ಬೆಂಗಳೂರು : ನ್ಯೂ ಇಯರ್ ಸೆಲೆಬ್ರೇಷನ್ ವೇಳೆ ಯಾವುದೇ ಅವಘಢ ಸಂಭವಿಸಿದಂತೆ ಎಚ್ಚರ ವಹಿಸುವ ನಿಟ್ಟಿನಲ್ಲಿ ಪೊಲೀಸರು ಫುಲ್ ಅಲರ್ಟ್ ಆಗಿದ್ದಾರೆ. ಡಿಸೆಂಬರ್ 31ರ ರಾತ್ರಿ 1 ಗಂಟೆವರೆಗೆ ಮಾತ್ರ ಸೆಲೆಬ್ರೇಷನ್ ಮಾಡಬಹುದು, ಆಮೇಲೆ ರೋಡ್ನಲ್ಲಿ ಕಾಣಿಸಿಕೊಂಡ್ರೆ ಏಟು ಬೀಳೋದಂತು ಖಂಡಿತಾ.
ಕುಡಿದು ಗಾಡಿ ಓಡಿಸಿದ್ರೆ, ವೀಲಿಂಗ್, ಡ್ರ್ಯಾಗ್ ರೇಸ್ ಅಂತ ಎಕ್ಸಲೇಟರ್ ರೇಸ್ ಮಾಡಿದ್ರೆ ಅರೆಸ್ಟ್ ಮಾಡಲಾಗುತ್ತದೆ. ಅಷ್ಟೆ ಅಲ್ಲದೆ ಆಟೋ-ಕ್ಯಾಬ್ ಚಾಲಕರು ಹೆಚ್ಚು ಹಣ ವಸೂಲಿ ಮಾಡಿದ್ರೆ ಅವರ ಮೇಲೂ ಪೊಲೀಸರು ಕ್ರಮ ಕೈಗೊಳ್ಳುತ್ತಾರೆ. ಬೆಂಗಳೂರಿನ ಎಲ್ಲಾ ಫ್ಲೈ ಓವರ್ಗಳು ಡಿಸೆಂಬರ್ 31ಕ್ಕೆ ಬಂದ್ ಆಗಲಿದ್ದು, ಏರ್ಪೋರ್ಟ್ ಫ್ಲೈ ಓವರ್ನ ಮಾತ್ರ ಪೊಲೀಸರು ಓಪನ್ ಇಡಲಿದ್ದಾರೆ.
ಬ್ರಿಗೇಡ್ ರೋಡ್, ಎಂಜಿ ರೋಡ್, ಕೋರಮಂಗಲದಲ್ಲಿ ನಾಕಾಬಂದಿ, ಸಿಸಿಟಿವಿ, ಡ್ರೋನ್ ಮೂಲಕ ಎಲ್ಲೆಡೆ ಸೆಲೆಬ್ರೇಷನ್ ಮೇಲೆ ಪೊಲೀಸರು ಕಣ್ಣಿಡಲಿದ್ದಾರೆ. ಪಬ್, ಕ್ಲಬ್, ಹೊಟೇಲ್, ರೆಸ್ಟೋರೆಂಟ್ಗಳು ಕೂಡಾ ನ್ಯೂ ಇಯರ್ ಸೆಲೆಬ್ರೇಷನ್ಗೆ ರೆಡಿಯಾಗಿದೆ. ಗ್ರಾಹಕರಿಗೆ ಭರ್ಜರಿ ಡಿಸ್ಕೌಂಟ್, ಸ್ಪೆಷಲ್ ಮೆನು ಆಫರ್ ಸಿಗಲಿದ್ದು, ರಾಜಧಾನಿಯಲ್ಲಿ 1 ಸಾವಿರ ಕೋಟಿ ವಹಿವಾಟಿನ ನಿರೀಕ್ಷೆಯಿದೆ.
500 ಕೋಟಿಗೂ ಹೆಚ್ಚು ಮದ್ಯದ ವಹಿವಾಡು ನಡೆಯೋ ಸಾಧ್ಯತೆಯಿದ್ದು, ಈ ಹಿನ್ನೆಲೆಯಲ್ಲಿ ಅಹಿತಕರ ಘಟನೆ ತಡೆಯಲು ಪೊಲೀಸರು ಖಡಕ್ ವಾರ್ನಿಂಗ್ ಕೊಟ್ಟಿದ್ದಾರೆ. ಬೆಂಗಳೂರು ಕಮಿಷನರ್ ಬಿ ದಯಾನಂದ್ ನೇತೃತ್ವದಲ್ಲಿ ಭದ್ರತೆ ನಡೆಯಲಿದೆ.
ಇದನ್ನೂ ಓದಿ : ವರಾಹಿ ಜ್ಯುವೆಲ್ಲರ್ಸ್ ಮಾಲೀಕರಿಗೆ ವಂಚನೆ – ಐಶ್ವರ್ಯಗೌಡ, ಹರೀಶ್ ಅರೆಸ್ಟ್ ಆಗ್ತಿದ್ದಂತೆ ನಟ ಧಮೇಂದ್ರ ಪರಾರಿ..!
