ಬೆಂಗಳೂರು : ರಾಮೇಶ್ವರಂ ಕೆಫೆ ಸ್ಫೋಟಕ ಪ್ರಕರಣದ ಮತ್ತೊಂದು ವಿಡಿಯೋ ಲಭ್ಯವಾಗಿದೆ. 2 ದಿನಗಳ ಹಿಂದೆ ಕುಂದಲಹಳ್ಳಿ ಮುಖ್ಯರಸ್ತೆ, ಕೆಫೆ ಒಳಗಿನ ದೃಶ್ಯ ಸಿಕ್ಕಿದ್ದವು, ಇದೀಗ ಶಂಕಿತ ವ್ಯಕ್ತಿ ಕೆಫೆ ಸಮೀಪದ ಬಸ್ ನಿಲ್ದಾಣದಲ್ಲಿ ಬಸ್ನಿಂದ ಇಳಿಯುವ ದೃಶ್ಯ ಪತ್ತೆಯಾಗಿದೆ.
ಶಂಕಿತ BMTC ಬಸ್ ಇಳಿದು ನೇರವಾಗಿ ಕೆಫೆ ಕಡೆಗೆ ಮುಖ ಮಾಡಿ ಹೊರಟಿದ್ದ. BMTC ಬಸ್ನಲ್ಲಿ ಶಂಕಿತ ವ್ಯಕ್ತಿ ಬಂದಿರುವ ಮಾಹಿತಿ ಇತ್ತು. ತಲೆಗೆ ಕ್ಯಾಪ್, ಬೆನ್ನಿನ ಮೇಲೆ ಕಪ್ಪು ಬ್ಯಾಗ್ ಈ ದೃಶ್ಯದಲ್ಲೂ ಪತ್ತೆಯಾಗಿದೆ. ಬಸ್ ಇಳಿದ ಸ್ಥಳದ ಮಾರ್ಗ ಐಟಿಪಿಎಲ್ ಕಡೆಯಿಂದ ಬರುವ ಮಾರ್ಗವಾಗಿದೆ. ಹಾಗಾಗಿ ಐಟಿಪಿಎಲ್ ಕಡೆಯಿಂದ ಶಂಕಿತ ಬಸ್ನಲ್ಲಿ ಬಂದಿರುವ ಸಾಧ್ಯತೆಯಿದೆ. ಈ ದೃಶ್ಯ ಆಧರಿಸಿ ಪೊಲೀಸರು ಆರೋಪಿಯ ಹುಡುಕಾಟ ನಡೆಸ್ತಿದ್ದಾರೆ.
ರಾಮೇಶ್ವರಂ ಕೆಫೆ ಬಾಂಬ್ ಸ್ಪೋಟ ಪ್ರಕರಣವನ್ನು NIA ಅಧಿಕಾರಿಗಳು ದಾಖಲಿಸಿಕೊಂಡಿದ್ದಾರೆ. ಇನ್ನೆರಡು ದಿನಗಳಲ್ಲಿ ಅಧಿಕೃತವಾಗಿ ತನಿಖೆ ನಡೆಯಲಿದೆ.
ಈ ಸಂಬಂಧ HAL ಪೊಲೀಸ್ ಠಾಣೆಯಲ್ಲಿ UAPA ಅಡಿ ಕೇಸ್ ದಾಖಲಾಗಿತ್ತು. ಇದೀಗ ಪ್ರಕರಣದ ಗಂಭೀರತೆ ಅರಿತು NIAನಿಂದ ಕೇಸ್ ದಾಖಲಿಸಿಕೊಂಡಿದೆ.
ಇದನ್ನೂ ಓದಿ : ರಾಮೇಶ್ವರಂ ಕೆಫೆಯಲ್ಲಿ ಬಾಂಬ್ ಸ್ಫೋಟ ಪ್ರಕರಣ : ನಾಲ್ಕನೇ ದಿನವೂ ಬಾಂಬರ್ಗಾಗಿ ಪೊಲೀಸರ ಶೋಧ..!