ಮಂಡ್ಯ : ಸದ್ಯ ರಾಜ್ಯದಲ್ಲಿ ಉತ್ತಮ ಮಳೆಯಾಗುತ್ತಿದ್ದು, ಕಾವೇರಿ ಜಲಾನಯನ ಪ್ರದೇಶದಲ್ಲಿಯೂ ವರುಣನ ಆರ್ಭಟ ಚುರುಕುಗೊಂಡಿದೆ. ಪರಿಣಾಮ ಕೆ.ಆರ್.ಎಸ್ ಡ್ಯಾಂ ನೀರಿನ ಮಟ್ಟ ಸಹ ಏರಿಕೆಯಾಗಿದೆ. ಭರ್ಜರಿ ಮಳೆಯಿಂದ ಕೆ.ಆರ್.ಎಸ್ ಜಲಾಶಯಕ್ಕೆ ಬರುವ ನೀರಿನ ಒಳ ಹರಿವಿನ ಪ್ರಮಾಣ ಏರಿಕೆಯಾಗಿದ್ದು, ಒಳ ಹರಿವು 44.617 ಕ್ಯೂಸೆಕ್ ಹೆಚ್ಚಾಗಿದೆ. ಒಂದೇ ರಾತ್ರಿಯಲ್ಲಿ 3 ಅಡಿ ನೀರು ಶೇಖರಣೆಯಾಗಿದೆ. ಈ ಮುಲಕ KRS ಡ್ಯಾಂನ ನೀರಿನ ಮಟ್ಟ 116 ಅಡಿ ದಾಟಿದೆ. ಇದೇ ರೀತಿ ಒಳ ಹರಿವಿನ ಪ್ರಮಾಣ ಮುಂದುವರೆದರೆ ಒಂದೇ ವಾರದಲ್ಲಿ ಡ್ಯಾಂ ಭರ್ತಿಯಾಗುವ ಸಾಧ್ಯತೆಯಿದೆ. ಪುನರ್ವಸು ಮಳೆಗೆ ಈ ಬಾರೀ ಬಹುತೇಕ ಡ್ಯಾಂ ತುಂಬುವ ಸಾಧ್ಯತೆಯಿದೆ.
KRS ಡ್ಯಾಂನ ಇಂದಿನ ನೀರಿನ ಮಟ್ಟ :
- ಗರಿಷ್ಠ ಮಟ್ಟ 124.80 ಅಡಿ
- ಇಂದಿನ ಮಟ್ಟ 116.60 ಅಡಿ
- ಗರಿಷ್ಠ ಸಾಂದ್ರತೆ 49.453 ಟಿಎಂಸಿ
- ಇಂದಿನ ಸಾಂದ್ರತೆ 38.900 ಟಿಎಂಸಿ
- ಒಳ ಹರಿವು 44,617 ಕ್ಯೂಸೆಕ್
- ಹೊರ ಹರಿವು 2,566 ಕ್ಯೂಸೆಕ್
ಇದನ್ನೂ ಓದಿ : ಹಾವೇರಿಯಲ್ಲಿ ಹೃದಯ ವಿದ್ರಾವಕ ಘಟನೆ – ಭಾರೀ ಮಳೆಯಿಂದ ಮನೆ ಗೋಡೆ ಕುಸಿದು ಅವಳಿ ಮಕ್ಕಳು, ಓರ್ವ ಮಹಿಳೆ ಸಾವು..!
