ಬೆಂಗಳೂರು : ನಮ್ಮ ಮೆಟ್ರೋ ರೈಲಿನ ಒಳಗೆ ಪ್ರಯಾಣಿಕರು ಹೊಡೆದಾಡಿಕೊಂಡ ಘಟನೆ ನಡೆದಿದೆ. ಮೆಟ್ರೋ ಪ್ರಯಾಣಿಕರು ಕೈ ಕೈ ಮಿಲಾಯಿಸಿ ಹೊಡೆದಾಡಿರುವ ವಿಡಿಯೋ ಇದೀಗ ಎಲ್ಲೆಡೆ ವೈರಲ್ ಆಗುತ್ತಿದೆ.
ಕಿಕ್ಕಿರಿದು ತುಂಬಿದ್ದ ಮೆಟ್ರೋ ರೈಲಿನ ಒಳಗೆ ಮೇಲೆ ಬಿದ್ರು ಅನ್ನೋ ಕಾರಣಕ್ಕೆ ಅವಾಚ್ಯ ಪದಬಳಕೆ ಮಾಡಿ ಹೊಡೆದಾಡಿದ್ದಾರೆ. ಇನ್ನು ವೈರಲ್ ಅಗುತ್ತಿರುವ ವಿಡಿಯೋವನ್ನು ಪರಿಶೀಲನೆ ಮಾಡ್ತಿರೋ ಬಿಎಂಆರ್ಸಿಎಲ್ ಯಾವ ಮೆಟ್ರೋ ರೈಲು, ಎಲ್ಲಿ ನಡೆದಿರುವ ಘಟನೆ, ಯಾವ ಟೈಂ ಎನ್ನುವ ಬಗ್ಗೆ ಮಾಹಿತಿ ಕಲೆಹಾಕುತ್ತಿದೆ.
ಇನ್ನು ಇಂತಹ ಘಟನೆ ಮತ್ತೆ ನಡೆಯಬಾರದು ಎಂದು ಚಿಂತನೆ ನಡೆಸುತ್ತಿರುವ ಬಿಎಂಆರ್ಸಿಎಲ್, ಮೆಟ್ರೋ ಒಳಗೆ ಮತ್ತಷ್ಟು ಸೆಕ್ಯುರಿಟಿ ಹೆಚ್ಚಿಸುವ ಬಗ್ಗೆ ಪ್ಲಾನ್ ಮಾಡುತ್ತಿದೆ. ಪ್ರಯಾಣಿಕರು ಮತ್ತೆ ಈ ರೀತಿ ಘಟನೆಗಳಲ್ಲಿ ಪಾಲ್ಗೊಳ್ಳದಂತೆ ಕಠಿಣ ಕ್ರಮಕ್ಕೆ ನಿರ್ಧಾರ ಮಾಡಿದೆ.
ಇದನ್ನೂ ಓದಿ : ಉಡುಪಿಯ ಕಾಪು ಮಾರಿಗುಡಿ ದೇವಸ್ಥಾನಕ್ಕೆ ಕ್ರಿಕೆಟರ್ ಸೂರ್ಯಕುಮಾರ್ ಯಾದವ್ ಭೇಟಿ..!
