ಮುಂಬೈ : ಬಾಲಿವುಡ್ ಡ್ರಾಮಾ ಕ್ವೀನ್, ನಟಿ ರಾಖಿ ಸಾವಂತ್.. ಆಕೆಯ ಮಾಜಿ ಪತಿ ಆದಿಲ್ ಖಾನ್ ದುರಾನಿ ಸಂಬಂಧದ ವಿವಾದದ ಬಳಿಕ ಬಹಳ ದಿನಗಳಿಂದ ಕಣ್ಮರೆಯಾಗಿದ್ದರು. ಈ ಮಧ್ಯೆ ರಾಖಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ, ಅವರ ಸ್ಥಿತಿ ತೀರಾ ಚಿಂತಾಜನಕವಾಗಿದೆ ಎಂಬ ಸುದ್ದಿಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತಿತ್ತು.
ಇಷ್ಟು ದಿನ ಜನಮನದಿಂದ ದೂರ ಉಳಿದಿದ್ದ ರಾಖಿ ಸಾವಂತ್ ಇದೀಗ ಅದೇ ಹಳೆ ಜೋಶ್ ಮತ್ತು ಎನರ್ಜಿ ಮೂಲಕ ಕಿರುತೆರೆಯ ಜನಪ್ರಿಯ ಶೋ ಬಿಗ್ಬಾಸ್ ಮನೆಯಲ್ಲಿ ದಿಢೀರ್ ಪ್ರತ್ಯಕ್ಷವಾಗಿದ್ದಾರೆ. ಹೌದು.. ಈ ಬಾರಿ ದಿಢೀರ್ ಆಗಿ ಬಿಗ್ಬಾಸ್ ಮನೆಯಲ್ಲಿ ರಾಖಿ ಕಾಣಿಸಿಕೊಂಡಿದ್ದಾರೆ. ರಿತೇಶ್ ದೇಶ್ಮುಖ್ ನಡೆಸಿಕೊಡುತ್ತಿರುವ ಮರಾಠಿ ಬಿಗ್ಬಾಸ್ ಮನೆಗೆ ರಾಖಿ ಎಂಟ್ರಿ ಕೊಟ್ಟಿದ್ದಾರೆ.
ಈಗ ಈ ಬಿಗ್ಬಾಸ್ ಮನೆಗೆ ರಾಖಿ ಸಾವಂತ್ ಎಂಟ್ರಿ ಕೊಡುತ್ತಿರುವ ಪ್ರೋಮೋ ಬಿಡುಗಡೆಯಾಗಿದೆ. ಇದರಲ್ಲಿ ರಾಖಿ ಡ್ಯಾನ್ಸ್ ಮಾಡುತ್ತಾ ಹಲೋ ಬಿಗ್ ಬಾಸ್ ನಾನು ಮತ್ತೆ ಬಂದಿದ್ದೇನೆ ಎಂದು ಹೇಳುತ್ತಿರುವುದನ್ನು ಕಾಣಬಹುದಾಗಿದೆ.
ಇಷ್ಟು ದಿನಗಳ ನಂತರ ರಾಖಿ ಸಾವಂತ್ ಅವರನ್ನು ಬಿಗ್ ಬಾಸ್ ಪ್ರೋಮೊದಲ್ಲಿ ನೋಡಿ ನೆಟ್ಟಿಗರು ಸಂತೋಷದಿಂದ ಪ್ರತಿಕ್ರಿಯಿಸುತ್ತಿದ್ದಾರೆ. ಅಸಲಿ ನಾಟಕದ ರಾಣಿಯ ಆಗಮನ, ಯಾವುದೇ ಸ್ಟಾರ್‌ಗಾಗಿ ಇಷ್ಟು ದಿನ ಕಾಯಲಿಲ್ಲ, ರಾಖಿ ಎಂದರೆ ಬೆಂಕಿ, ನಗುವ ಎಮೋಜಿಗಳನ್ನು ಕಾಮೆಂಟ್ ಮಾಡುತ್ತಿದ್ದಾರೆ.
ಇದನ್ನೂ ಓದಿ : ಬಿಗ್‌ಬಾಸ್ನ ಮೊದಲ ಸ್ಪರ್ಧಿ ಇವರೇ ನೋಡಿ – ‘ಗೌತಮಿ ಜಾದವ್’ ನರಕಕ್ಕೆ ಹೋಗ್ತಾರಾ.. ಇಲ್ಲಾ ಸ್ವರ್ಗಕ್ಕಾ..?
