ಬಾಲಿವುಡ್ ನಟಿ ಅಥಿಯಾ ಶೆಟ್ಟಿ ಮತ್ತು ಕೆ.ಎಲ್ ರಾಹುಲ್ ದಂಪತಿ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ತಾಯಿಯಾಗುತ್ತಿರುವ ಗುಡ್ ನ್ಯೂಸ್ ಅನ್ನು ಖುದ್ದು ಆಥಿಯಾ ಶೆಟ್ಟಿ ತಮ್ಮ ಇನ್ಇಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ.
ಈ ಕುರಿತು ಅಥಿಯಾ ಮತ್ತು ಕೆ.ಎಲ್ ರಾಹುಲ್ ”ನಮ್ಮ ಸುಂದರ ಆಶೀರ್ವಾದ ಶೀಘ್ರದಲ್ಲಿಯೇ ಬರಲಿದೆ” ಎಂದು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. ಸದ್ಯ ತಮ್ಮ ಮಗುವನ್ನು ಒಡಲಲ್ಲಿ ಹೊತ್ತುಕೊಂಡಿರುವ ಆಥಿಯಾ 2025ಕ್ಕೆ ಮಗು ಬರಲಿದೆ ಎಂದು ಅಭಿಮಾನಿಗಳಿಗೆ ತಿಳಿಸಿದ್ದಾರೆ.
ಸದ್ಯ ಈ ಒಂದು ಸುದ್ದಿ ಈಗ ಸೋಷಿಯಲ್ ಮೀಡಿಯಾದಲ್ಲಿ ದೊಡ್ಡ ಸುದ್ದಿಯಾಗಿದ್ದು. ಎಲ್ಲರೂ ರಾಹುಲ್ ಹಾಗೂ ಆಥಿಯಾಗೆ ಶುಭಾಶಯಗಳನ್ನು ಕೋರುತ್ತಿದ್ದಾರೆ. ಜನವರಿ 23, 2023ರಂದು ಕೆ.ಎಲ್.ರಾಹುಲ್ ಹಾಗೂ ಆಥಿಯಾ ಹಸೆಮಣೆಯನ್ನು ಏರಿದ್ದರು. ಅವರ ಪ್ರೀತಿಯ ದಾಂಪತ್ಯದ ಗುರುತಾಗಿ 2025ರಲ್ಲಿ ಅವರ ಮನೆ ಹಾಗೂ ಮನ ಬೆಳಗಲು ಮುದ್ದಾದ ಮಗುವೊಂದು ಬರಲಿದೆ.
ಇದನ್ನೂ ಓದಿ : ಅಮೇರಿಕಾದಲ್ಲಿ ವಿಕ್ರಮ್ ಸೂರಿ-ನಮಿತ ರಾವ್ ದಂಪತಿಯಿಂದ ನೃತ್ಯ ವೈವಿಧ್ಯ..!
