ಭೂಗತವಾಗಿದ್ದ ಇಬ್ಬರನ್ನು ಅರೆಸ್ಟ್ ಮಾಡಲಾಗಿದೆ.
ಇದನ್ನೂ ಓದಿ : ಫೋನ್ ಪೇ, ಗೂಗಲ್ ಪೇನಲ್ಲಿ ಹಣ ವರ್ಗಾವಣೆ ಮಾಡೋರು ಹುಷಾರ್ : ಆನ್ಲೈನ್ ಪೇಮೆಂಟ್ ಮೇಲೆ ಚುನಾವಣಾ ಅಧಿಕಾರಿಗಳ ಕಣ್ಣು..!
